Jɛnesis 14:17 - EBƆRƐ BE KAWƆL

¹⁷ Eebram ka daŋ ya kɔ m pɔɔ Kedɔrlawomer nɛ bewura nɛ b daŋ chɛ mo to a kɔ na so, nseŋ bɛta a ba na, nɛ Sodɔm be ewura daŋ ya shɛr mo to ashi Shave be Ketaŋɛ nɛ baa tre Bewura be Ketaŋɛ na to.

Jɛnesis 14:17 ပူးပေါင်းရင်းမြစ်များ

Jɛnesis 14:1

Jemanɛ nɛ Lɔt nɛ Eebram barga to nna nɛ Babilɔn be efuli so be ewura Amrafɛl nɛ Ɛlasa be ewura Ariɔk nɛ Ilam be ewura Kedɔrlawomer nɛ Goyiim be ewura Taidal kre kena m ba kɔ

Jɛnesis 14:10

Sidim be ketaŋɛ na malɛ to daa kɔ kootal be amaŋ chiŋgeliŋ nna, amoso Sodɔm nɛ Gomɔra be bewura na nɛ bumo be benapo ka daŋ shile a lar kena na to na nɛ bumo be beko tɔr amaŋ na be ako to nɛ bumo nɛ b ka na malɛ shile n yɔ abee ko to n ya ŋana.

Jɛnesis 14:5

Kafɛ kuduanasopo na to nɛ ewura Kedɔrlawomer nɛ bewura asa nɛ b daŋ ti mo so na nɛ bumo be benapo yɔ n ya kɔ m pɔɔ Refayebi nɛ b wɔ Ashterɔf Karnaya na nɛ Zuzebi ashi Ham nɛ Emiebi ashi Shaivaa Kiryatayim be kepreŋ so

2 Samuɛl 18:18

Jemanɛ nɛ Absalɔm daa wɔ ŋkpa to na, nɛ e yuu ndulgi be kejembu bewura be ketaŋɛ na to ŋkpal manɛ so e daa maŋ kɔ ebinyɛn nɛ e beeŋ baa wɔtɔ kanyiŋiso n sa mo. Amoso mbe ketre nɛ e daŋ ta n nase kejembu na. Hale m ba fo kabre baa tre ndoŋ nna Absalɔm be kapɔrduli be kakpa.

Aŋasa 14:20

Etirpo maŋ kɔ elopo, ama damawuraana bre kɔ beteri damta nna.

Aŋasa 19:4

Damawura bee nya beteri saŋkama nna; ama etirpo bre mo teriana bee shile nna a ka mo.

Hibruwebi 7:1

Mɛlkizedɛk nɛ anyee malga mbe asheŋ ere daa la Seelɛm be ewura nna nseŋ daŋ naa la Enyɛnpetale Ebɔrɛ be bɔrɛmatapo. Kachako Eebraham ya mɔ bewura ko ashi kena to nseŋ bɛta a yɔ epe nɛ Mɛlkizedɛk ya tu mo ekpa to nseŋ nɛfa mo.

Demujipoana 11:34

Jɛfta ka bɛta n shi kena na to a ba epe ashi Mizpa, mo pibiche koŋwule e la esa nɛ e juŋkpar n ta chakachaka a boŋ kashɛ nsaa cha a shɛr mo to. Jɛfta daa maŋ naa kɔ ebiche ŋko ebinyɛn n ti mo so.

1 Samuɛl 18:6

Deevid ka mɔ Goliɛf, nɛ benapo na bɛta a ba epe na, nɛ beche nɛ b shi Israɛl be nde karso na kikɛ lar a ba nɛ b ba chɔrɔ ewura Sɔɔl. B daa boŋ kagbenefuli be nshɛ nna nsaa laŋ echakachaka nɛ ejaŋjilaŋ a foŋ nlopi a cha.