Jɛnesis 13:4 - EBƆRƐ BE KAWƆL

⁴ nɛ kakpa nɛ e daŋ yuu bɔrɛsure na, nɛ e naŋ bunyaŋ Enyɛnpe Ebɔrɛ be ketre.

Jɛnesis 13:4 ပူးပေါင်းရင်းမြစ်များ

Jɛnesis 13:18

Ndoŋ nna nɛ Eebram tia mbe wajɛbu ŋ kaa n ya chena m mata Mamre be ndibigboŋ na ashi Hibrɔn nseŋ yuu bɔrɛsure a bunyaŋ Enyɛnpe Ebɔrɛ.

Jɛnesis 26:25

Ndoŋ nna nɛ Aizek yuu bɔrɛsure ndoŋ m bunyaŋ Enyɛnpe Ebɔrɛ na. Kumo be kaman nɛ e yuu mbe wajɛbu n chena ndoŋ nɛ mbe nyɛrbi kur ketirbu.

Jɛnesis 4:26

Sɛt malɛ ka daŋ nɛ e ta eche ŋ kurge ebinyɛn nseŋ nase mo ketre Inɔsh. Kumo be jemanɛ so nɛ basa fara a shuŋ Enyɛnpe Ebɔrɛ na nsaa bunyaŋ mo.

Nshɛ 107:1

Men di Enyɛnpe Ebɔrɛ na epaŋ, ŋkpal manɛ so, e walɛ, nɛ mbe kasha nɛ k maa chɛrga na, malɛ wɔtɔ mbaanaayɔ.

Nshɛ 107:15

A daga fanɛ men di Ebɔrɛ epaŋ ŋkpal mbe kasha nɛ k maa loge nɛ emamachisheŋ nɛ e bee wora a sa edimɛdi kikɛ so.

Nshɛ 107:8

A daga fanɛ men di Ebɔrɛ epaŋ ŋkpal mbe kasha nɛ k maa chɛrga, nɛ emamachisheŋ nɛ e bee wora a sa edimɛdi kikɛ na so.

Nshɛ 116:17

Meeŋ lara sarga n di fo epaŋ nseŋ shu n tre fo ashi ma kabɔrɛkule to.

Nshɛ 116:2

Ŋkpal e ka bee kaŋ kusoe a nu ma kekule so, meeŋ baa shu a tre mo jemanɛ kikɛ ashi ma kebaawɔtɔ to.

Nshɛ 145:18

E wɔ bekama nɛ baa tre mo kagbene koŋwule so na kutɔ nna.

Nshɛ 26:8

Mee sha fo bɔrɛlambu na, nɛ kakpa nɛ fo kemaŋkura wɔ ga na.

Nshɛ 84:10

Keji kachɛ koŋwule ashi fo bɔrɛlambu to bɔ keji nchɛ kagboŋ ashi kakpa pɔtɛ. Ŋ ka yili ma Ebɔrɛ be lambu be kabuna to bɔ ŋ ka wɔ kumukpakpasowura pe.

Aizaaya 58:9

Nɛ men baŋ kule ma kusɔ kama, meeŋ nu menyi be kekule. Nɛ men tre ma malɛ meeŋ shuli menyi be ketre na! Nɛ men yige kanyaŋ nɛ nfɛlso be kebaawɔtɔ nɛ mmalga lubi be kebaamalga

Jɛremaya 29:12

Saŋɛ na so menyeeŋ bɛta m ba ma kutɔ m ba shu n tre ma a fin kechɛto nɛ n nu menyi be kekule na.

Zefanaiya 3:9

Kumo be kaman nɛ n chɛrga basa nɛ b wɔ efuliana na so be ŋgbene nɛ b naa bunyaŋ ma, Enyɛnpe Ebɔrɛ na nawule.

1 Kɔrintebi 1:2

Bumo e la basa nɛ Ebɔrɛ lara fanɛ b ba kaa la mbe basa a wɔ Kristo Yesu to na. Bumo koŋwule na nɛ basa kama nɛ b wɔ kaplɛkama a ti an Nyɛnpe Yesu Kristo be ketre na, mo e la bumo Nyɛnpe nɛ an Nyɛnpe na nɛ b tre nɛ b ba kaa la basa cheembi a wɔtɔ.