Jɛnesis 12:7 - EBƆRƐ BE KAWƆL

⁷ Ndoŋ nɛ Enyɛnpe na lar Eebram so ŋ kaŋɛ mo: “Meeŋ ta kasawule ere n sa fo kanaŋ to ebi.” Kumo be kaman nɛ Eebram yuu bɔrɛsure ndoŋ n lara sarga n sa Enyɛnpe Ebɔrɛ nɛ e lar mo so ndoŋ na.

Jɛnesis 12:7 ပူးပေါင်းရင်းမြစ်များ

Jɛnesis 12:8

Kumo be kaman nɛ e yɔ abee nɛ a wɔ Bɛtɛl be epeŋipetekpa be kaba so na n ya yuu mbe ewajɛbu Bɛtɛl nɛ Ai be kefɛato. Ndoŋ nɛ Eebram naŋ yuu bɔrɛsure m bunyaŋ Enyɛnpe na pɔɛŋ

Jɛnesis 13:15

Meeŋ ta kasawule nɛ fo wu ere kikɛ n sa fo nɛ fo kaman to ebi nɛ k baa la menyeya nna hale mbaanaayɔ.

Jɛnesis 13:17

Koso n nite kasawule na be nteŋ to nɛ mparto kikɛ, ŋkpal manɛ so, fo nɛ meeŋ ta kumo n sa.”

Jɛnesis 13:18

Ndoŋ nna nɛ Eebram tia mbe wajɛbu ŋ kaa n ya chena m mata Mamre be ndibigboŋ na ashi Hibrɔn nseŋ yuu bɔrɛsure a bunyaŋ Enyɛnpe Ebɔrɛ.

Jɛnesis 13:4

nɛ kakpa nɛ e daŋ yuu bɔrɛsure na, nɛ e naŋ bunyaŋ Enyɛnpe Ebɔrɛ be ketre.

Jɛnesis 15:18

To, kumo be kachɛ na nɛ Enyɛnpe nɛ Eebram wora kɔnɔkoŋwule be ŋkre nɛ Enyɛnpe kaŋɛ mo: “Kɔnɔ nɛ mee nase a sa fo e la fanɛ meeŋ ta kasawule nɛ k yili lɔr nɛ k wɔ Ijipt be kasawule be ekar n ya fo lɔrgboŋ nɛ baa tre Yufreetes na kikɛ n sa fo kaman to ebi,

Jɛnesis 17:1

Eebram be nfɛ adekpanu nɛ akpanu be saŋɛ nɛ Enyɛnpe lar mo so ŋ kaŋɛ mo le: “Ma e la Enyɛnpetale na. Wora ma kasonu a bɛ ma ekpaana so nsaa la esa nɛ e maŋ kɔ amoso basa be anishito.

Jɛnesis 17:3

Ndoŋ nna nɛ Eebram gbir ŋ kurgi kumu n yuu. E ka wora loŋ na nɛ Ebɔrɛ kaŋɛ le:

Jɛnesis 17:8

Ade kikɛ be kaman, meeŋ ta Keenan be kasawule mo nɛ men la befɔ ashi kumo so naniere ere n sa fo nɛ k ki fo nɛ fo kaman to ebi be kapetɛ mbaanaayɔ nɛ ma alɛ e baa la bumo be Ebɔrɛ.”

Jɛnesis 18:1

Kachako nɛ Enyɛnpe na naŋ lar Eebraham so ashi Mamre be ndibigboŋ na ase. Loŋ be kachɛ na K daa la kapaso nna nɛ kaboŋ bel edɛ nɛ Eebraham tase mbe wajɛbu be kabuna to.

Jɛnesis 22:9

B ka ya fo kakpa nɛ Ebɔrɛ ŋini Eebraham fanɛ e lara sarga na nɛ Eebraham yuu bɔrɛsure ndoŋ nseŋ bela ndibi na n deŋi bɔrɛsure na so. Kumo be kaman nɛ e pɛ mbe kebia na ŋ kre mo n ya deŋi bɔrɛsure na nɛ ndibi na so,

Jɛnesis 24:7

M baa nyi fanɛ Enyɛnpe nɛ e wɔ ebɔrɛso nsaa la esa nɛ e lara ma ashi n tuto pe nɛ ma efuli so nseŋ malga ŋ kutɔ n nase kɔnɔ n sa ma fanɛ e beeŋ ta efuli ere n sa ma kaman to ebi na beeŋ shuŋi mbe malaika nɛ e juŋkpar fo n shin nɛ fo nya eche m ba sa m pibi ere.

Jɛnesis 26:25

Ndoŋ nna nɛ Aizek yuu bɔrɛsure ndoŋ m bunyaŋ Enyɛnpe Ebɔrɛ na. Kumo be kaman nɛ e yuu mbe wajɛbu n chena ndoŋ nɛ mbe nyɛrbi kur ketirbu.

Jɛnesis 26:3

Baa wɔ nfe n wora nchɛnnyɔ nɛ m baa wɔ fo kutɔ a nɛfa fo. Meeŋ bɛ kɔnɔ nɛ n nase n sa fo tuto Eebraham na so nseŋ ta kasawule ere kikɛ n sa fo nɛ fo kaman to ebi.

Jɛnesis 28:13

E daŋ wu fanɛ Enyɛnpe na e daa yil kumo be kumu so gbagba na. Ndoŋ nɛ Enyɛnpe na daa yil nseŋ kaŋɛ mo le: “Ma e la Enyɛnpetale, fo nananyɛn Eebraham be Ebɔrɛ nɛ Aizek be Ebɔrɛ na. Meeŋ ta kasawule mo nɛ fo dese so ere n sa fo nɛ fo kaman to ebi.

Jɛnesis 28:4

Ebɔrɛ koŋwule na e sa fo nɛ fo kaman to ebi nɛfa mo nɛ e daŋ sa Eebraham na saŋɛ na so kasawule mo nɛ fo wɔ kumo so fanɛ efɔ naniere ere beeŋ ki feya. Kumo e la kasawule nɛ Ebɔrɛ ta n sa Eebraham na.”

Jɛnesis 32:30

Amoso nɛ Jeekɔb daŋ nase kaboŋ na be ketre Peniyɛl na, ŋkpal manɛ so, e yɛ: “N wu Ebɔrɛ kenishiso nfe nna, ma alɛ maŋ wu.”

Jɛnesis 33:20

Ndoŋ nɛ e pɔr bɔrɛsure m bunyaŋ Israɛl be Ebɔrɛ na nseŋ nase kumo Ɛl Elohi Israɛl.

Jɛnesis 35:12

N ta kasawule nɛ n daŋ ta n sa Eebraham nɛ Aizek na, n sa fo alɛ gba nɛ fo kaman to ebi.”

Jɛnesis 35:7

Nɛ Jeekɔb pɔr bɔrɛsure ndoŋ n sa Ebɔrɛ nseŋ tre kaboŋ na Ɛl Bɛtɛl, ŋkpal manɛ so, ndoŋ nɛ Ebɔrɛ daŋ lara mbe kumu ŋ ŋini mo saŋɛ nɛ e daa shile a ŋana mo da Isɔɔ so na.

Jɛnesis 50:24

Kachako nɛ e kaŋɛ mo daana na le: “To, k maaŋ naŋ chɛr ko nɛ n wu, ama abaanaaworasheŋ Ebɔrɛ maaŋ yige menyi n to, e beeŋ keni menyi so nseŋ juŋkpar menyi, n lara menyi kasawule ere so n ta menyi n yɔ kakpa nɛ e daŋ nase kɔnɔ n sa Eebraham nɛ Aizek nɛ Jeekɔb fanɛ e beeŋ sa na.”

Jɛnesis 8:20

Ndoŋ nna nɛ Nowa gbare ajembu n deŋi abar so nseŋ pɛ m pɛ asɔbɔya nɛ a maŋ kɔ eyurpi n daga keta n lara sarga na be ako nɛ mbuibi nɛ a maŋ kɔ eyurpi n daga keta n lara sarga na be ako m mɔ n deŋi ajembu na so n chɔɔ n lara sarga n sa Ebɔrɛ.

2 Samuɛl 24:25

nseŋ pɔr bɔrɛsure ndoŋ n sa Enyɛnpe Ebɔrɛ. Kumo be kaman nɛ e lara esarga chɔɔso nɛ kɔnɔkoŋwuleso be esarga. Ndoŋ nna nɛ Enyɛnpe Ebɔrɛ na nu mbe kabɔrɛkule nɛ aleblawu nɛ k wɔ Israɛl na kikɛ ku.

1 Bewura 18:32

Loŋ be ajembu na nɛ e ta n lɔŋɛ m pɔr Enyɛnpe Ebɔrɛ be bɔrɛsure nɛ baaŋ ba lara sarga kumo so a bunyaŋ mo na. E daŋ kur kaman nɛ k beeŋ tiŋ n sɔ nchu egalɔn asa nna ŋ kulti bɔrɛsure na.

1 Kronikɛls 16:16

loŋ be ŋkre na nɛ mo nɛ Eebraham kre, nɛ e nase kumo be kɔnɔ n sa Aizek malɛ na.

1 Kronikɛls 16:18

E yɛ: “Meeŋ ta Keenan be kasawule na n sa menyi, nɛ k baa la menyi be kapetɛ.”

2 Kronikɛls 20:11

Kukɔ nɛ baa ka anyi a tal to nna na. B ba nɛ b ba ju anyi ashi kasawule nɛ fo ta n sa anyi na so nna.

2 Kronikɛls 20:7

Fo e la anyi be Ebɔrɛ. Fo basa Israɛlebi na ka koso m ba kasawule ere so na, fo e ju basa nɛ b daa wɔ nfe na nseŋ ta kasawule na n sa fo teri Eebraham be kaman to ebi nɛ k baa la bumo peya mbaanaayɔ.

Ɛzra 3:2

Ndoŋ nna nɛ Jozadak pibinyɛn Joshuwa nɛ mo braana bɔrɛmatapoana na nɛ Shɛɛltiɛl pibinyɛn, Zerubabel, nɛ mo kurgepoana fara nɛ b pɔr Israɛl be Ebɔrɛ na be bɔrɛsure, saŋɛ na so baŋ tiŋ a lara esarga kumo so fanɛ kananɛ Mosis be mbra bee ŋini na.

Ɛksodɔs 17:15

Ade kikɛ be kaman nɛ Mosis pɔr bɔrɛsure nseŋ nase kumo: ‘Enyɛnpe Ebɔrɛ na e la ma Kekɔmpɔɔso be tuuta.’

Ɛksodɔs 24:4

Ndoŋ nna nɛ Mosis sibɛ Enyɛnpe Ebɔrɛ be mmalga na kikɛ n nase. Kare ka chɛ kachipurdidi nɛ e wule ŋ koso n ya yuu bɔrɛsure ashi kebee na be kaseto nseŋ ta ajembu tenteŋ kuduanyɔ n yuu nɛ a yili n sa Israɛlebi be eyiri kuduanyɔ na.

Ɛksodɔs 32:13

Nyiŋi le be kɔnɔ nɛ fo nase n sa fo nyɛrbi Eebraham nɛ Aizek nɛ Jeekɔb: “Meeŋ shin nɛ menyi be kaman to ebi e wora keshi fanɛ achɛkpabi nɛ a wɔ awɔlpa to na ta kasawule ere kikɛ n sa bumo nɛ k ki bumo be kapetɛ mbaanaayɔ na.”

Ɛksodɔs 33:1

Kachako nɛ Enyɛnpe Ebɔrɛ kaŋɛ Mosis: “Fo nɛ basa nɛ fo juŋkpar n lar Ijipt be kasawule so na e koso nfe n yɔ efuli nɛ n nase kɔnɔ fanɛ meeŋ ta n sa Eebraham nɛ Aizek nɛ Jeekɔb nɛ bumo be kaman to ebi kikɛ na so.

Ɛksodɔs 6:3

N daŋ lar men nananyɛnana Eebraham nɛ Aizek nɛ Jeekɔb so fanɛ Ebɔrɛ Elempo nna, ama n daa maŋ shin nɛ b pin fanɛ ma e la Enyɛnpe Ebɔrɛ na.

Ɛksodɔs 6:4

Ade kikɛ be kaman nɛ ma nɛ bumo wora kɔnɔkoŋwule be ŋkre nɛ n nase kɔnɔ n sa bumo fanɛ meeŋ ta Keenan be kasawule nɛ b daa wɔ kumo so fanɛ befɔ na n sa bumo.

Jɛremaya 3:18

Kumo be kaman nɛ Israɛl be basa e ti Juda be basa so nɛ b shi efuli nɛ k wɔ kelargato be esoso na m bɛta m ba kasawule nɛ n ta n sa bumo nananyɛnana mbaanaayɔ na so.

Nɔmbɛs 26:53

“Yili kananɛ eyiri na be keshi sa so m barga kasawule na to n sa bumo.

Nɔmbɛs 32:11

‘Ma e naa kaŋɛ na fanɛ, ŋkpal b ka maŋ ji kashenteŋ n sa ma na so, bumo be bekama nɛ b shi Ijipt be kasawule so m ba nseŋ fo nfɛ adunyɔ ŋko m baŋ so na be ekama maaŋ yɔ kasawule nɛ n nase kɔnɔ fanɛ meeŋ sa Eebraham nɛ Aizek nɛ Jeekɔb na so.’

Ashuŋ Shunso 7:5

Ebɔrɛ daa maŋ sa Eebraham kasawule na be gbrɛ nyitiibi kikɛ gba fanɛ k baa la mo peya. Ama Ebɔrɛ daŋ nase kɔnɔ n sa Eebraham fanɛ e beeŋ ta kasawule na n sa mo nɛ mbe kaman to ebi kikɛ. Saŋɛ na so nɛ Eebraham daa maa kɔ mbia.

Romebi 9:8

To, kede e naa ŋini fanɛ mannɛ eyur ere to be kakurge e naa ta basa a ki Ebɔrɛ be mbia she bumo nɛ b bɔla Ebɔrɛ be kɔnɔ naseso na to n nya kakurge na nawule e la Eebraham be kaman to ebi kashenteŋto.

Galeeshaebi 3:16

Eebraham nɛ mbe kamanto be esa nɛ Ebɔrɛ daŋ nase nnɔ na n sa. Abɔrɛsibɛ na maa kaŋɛ fanɛ fo Eebraham nɛ fo kaman to ebi, kumo e la fanɛ, a ber bumo fanɛ basa damta. Abɔrɛsibɛ na yɛ: “Nɛ fo kamanto be esa”, a ŋini fanɛ esa koŋwule nɛ Ebɔrɛ de na. Mo e la Kristo na.

Galeeshaebi 4:28

Amoso, menyi ŋ kurgepoana, men la Ebɔrɛ be kɔnɔ naseso be mbia nna fanɛ kananɛ Aizek daa la na.

Ditɛronɔmi 1:8

Le be kasawule ere nɛ ma, Enyɛnpe Ebɔrɛ na nase kɔnɔ fanɛ meeŋ ta n sa Eebraham nɛ Aizek nɛ Jeekɔb nɛ b la men nananyɛnana na nɛ bumo be kaman to ebi na. Men yɔ n ya sɔ kumo n chena so.’ ”

Ditɛronɔmi 30:20

Men baa sha Enyɛnpe menyi be Ebɔrɛ na a wora mo kasonu nsaa ji kashenteŋ a sa mo nɛ menyi nɛ men be kaman to ebi e chena kasawule nɛ e nase kumo be kɔnɔ n sa men nananyɛnana, Eebraham nɛ Aizek nɛ Jeekɔb, na so n chɛr.”

Ditɛronɔmi 34:4

Ade be kaman nɛ Enyɛnpe Ebɔrɛ na kaŋɛ Mosis le: “Kasawule nɛ n nase kumo be kɔnɔ n sa Eebraham nɛ Aizek nɛ Jeekɔb fanɛ meeŋ ta n sa bumo be kaman to ebi na nna na. N shin nɛ fo wu kumo, ama fo alɛ maaŋ yɔ ndoŋ.”

Ditɛronɔmi 6:10

Ade be kaman nɛ Mosis naŋ kaŋɛ Israɛlebi na le: “Kananɛ Enyɛnpe Ebɔrɛ nɛ e nase kɔnɔ n sa men nananyɛnana, Eebraham nɛ Aizek nɛ Jeekɔb, fanɛ e beeŋ ta kasawule nɛ nde gboŋgboŋi nɛ a kɔ nwu lela nɛ menyi gbagba maŋ pɔr amo

Ditɛronɔmi 9:5

Mannɛ men ka la basa nɛ menyee ji kashenteŋ nsaa wora kusɔ nɛ k daga so nɛ Enyɛnpe Ebɔrɛ na bee ta kasawule na a sa menyi, ama e beeŋ ju bumo nna ŋkpal b ka la basa lubi so nɛ ŋkpal e kaa bee wora a bɔlɔ kɔnɔ nɛ e nase n sa Eebraham nɛ Aizek nɛ Jeekɔb nɛ b la men nananyɛnana na so so.

Hibruwebi 11:13

Yirda to nɛ basa ere kikɛ daa wɔ nseŋ wu nɛ b maŋ naŋ nya asɔ nɛ Ebɔrɛ nase kɔnɔ fanɛ e beeŋ sa na. B daŋ to kenishi nna n yɔ kufɔ n wu amo n sɔ amo a nyi fanɛ b shi efuli pɔtɛ so nna a la befɔ kasawule ere so.

Hibruwebi 11:8

Eebraham be yirda so nɛ Ebɔrɛ daŋ tre mo nɛ e daŋ nu n sa mo nseŋ daŋ lar mbe kade to n yɔ kakpa nɛ Ebɔrɛ daŋ kaŋɛ fanɛ e beeŋ sa mo na. E daŋ lar mbe efuli so, ama e daa maŋ nyi kakpa nɛ e daa yɔ.

Joshuwa 1:6

Leŋ fo kumu to nsaa kɔ kagbene, ŋkpal manɛ so, fo e naaŋ juŋkpar basa ere n ya sɔ kasawule nɛ n nase kɔnɔ fanɛ meeŋ ta n sa bumo nananyɛnana na.

Joshuwa 22:10

Ruben nɛ Gad be eyiri nɛ Manase be epeŋilarkpa be kaba so be yiri na ka ba Gelilɔf ashi Jɔɔdan be lɔr na be epeŋitɔrkpa be kaba so na nɛ b pɔr bɔrɛsure gboŋgboŋi ko Jɔɔdan be lɔr na ase.

Joshuwa 8:30

Kede be kaman nɛ Joshuwa pɔr bɔrɛsure n sa Enyɛnpe Israɛl be Ebɔrɛ na ashi kebeegboŋ nɛ baa tre Ebal na so.

Demujipoana 6:24

Kumo be kaman nɛ Gidiɔn pɔr bɔrɛsure n yili nseŋ nase ndoŋ ketre fanɛ: “Enyɛnpe Ebɔrɛ na la kayurwushiwura nna.” Hale nɛ mbre, bɔrɛsure na kraa yil Ofra nɛ k wɔ Abiyeza be kabuna ebi be kasawule so na.

1 Samuɛl 7:17

Saŋkama malɛ nɛ e baŋ loge mbe kushuŋ e bee bɛta nna n yɔ Raama mbe kade to n ya kaa ji bumo alɛ gba be asheŋ a sa bumo. E daŋ pɔr bɔrɛsure ashi Raama nna n sa Enyɛnpe Ebɔrɛ.