Jɛnesis 14:14 - EBƆRƐ BE KAWƆL

¹⁴ Eebram ka nu fanɛ b pɛ mo sipo pibi na nɛ e tre benapo nɛ b kurge mbe laŋ to kikɛ m ba shɛr. Bumo kikɛ daa wɔ basa alfa asa nɛ kuduaburwa, nɛ b ju m buu bewura ana na so hale n ya fo kade nɛ baa tre Dan na.

Jɛnesis 14:14 ပူးပေါင်းရင်းမြစ်များ

Jɛnesis 12:16

Ŋkpal Sɛɛrai so, ewura Fɛɛro daŋ keni Eebram so nna nɛnɛ nseŋ daŋ sa mo mbolpɔ nɛ ana nɛ ekurma nyɛnso nɛ becheso nɛ anya nyɛnso nɛ becheso n ta enyɔma n ti so.

Jɛnesis 12:5

Eebram daŋ keta mbe eche Sɛɛrai nɛ mo sipo pibi Lɔt nna n ta bumo kikɛ be kanya nɛ basa nɛ b daŋ nya ashi Haran be kasawule so na kikɛ nyam m pɛ Keenan be ekpa a yɔ ndoŋ.

Jɛnesis 13:8

Ndoŋ nna nɛ Eebram kaŋɛ Lɔt le: “An la basa koŋwule nna, k maŋ daga kamalga ka wɔ ma nɛ fo be nferinto ŋko fo basa nɛ ma basa ka bee bile ŋkpal kasawule so.

Jɛnesis 14:12

Eebram mo sipo pibi Lɔt malɛ daa wɔ Sodɔm nna, amoso b daŋ ta mo alɛ gba nɛ mbe asɔ nɛ e kɔ kikɛ nna n ti so n yɔ.

Jɛnesis 14:16

Ndoŋ nɛ Eebram ya suge asɔ nɛ b daŋ ta na nseŋ bɛta mo sipo pibi Lɔt nɛ mbe asɔ nɛ ana nɛ beche nɛ basa pɔtɛ nɛ b daŋ ti so na kikɛ nyam m ba.

Jɛnesis 15:3

Fo maŋ sa ma mbia, amoso ma anya ere be eko e naaŋ ji ma kapetɛ na.”

Jɛnesis 17:12

K daga fanɛ menyi to be ebinyɛn kama nɛ e ji nchɛmburwa ka ku kututu. Enyɛn kikɛ nɛ e shi menyi be kanaŋ to daga e ka ku kututu.

Jɛnesis 17:23

Kumo be kachɛ na malɛ gbagba nɛ Eebraham wora kasonu n sa Ebɔrɛ nseŋ ku mo pibinyɛn Ishmaɛl nɛ benyɛn kama nɛ b kurge mbe laŋ to na kikɛ atutu n ta anya nɛ b daŋ kurge ashi mbe laŋ to nɛ bumo nɛ e tɔ n ti so.

Jɛnesis 17:27

Loŋ be kachɛ na gbagba nɛ b daŋ ku Eebraham be laŋ to be enyɛn kama, bumo nɛ b kurge mbe laŋ to nɛ bumo nɛ b daŋ tɔ na kikɛ.

Jɛnesis 18:19

N lara mo nna, nɛ e shin nɛ mbe mbia nɛ basa nɛ b wɔ mbe laŋ to kikɛ e wora kasonu n sa ma nsaa wora kusɔ nɛ k niŋi nɛ kusɔ nɛ k daga. Nɛ b wora loŋ, ma alɛ beeŋ wora kusɔ kama nɛ n nase kɔnɔ fanɛ meeŋ wora n sa mo ere Eebraham na.”

Jɛnesis 23:6

“Keni, ebunyampo, nu nfe. Fo la esagboŋ nna a wɔ anyi to nfe. Kaplɛkama nɛ k par fo, feeŋ tiŋ a puli fo basa ndoŋ. Anyi be ekama maaŋ tiŋ m mɔn fo mbe kasawule nɛ feeŋ baa puli fo basa.”

1 Bewura 15:20

Nɛ ewura Bɛnhadad shuli kusɔ nɛ Asa kaŋɛ na nseŋ shuŋi mbe benapo nɛ bumo be benimu fanɛ b ya kɔ Israɛl be ndegboŋana na. Ndoŋ nna nɛ b ya kɔ m pɔɔ Ijɔn nɛ Dan nɛ Abel Bɛf Maaka nɛ efuli nɛ k wɔ Galili be teku na be kaba so nɛ Naftali be efuli so kikɛ.

Nshɛ 68:12

Bewura, nɛ bumo be benapo kilgi n shile, nɛ b chige asɔ nɛ b shile ŋ ka na to n sa abar.

Aŋasa 17:17

Beteri bee sha abar nna; nɛ bekurgepo malɛ bee cha abar to ashi tɔrɔ to.

Kaŋinichiŋgeliŋ 2:7

N daŋ tɔ anyache nɛ benyɛn kikɛ nna nɛ bumo alɛ gba bee kurge a ti so ashi ma laŋ to. Ma e daa kɔ asɔbɔya a chɔ esa kama nɛ e juŋkpar ma ashi Jerusalɛm be kade to.

Jɛremaya 41:12

nɛ b keta bumo be benapo n ju m buu bumo so n ya tu bumo ashi kepa nɛ k wɔ Gibiɔn na.

Ditɛronɔmi 34:1

Ade kikɛ be kaman nɛ Mosis shi Mowab be kasawule so n dii n yɔ kebeegboŋ nɛ baa tre Pisga nɛ k wɔ kade nɛ baa tre Jɛriko na be epeŋilarkpa be kaba so na be awɔlto nɛ Enyɛnpe Ebɔrɛ na ŋini mo kananɛ Giliad be yiri be kasawule dese n ya fo Dan be yiri be kasawule kikɛ ashi kelargato be esoso be kaba so.

1 Jɔn 2:18

Ma mbi shasoana, lalaloge be saŋɛ na bee fo nna na. Men daŋ nu fanɛ Kristo mo doŋ beeŋ ba, naniere malɛ Kristo mo doŋana damta ba, amoso nɛ an pin fanɛ lalaloge be jemanɛ na fo.

Demujipoana 18:29

nseŋ chɛrga kumo be ketre Layish na nseŋ ta bumo nananyɛn nɛ e daa la Jeekɔb pibinyɛn na be ketre, Dan, n nase kumo.

Demujipoana 20:1

Israɛl be basa nɛ b shi Dan be kasawule nɛ k dese kelargato be esoso be kaba so n ya fo Bɛshiba be kasawule nɛ k wɔ kelargato be kaseto be kaba so na, n ta bumo nɛ b shi Giliad be kasawule nɛ k wɔ Jɔɔdan be lɔr na be epeŋilarkpa be kaba so na kikɛ n ti so ka nu kesheŋ na nɛ b lar fanɛ esa koŋwule m ba shɛr Enyɛnpe Ebɔrɛ na be anishito ashi Mizpa.

1 Samuɛl 30:19

Bumo be kusɔ kama daa maŋ foe ŋkpal manɛ so Deevid daŋ sɔ mbe basa na be mbinyɛnsobi nɛ mbichesobi nɛ asɔbɔya nɛ Amalɛkebi daŋ ta na kikɛ na m bɛta n yɔ.