Jɛnesis 14:20 - EBƆRƐ BE KAWƆL

²⁰ Kemaŋkura e baa la Ebɔrɛ Ewurgboŋ nɛ e sa fo eleŋ nɛ fo kɔ m pɔɔ fo doŋana so na peya.” Nɛ Eebram sa Mɛlkizedɛk asɔ nɛ e ya nya kena na to na kikɛ be kudukudusopo.

Jɛnesis 14:20 ပူးပေါင်းရင်းမြစ်များ

Jɛnesis 14:21

Ndoŋ nna nɛ Sodɔm be ewura malɛ kaŋɛ Eebram: “Ta asɔ na bre nseŋ laŋɛ ma basa kikɛ n sa ma.”

Jɛnesis 24:27

ŋ kaŋɛ: “Kapandi e baa la Enyɛnpetale n nyɛnpe Eebraham be Ebɔrɛ na peya, ŋkpal manɛ so e maŋ teŋ mbe kelela be kɔnɔ naseso nɛ e sa n nyɛnpe na so. Mo e juŋkpar ma le m ba luri n nyɛnpe mo kurgepoana gbagba pe.”

Jɛnesis 28:22

Amoso nɛ n yuu kejembu ere n dulgi ndoŋ nɛ k baa la fo Ebɔrɛ pe na. Kusɔ kama malɛ nɛ fo sa ma, meeŋ lara kumo be kudusopo n sa fo.”

Jɛnesis 47:24

Ama men baa nyiŋi fanɛ men kaŋ teŋi loŋ be asɔ na, menyeeŋ nase amo ntuŋ anu nseŋ ta katuŋ koŋwule n sa ewura Fɛɛro. Ntuŋ ana so nɛ a ka na menyeeŋ tiŋ n ta amo be ako ŋ ki aduuso nseŋ ta amo nɛ a ka na nɛ menyi nɛ men be mbia nɛ men be laŋ to ebi kikɛ e baa ji.”

Jɛnesis 47:26

Amoso Josɛf daŋ shin nna nɛ k ki Ijipt kikɛ be mbra fanɛ esa kama be adɔjibi be ntuŋ anu so be katuŋ koŋwule kama la ewura Fɛɛro peya nna. Hale nɛ mbre loŋ be mbra na malɛ kraa shuŋ. Bɔrɛmatapoana nawule be nsawule e daa maŋ ki ewura Fɛɛro peya.

Jɛnesis 9:26

E ka sho Keenan kɔnɔ n loge na nɛ e kaŋɛ le: “Shɛm bre, nɛfa e baa wɔ Enyɛnpe nɛ e la Shɛm be Ebɔrɛ na so. Keenan beeŋ ba ki Shɛm be kenya.

2 Samuɛl 18:28

Ndoŋ nna nɛ Ahimaaz ponte ŋ kaŋɛ le: “An kɔ m pɔɔ so! An kɔ m pɔɔ so! Kapandi e ba la Enyɛnpe fo Ebɔrɛ nɛ e shin nɛ fo kɔ m pɔɔ basa nɛ b nyaŋɛto a kɔ fo na peya, Yiramu.” Nseŋ ya jɔŋɛ mbe anishito bunyaŋ so.

2 Kronikɛls 31:12

nsaa ta ŋkɛ na nɛ kudukudusopo na n yili ndoŋ, saŋɛ na so shɛŋ shɛŋ maaŋ tiŋ n ta amo. B daŋ ta Livainyɛn nɛ baa tre Konaniya na nna fanɛ e baa keni amo so nseŋ ta mo sipo Shimei malɛ m bɛ mo so.

Nehemaya 10:37

Anyi alɛ beeŋ naŋ bar aboyu nyifu nɛ an fara ŋ kɔr m ba sa bɔrɛmatapoana na ashi bɔrɛlambu na to. Amo nɛ asɔrso nɛ a walɛ ga na nɛ yabra popɔr nɛ ɔlif be ŋku. Anyeeŋ bar anyi be ayu teŋiso be kudu kudusopo m ba sa Livaiebi nɛ baa nite a sɔ asɔ ashi ndeana na to na.

Nehemaya 13:12

Kede be kaman nɛ ekama ashi Juda be efuli so bar ayu nɛ yabra nɛ ɔlif be ŋku be kudu kudusopo m ba wɔtɔ bɔrɛlambu na be ebuana nɛ baa yili ajibi amo to na to.

Nshɛ 144:1

Meeŋ kpaŋ fo, Enyɛnpe Ebɔrɛ! Fo e la ma kefalta gboŋ. Fo alɛ e naa ŋini ma kananɛ meeŋ baa kɔ kena.

Nshɛ 44:3

Mannɛ bumo gbagba be eleŋ nɛ akɔsɔ e daŋ shin nɛ b sɔ kasawule ere, ŋko n shin nɛ b kɔ m pɔɔ so. Ama ŋkpal fo kagbene ka fuli bumo so so, nɛ fo chɛ bumo to nɛ b kɔ m pɔɔ bumo doŋana so.

Nshɛ 68:19

Anyee fur fo Enyɛnpe nɛ anyi be Ebɔrɛ nɛ fee mɔlga anyi nsaa wora anyi kelela karechɛ kikɛ na.

Ɛksodɔs 18:10

Nɛ Jetro kaŋɛ le: “Kemaŋkura e baa la Enyɛnpe Ebɔrɛ mo nɛ e mɔlga fo nɛ basa na kikɛ ashi Ijipt be ewura Fɛɛro nɛ mbe basa Ijiptebi na be kenyaya to na peya.

Eemɔs 4:4

Enyɛnpetale na yɛ: “Menyi Israɛlebi e yɔ Bɛtɛl n ya kaa wora alubi kanaŋkamaso nɛ menyee sha! Men yɔ Gilgaal gba n ya ka wora alubi ndoŋ a ta asɔbɔya a lara sarga kachipurso kikɛ nsaa lara sarga nɛ menyi be kudukudusopo nchɛ asa sa kikɛ.

Malakai 3:10

Men ta menyi be kudukudusopo kikɛ m ba Enyɛnpe Ebɔrɛ be lambu to, saŋɛ na so ajibi damta beeŋ baa wɔ ndoŋ. Men wora ma ŋ keni, nɛ m bugi Ebɔrɛso be etokuro n chulgi enɛfa be yiri yiri alegaiso n sa menyi nɛ menyi maaŋ nya kakpa gba n yili amo.

Malakai 3:8

Kusɔ nɛ mee bishi menyi e la fanɛ, k daga dimɛdi ka bee yuri Ebɔrɛ a? Ayai, loŋ maŋ daga, ama menyi alɛ bee yuri ma. Men yɛ: ‘Nuso nɛ anyee yuri fo?’ Menyi be esarga nɛ men be kudukudusopo nɛ a la meya na to nɛ menyee yuri ma.

Nɔmbɛs 28:26

A daga fanɛ men be ekama ka wushi ashi mbe ashuŋ to kasɔteŋi be kachɛgboŋ na be kachɛ juŋkparso, nseŋ ta mbe ayu popɔr be sarga m ba sa Enyɛnpe Ebɔrɛ na, nseŋ shɛr abar so m bunyaŋ mo.

Luuk 18:12

Ela anyɔ nɛ mee kishi bɔkwe kama to nsaa lara ma kpanjawu to be kusɔ kama be kudukudusopo a ba bɔrɛlambu ere to.’

Romebi 15:16

Mee shuŋ nna fanɛ bɔrɛmatapo a wɔtɔ a bɔ baru lela nɛ a shi Ebɔrɛ kutɔ na nna a sa nnyamase, saŋɛ na so, baaŋ baa du fanɛ kakɛ nɛ k bee par mo ere Ebɔrɛ nɛ Kiyoyu Cheeŋ na lara m bɔɔ mo enɔ na.

Ɛfesesebi 1:3

Men shin nɛ an chɔrɔ an Nyɛnpe Yesu Kristo be Ebɔrɛ nɛ e la mo Tuto na ga, ŋkpal manɛ so, e bɔla Kristo so n nɛfa anyi n ta abɔrɛsheŋ be kakɛ be yiri kikɛ ashi ebɔrɛso n sa anyi.

Ditɛronɔmi 12:17

Kumo be kaman, men sa maŋ kaa ji ayu ŋko ɔlif be ŋku be kudu kudusopo ŋko menyi be ana nɛ mbolpɔ be ewurkoŋ nɛ ŋkɛ nɛ menyeeŋ nase nnɔ n sa Enyɛnpe Ebɔrɛ na nɛ menyi be keparso be ŋkɛ kama nɛ menyeeŋ ta n sa Enyɛnpe Ebɔrɛ na ashi menyi be echenakpaana.

Ditɛronɔmi 14:23

Kumo be kaman nɛ men yɔ kakpa nɛ Enyɛnpe menyi be Ebɔrɛ na lara n yili fanɛ kakpa nɛ menyeeŋ baa shuŋ mo na nseŋ ya ji menyi be ayu nɛ yabra belbelso nɛ ɔlif be ŋku be kudu kudusopoana nɛ ana nɛ mbolpɔ be ewurkoŋ na ndoŋ. Men baa wora le nseŋ koya kebaabunyaŋ Enyɛnpe menyi be Ebɔrɛ na saŋkikɛ.

Ditɛronɔmi 14:28

Kafɛ sasopo kikɛ be lalaloge nɛ men chala menyi be adɔjibi kikɛ be kudu kudusopo a wɔtɔ ebu to a yili menyi be nde to nsaa maa ji amo.

Joshuwa 10:42

Joshuwa daŋ kɔ bewura na kukoko to nna m pɔɔ bumo be efuliana kikɛ so, ŋkpal Enyɛnpe, Israɛl be Ebɔrɛ, na ka bee kɔ a sa Israɛlebi so so.