Jɛnesis 13:15 - EBƆRƐ BE KAWƆL

¹⁵ Meeŋ ta kasawule nɛ fo wu ere kikɛ n sa fo nɛ fo kaman to ebi nɛ k baa la menyeya nna hale mbaanaayɔ.

Jɛnesis 13:15 ပူးပေါင်းရင်းမြစ်များ

Jɛnesis 12:7

Ndoŋ nɛ Enyɛnpe na lar Eebram so ŋ kaŋɛ mo: “Meeŋ ta kasawule ere n sa fo kanaŋ to ebi.” Kumo be kaman nɛ Eebram yuu bɔrɛsure ndoŋ n lara sarga n sa Enyɛnpe Ebɔrɛ nɛ e lar mo so ndoŋ na.

Jɛnesis 13:17

Koso n nite kasawule na be nteŋ to nɛ mparto kikɛ, ŋkpal manɛ so, fo nɛ meeŋ ta kumo n sa.”

Jɛnesis 15:18

To, kumo be kachɛ na nɛ Enyɛnpe nɛ Eebram wora kɔnɔkoŋwule be ŋkre nɛ Enyɛnpe kaŋɛ mo: “Kɔnɔ nɛ mee nase a sa fo e la fanɛ meeŋ ta kasawule nɛ k yili lɔr nɛ k wɔ Ijipt be kasawule be ekar n ya fo lɔrgboŋ nɛ baa tre Yufreetes na kikɛ n sa fo kaman to ebi,

Jɛnesis 15:7

Kede be kaman nɛ Enyɛnpe Ebɔrɛ na naŋ kaŋɛ mo le: “Ma e la Enyɛnpetale Ebɔrɛ nɛ e lara fo ashi Ur nɛ k wɔ Babilɔn be efuli so na nsaa shin nɛ n ta kasawule ere n sa fo nɛ k baa la feya.”

Jɛnesis 18:18

Ŋkpal manɛ so, mbe kanaŋ to ebi beeŋ ba ki kanaŋgboŋ nsaa kɔ eleŋ. Mo alɛ so nɛ meeŋ bɔla n nɛfa durnya be efuliana be basa kikɛ.

Jɛnesis 24:7

M baa nyi fanɛ Enyɛnpe nɛ e wɔ ebɔrɛso nsaa la esa nɛ e lara ma ashi n tuto pe nɛ ma efuli so nseŋ malga ŋ kutɔ n nase kɔnɔ n sa ma fanɛ e beeŋ ta efuli ere n sa ma kaman to ebi na beeŋ shuŋi mbe malaika nɛ e juŋkpar fo n shin nɛ fo nya eche m ba sa m pibi ere.

Jɛnesis 28:13

E daŋ wu fanɛ Enyɛnpe na e daa yil kumo be kumu so gbagba na. Ndoŋ nɛ Enyɛnpe na daa yil nseŋ kaŋɛ mo le: “Ma e la Enyɛnpetale, fo nananyɛn Eebraham be Ebɔrɛ nɛ Aizek be Ebɔrɛ na. Meeŋ ta kasawule mo nɛ fo dese so ere n sa fo nɛ fo kaman to ebi.

Jɛnesis 28:14

Fo kaman to ebi beeŋ ba kaa shi fanɛ kasawule so be shishɛr nseŋ sɔ durnya be abonfu ana ere kikɛ so nɛ m bɔla fo nɛ fo kanaŋ to ebi so n nɛfa durnya ere be efuli kama so ebi.

Jɛnesis 28:4

Ebɔrɛ koŋwule na e sa fo nɛ fo kaman to ebi nɛfa mo nɛ e daŋ sa Eebraham na saŋɛ na so kasawule mo nɛ fo wɔ kumo so fanɛ efɔ naniere ere beeŋ ki feya. Kumo e la kasawule nɛ Ebɔrɛ ta n sa Eebraham na.”

Jɛnesis 35:12

N ta kasawule nɛ n daŋ ta n sa Eebraham nɛ Aizek na, n sa fo alɛ gba nɛ fo kaman to ebi.”

Jɛnesis 48:4

nseŋ kaŋɛ ma le: ‘Meeŋ sa fo mbia damta nɛ b wora keshi ŋ ki efuli damtawuraana. Meeŋ ta kasawule ere n sa fo kanaŋ to ebi nɛ k baa la bumo peya mbaanaayɔ.’ ”

Jɛnesis 50:24

Kachako nɛ e kaŋɛ mo daana na le: “To, k maaŋ naŋ chɛr ko nɛ n wu, ama abaanaaworasheŋ Ebɔrɛ maaŋ yige menyi n to, e beeŋ keni menyi so nseŋ juŋkpar menyi, n lara menyi kasawule ere so n ta menyi n yɔ kakpa nɛ e daŋ nase kɔnɔ n sa Eebraham nɛ Aizek nɛ Jeekɔb fanɛ e beeŋ sa na.”

1 Kronikɛls 16:18

E yɛ: “Meeŋ ta Keenan be kasawule na n sa menyi, nɛ k baa la menyi be kapetɛ.”

2 Kronikɛls 20:7

Fo e la anyi be Ebɔrɛ. Fo basa Israɛlebi na ka koso m ba kasawule ere so na, fo e ju basa nɛ b daa wɔ nfe na nseŋ ta kasawule na n sa fo teri Eebraham be kaman to ebi nɛ k baa la bumo peya mbaanaayɔ.

Nshɛ 37:22

Basa nɛ Enyɛnpe Ebɔrɛ nɛfa na, e naŋ ji kasawule ere so be tɔnɔ. Ama bekama nɛ Ebɔrɛ sho kɔnɔ na bre beeŋ mur.

Nshɛ 37:29

Kasawule ere beeŋ baa la basa nɛ baa wora asheŋ nɛ a niŋi na peya, nɛ b chena kumo so mbaanaayɔ.

Ɛksodɔs 32:13

Nyiŋi le be kɔnɔ nɛ fo nase n sa fo nyɛrbi Eebraham nɛ Aizek nɛ Jeekɔb: “Meeŋ shin nɛ menyi be kaman to ebi e wora keshi fanɛ achɛkpabi nɛ a wɔ awɔlpa to na ta kasawule ere kikɛ n sa bumo nɛ k ki bumo be kapetɛ mbaanaayɔ na.”

Ɛksodɔs 33:1

Kachako nɛ Enyɛnpe Ebɔrɛ kaŋɛ Mosis: “Fo nɛ basa nɛ fo juŋkpar n lar Ijipt be kasawule so na e koso nfe n yɔ efuli nɛ n nase kɔnɔ fanɛ meeŋ ta n sa Eebraham nɛ Aizek nɛ Jeekɔb nɛ bumo be kaman to ebi kikɛ na so.

Aizaaya 63:18

Jemanɛ nɛ k choŋ na fo bɔrɛlambu na daa la fo basa peya nna, ama naniere an doŋana ba bure kumo kikɛ n lɛ nseŋ chichi kumo so.

Nɔmbɛs 34:2

fanɛ e sa Israɛlebi na: “Nɛ men baŋ luri Keenan be kasawule nɛ ŋ kɔ a sa menyi na to, kananɛ men be kasawule be egbaŋto egbaŋto beeŋ baa du nde:

Matiu 5:5

Kagbenefuli la bekama nɛ b maŋ kɔ keŋkenshi na peya nna, ŋkpal manɛ so, durnya ere beeŋ ba kaa la bumo peya.

Ashuŋ Shunso 7:5

Ebɔrɛ daa maŋ sa Eebraham kasawule na be gbrɛ nyitiibi kikɛ gba fanɛ k baa la mo peya. Ama Ebɔrɛ daŋ nase kɔnɔ n sa Eebraham fanɛ e beeŋ ta kasawule na n sa mo nɛ mbe kaman to ebi kikɛ. Saŋɛ na so nɛ Eebraham daa maa kɔ mbia.

Ditɛronɔmi 34:4

Ade be kaman nɛ Enyɛnpe Ebɔrɛ na kaŋɛ Mosis le: “Kasawule nɛ n nase kumo be kɔnɔ n sa Eebraham nɛ Aizek nɛ Jeekɔb fanɛ meeŋ ta n sa bumo be kaman to ebi na nna na. N shin nɛ fo wu kumo, ama fo alɛ maaŋ yɔ ndoŋ.”

Ditɛronɔmi 9:5

Mannɛ men ka la basa nɛ menyee ji kashenteŋ nsaa wora kusɔ nɛ k daga so nɛ Enyɛnpe Ebɔrɛ na bee ta kasawule na a sa menyi, ama e beeŋ ju bumo nna ŋkpal b ka la basa lubi so nɛ ŋkpal e kaa bee wora a bɔlɔ kɔnɔ nɛ e nase n sa Eebraham nɛ Aizek nɛ Jeekɔb nɛ b la men nananyɛnana na so so.