Jɛnesis 15:1 - EBƆRƐ BE KAWƆL

¹ Ade kikɛ be kaman nɛ Eebram ku bɔrɛdare nseŋ nu Enyɛnpe Ebɔrɛ na ka kaŋɛ mo: “Eebram, sa maa lɔ kufu. Ma e la fo ekumpo meeŋ ka fo kukɔ gboŋgboŋi.”

Jɛnesis 15:1 ပူးပေါင်းရင်းမြစ်များ

Jɛnesis 15:2

Nɛ Eebram kaŋɛ: “Enyɛnpe lela, ŋ ka baa maŋ kɔ mbia ere, manɛ be kelela nɛ fo kakɔka ere beeŋ wora ma? Damaskɔs be Eliaza ere e naaŋ ji ma kapetɛ na.

Jɛnesis 15:4

Ndoŋ nna nɛ Eebram naŋ nu Enyɛnpe Ebɔrɛ na ka naŋ malga mo kutɔ ŋ kaŋɛ: “Mannɛ fo kenya Eliaza e naaŋ ji fo kapetɛ. Fo gbagba pibinyɛn kurgeso e naaŋ ki fo asɔ be kumuwura.”

Jɛnesis 21:17

Ndoŋ nna nɛ Ebɔrɛ nu kebia na be kushu na nɛ Ebɔrɛ be malaika shi ebɔrɛso n tre Heega m bishi mo le: “Heega, manɛ nna? Sa maa lɔ kufu. Ebɔrɛ nu kebia na be kushu ashi kakpa nɛ e dese na.

Jɛnesis 22:1

Eebraham wɔtɔ loŋ nɛ kachako Ebɔrɛ ba nɛ e ba wora mo ŋ keni, nseŋ tre mo: “Eebraham!” Nɛ Eebraham shuli ŋ kaŋɛ: “Ma nde.”

Jɛnesis 22:20

Kachako nɛ Eebraham nu fanɛ mo sipo Nahɔɔ be eche Milka gba kurge bibinyɛn n sa mo kul. Mbi na be atre nde:

Jɛnesis 26:24

Kumo be kamɔnchɛ be kanyɛso nɛ Enyɛnpe na lar mo so ŋ kaŋɛ mo: “Ma e la fo tuto Eebraham be Ebɔrɛ na, sa maa lɔ kufu, ŋkpal manɛ so, n wɔ fo kutɔ. Meeŋ nɛfa fo nseŋ shin nɛ fo kaman to ebi e wora keshi ŋkpal ma kenya Eebraham so.”

Jɛnesis 31:7

Ama men tuto puni ma nseŋ chɛrga ma kakɔka ale kudu. Ama Ebɔrɛ maŋ shin nɛ e nya ma n doro bre.

2 Samuɛl 22:3

Ma Ebɔrɛ na e la ma kejembugboŋ nɛ ma eŋanakpa. Mo kutɔ nɛ ma kumɔlga bee shi. E bee kuŋ ma nna fanɛ kebɛlso be kusɔkuŋso. Mo e naa kɔ a sa ma, nsaa mɔlga ma. Mo e la ma emɔlgapo. Mo e naa kuŋ ma nsaa mɔlga ma, nsaa ta ma a ŋana basa nɛ baa ta eleŋ a tintiŋ basa na so.

2 Bewura 1:15

Ndoŋ nna nɛ Enyɛnpe Ebɔrɛ be malaika ba kaŋɛ Elaija le: “Sa maa lɔ kufu, tu mo a yɔ.” Nɛ Elaija koso ŋ gbelge n tu benapo be enimu na n yɔ ewura na kutɔ

1 Kronikɛls 28:20

Kede be kaman nɛ ewura Deevid naŋ kaŋɛ mo pibinyɛn Sɔlɔmɔn le: “Sa maa lɔ kufu ŋko a pɔ aba, ŋkpal manɛ so Enyɛnpe Ebɔrɛ nɛ mee shuŋ na beeŋ chɛ fo to. E maaŋ kplaŋ fo so kikɛ, ama fo pɔr bɔrɛlambu na n loge nna.

Nshɛ 115:10

Menyi nɛ men la Ɛɛrɔn be kanaŋ to ebi nsaa la bɔrɛmatapoana na, a daga fanɛ men yirda Enyɛnpe Ebɔrɛ na nɛ e baa chɛ menyi to nsaa kuŋ menyi.

Nshɛ 119:114

Fo kutɔ nɛ mee nya ma kumu a ji, fo alɛ e la ma ekumpo a kuŋ ma; amoso nɛ n ta ma tama n deŋi fo nnɔ naseso so na.

Nshɛ 142:5

Fo Enyɛnpe Ebɔrɛ na, nɛ mee kule nɛ fo chɛ ma to! Fo Enyɛnpe Ebɔrɛ na e la ma ekumpo. Fo nawule nɛ mee fute a yigeso ashi ma kebaawɔtɔ to.

Nshɛ 18:2

Enyɛnpe Ebɔrɛ na e la ma kefalta gboŋ; Mo kutɔ nɛ mee nya kekuŋ nɛ kumɔlga. Ma Ebɔrɛ na e la kefaltagboŋ nɛ mee ŋana mo to. Mo e du fanɛ benapo be kusɔ kuŋso a kuŋ ma. Mo e naa kɔ a mɔlga ma nsaa sa ma eleŋ.

Nshɛ 27:1

Enyɛnpe Ebɔrɛ na e la ma kefulto, mo alɛ e naa mɔlga ma; amoso maaŋ ŋana esa kikɛ. Enyɛnpe Ebɔrɛ na du fanɛ ekuŋkpagboŋ nna a kuŋ ma; amoso maa lɔ kufu.

Nshɛ 3:3

Ama, fo Enyɛnpe Ebɔrɛ na, e naa kuŋ ma saŋkikɛ. Fo e naa shin nɛ mee kɔ a pɔɔ so, nsaa shin nɛ mee nya bunyaŋgboŋ nɛ keleŋto.

Nshɛ 3:4

N shu n tre fo Enyɛnpe Ebɔrɛ na; nɛ fo nu ma kushu ashi fo kebee cheembi na so.

Nshɛ 5:12

Enyɛnpe Ebɔrɛ, fee nɛfa bekama nɛ baa wora fo kasonu nsaa wora asɔ nɛ niŋi nna. Fee kuŋ bumo nna fanɛ kananɛ kebɛlso be kusɔ kuŋso bee kuŋ benapo na.

Nshɛ 58:11

Nɛ basa e kaŋɛ: “Kashenteŋ, basa cheembi kraa nya bumo be kakɔka. Kashenteŋ, Ebɔrɛ kraa ji asheŋ nɛ amo be ekpa so ashi durnya to.”

Nshɛ 84:11

Ŋkpal manɛ so, Enyɛnpe Ebɔrɛ na du fanɛ epeŋi nɛ kebɛlso be kusɔ kuŋso nna. Mo e naa wu kuwɔr nsaa ta bunyaŋ a buu esa so, mo alɛ maa ta kusɔ lela a ŋana basa niŋiso so.

Nshɛ 84:9

O Ebɔrɛ, nɛfa anyi be ewura, nɛ fo gbagba lara n sa fo kumu na.

Nshɛ 91:4

E beeŋ parga mbe atɛ m buu fo so a kuŋ fo nɛ fo nya fo kumu, Mbe kashenteŋji du fanɛ kebɛlso be kusɔ kuŋkumuso ŋko egbal nɛ k bee kuŋ kade nna.

Ɛksodɔs 14:13

Ndoŋ nna nɛ Mosis kaŋɛ basa na: “Men sa maa lɔ kufu, men leŋ men be amu to. Menyeeŋ wu kumɔlga nɛ Enyɛnpe Ebɔrɛ beeŋ bar menyi kabre. Ijiptebi mo nɛ men wu kabre ere, men maaŋ naŋ wu bumo kikɛ.

Aŋasa 11:18

Belubiworapo maa nya tɔnɔ kikɛ, ama esa nɛ e bee wora kelela bre maaŋ paŋ kumo be tɔnɔ kikɛ.

Aŋasa 30:5

Ebɔrɛ be kamalga kikɛ la kashenteŋ nna. E la kusɔ kuŋso nna n sa bekama nɛ baa shile a ba mo kutɔ m baa ka fin kekuŋ na.

Aizaaya 40:10

Enyɛnpetale Ebɔrɛ na kɔ eleŋgboŋ a ba nɛ e ba ji kuwura basa so eleŋso. E keta basa nɛ e kɔ m mɔlga bumo na nna a ba, nɛ kumo be loŋ fuli mbe kagbene.

Aizaaya 41:10

Amoso men sa maa lɔ kufu. Ma nɛ menyi e wɔtɔ! Ma e la menyi be Ebɔrɛ. Men sa maŋ shin nɛ kufu e pɛ menyi nɛ men baa chicha! Meeŋ sa menyi eleŋ nseŋ chɛ menyi to. Ma alɛ beeŋ kuŋ menyi nseŋ mɔlga menyi.

Aizaaya 41:14

Ade be kaman, nɛ Enyɛnpe Ebɔrɛ na kaŋɛ: “Israɛl be basa, men ka maŋ shi nsaa maa kɔ eleŋ ga ere gba, men sa maa lɔ kufu; meeŋ chɛ menyi to. Ma, nɛ n la Israɛl be Ebɔrɛ cheembi na e naa mɔlga menyi.

Aizaaya 43:1

Israɛl be basa, Enyɛnpe Ebɔrɛ nɛ e to menyi na yɛ: “Men sa maa lɔ kufu, meeŋ mɔlga menyi. Ma e ti menyi be atre n tre menyi. Men la ma basa nna.

Aizaaya 43:5

Men sa maa lɔ kufu! Ŋkpal manɛ so, ma nɛ menyi nna. Meeŋ yili epeŋilarkpa m ba choŋ epeŋitɔrkpa n ya bar menyi abar so.

Aizaaya 44:2

Ma e la Enyɛnpe Ebɔrɛ nɛ e to menyi. Jemanɛ nɛ b kurge menyi kikɛ nɛ n chɛ menyi to. Men sa maa lɔ kufu, ŋkpal manɛ so, men la ma nyɛrbi nɛ ma basa laraso nɛ mee sha nna.

Aizaaya 44:8

Men sa maa lɔ kufu, ma basa! Men nyi yili dra dra na kikɛ m ba fo mbre, ma e naa kaŋɛ asɔ nɛ e beeŋ baa wora kikɛ; menyi alɛ e la ma eshɛdajipoana. N nawule e la Ebɔrɛ, shɛŋ maŋ naa kɔ eleŋgboŋ fanɛ ma.”

Aizaaya 51:12

Ade be kaman, nɛ Enyɛnpe Ebɔrɛ naŋ kaŋɛ le: “Ma e naa leŋ menyi to a wushi menyi kagbene. Nɛ manɛ nna nɛ menyee ŋana edimɛdi bomin? B maa chɛr nsaa wu a mur fanɛ afitiri.

Jɛremaya 39:17

Ama ma, Enyɛnpe Ebɔrɛ na beeŋ kuŋ fo loŋ be kachɛ na nɛ b sa maŋ ta fo n sa Juda be benimuana nɛ fee ŋana na.

Nfabel 3:24

Kusɔ nɛ mee kaŋɛ ma kagbene to e la: “Enyɛnpe Ebɔrɛ na e baa la ma; mo nɛ meeŋ tiŋ n ta ma tama n to so!”

Ezikɛl 1:1

Ma ketre e la Ezikɛl nɛ n la bɔrɛmatapo nsaa la kanyɛn nɛ baa tre Buzi na pibinyɛn. B ka pɛ Juda be ewura nɛ baa tre Jehowachin nseŋ tintiŋ mo n yɔ Babilɔn be efuli so na be kafɛ nusopo to nɛ ma nɛ bumo nɛ b pɛ n ti mo so n yɔ na daa wɔ lɔr nɛ baa tre Kɛba na ase. Ma nfɛ adesa to be kufɔl nasopo to be kachɛ nusopo na nɛ Enyɛnpe Ebɔrɛ na be kubɔya ba ma kutɔ nɛ esoso bugi n shin nɛ ŋ ku bɔrɛdare ere.

Ezikɛl 11:24

Nɛ Ebɔrɛ be Kiyoyu ta ma m bɛta m ba basa nɛ ma nɛ bumo daa wɔ Babilɔn be efuli so na kutɔ ashi bɔrɛdare na to. Ndoŋ nna nɛ bɔrɛdare nɛ n daa ku na loge,

Ezikɛl 3:4

Ndoŋ nna nɛ Enyɛnpe Ebɔrɛ na naŋ kaŋɛ ma: “Dimɛdi pibi, naniere yɔ Israɛl be basa na kutɔ n ya kaŋɛ bumo kusɔ kama nɛ meeŋ kaŋɛ fo.

Nɔmbɛs 12:6

Ndoŋ nna nɛ Enyɛnpe Ebɔrɛ kaŋɛ bumo le: “Men kaŋ kusoe n nu ma mmalga ere: Ma e naa bɔla kewuŋkaŋɛ so a lara ma kumu a ŋini anebiana nsaa bɔla edare so a malga bumo kutɔ.

Nɔmbɛs 18:20

Nɛ Enyɛnpe Ebɔrɛ naŋ kaŋɛ Ɛɛrɔn le: “Fo maaŋ nya kasawule be kachige nɛ k beeŋ baa la fo kapetɛ ashi Israɛl be kasawule so. Ma Enyɛnpe Ebɔrɛ na e naŋ baa la fo kapetɛ.”

Nɔmbɛs 24:4

nsaa nu kusɔ nɛ Ebɔrɛ bee kaŋɛ na. Ma anishi yil nna nɛ k wora ma lemm fanɛ edare na nɛ n nya bɔrɛdare ashi Enyɛnpe Ebɔrɛ kutɔ.

Matiu 28:5

Ndoŋ nna nɛ malaika na kaŋɛ beche na le: “Men sa maa lɔ kufu, ŋkpal manɛ so, n nyi men ka bee fin Yesu nɛ b daŋ gbir m mata kedibi largato so na.

Matiu 8:26

Nɛ e bishi bumo: “Manɛ nna nɛ kufu pɛ menyi loŋ? Men be yirda du fimbi pasaa!” Kamalga ere be kaman nɛ e koso m ponte afuana na nɛ kepa na so nɛ kakpa kikɛ wora shruum.

Luuk 1:13

Nɛ malaika na kaŋɛ mo: “Zakareya, sa maa lɔ kufu. Ebɔrɛ nu fo kekule na, amoso, fo eche Elizabɛt beeŋ kurge fo ebinyɛn nɛ men nase mo ketre Jɔn.

Luuk 1:30

Nɛ malaika na kaŋɛ mo: “Mɛɛri, sa maa lɔ kufu, ŋkpal manɛ so, Ebɔrɛ bee sha kenɛfa fo nna.

Luuk 12:32

Ma basa, men maŋ shi, ama men sa maa lɔ kufu. Ŋkpal manɛ so, men Tuto be keparso nna nɛ e yili kumo fanɛ e beeŋ ta mbe kuwura na n sa menyi.

Ashuŋ Shunso 10:22

Nɛ b kaŋɛ: “Kɔɔnilias, benapo be enimu na e shuŋi anyi. E la esa lela nna a bunyaŋ Ebɔrɛ nsaa la Juwebi kikɛ be ebunyampo. Ebɔrɛ be malaika ko e ba kaŋɛ mo fanɛ e shin nɛ fo ba mo pe m ba shin nɛ e nu kusɔ nɛ feeŋ kaŋɛ mo.”

1 Kɔrintebi 3:22

Pɔɔl ŋko Apɔlɔs ŋko Sifas ŋko durnya ŋko ŋkpa ŋko luwu ŋko asheŋ nɛ a bee wora naniere ŋko amo nɛ a beeŋ wora echefoso kikɛ nyam la menyeya nna.

Ditɛronɔmi 18:2

B maaŋ baa kɔ kasawule fanɛ kananɛ eyiriana na kikɛ beeŋ baa kɔ na. Bumo be kachige e naaŋ baa la esarga nɛ basa beeŋ lara n sa Enyɛnpe Ebɔrɛ na be ako fanɛ kananɛ e nase kɔnɔ na.

Ditɛronɔmi 31:6

Men nya kagbene a kɔ kenyɛn. Men sa maa ŋana bumo. Ŋkpal manɛ so, Enyɛnpe menyi be Ebɔrɛ na gbagba beeŋ baa wɔ menyi kutɔ. Mo alɛ maaŋ lar menyi kaman ŋko ŋ kplaŋ menyi so kikɛ.”

Hibruwebi 1:1

Dra na Ebɔrɛ daŋ bɔla anebiana so nna m malga ale damta ashi ekpa damtaana so n sa an nananyɛnana.

Kelaraŋŋini 1:17

Ŋ ka wu mo na nɛ n tɔr mbe anishito fanɛ ŋ ka wu na. Ndoŋ nna nɛ e ta mbe enɔjiso n deŋi ma so nseŋ kaŋɛ: “Sa maa lɔ kufu, ma e la Faraŋko nɛ Lalaloge,

Ruf be kawɔl 2:12

Enyɛnpe Ebɔrɛ na beeŋ nɛfa fo ŋkpal asɔ nɛ fo wora na kikɛ so. Enyɛnpe Israɛl be Ebɔrɛ nɛ fo ta fo kumu m ba kaa bɔɔ enɔ fanɛ e keni so ere, e nɛfa fo ga.”

1 Samuɛl 15:10

Nɛ Enyɛnpe Ebɔrɛ kaŋɛ Samuɛl le:

1 Samuɛl 9:9

Ndoŋ nna nɛ Sɔɔl kaŋɛ le: “Mbo! An yɔ kebɔrɛnya nɛ e bee wu asheŋ a kaŋɛ na kutɔ.” E daŋ kaŋɛ le nna ŋkpal manɛ so loŋ be jemanɛ na so Ebɔrɛ daa bɔla asheŋ be kewuŋkaŋɛ so nna a malga a sa basa. Basa nɛ baa wu asheŋ a kaŋɛ na nɛ b daa tre anebiana loŋ be jemanɛ na.