Jɛnesis 12:10 - EBƆRƐ BE KAWƆL

¹⁰ Jemanɛ ko nɛ akoŋ tɔr Keenan be kasawule so nɛ Eebram yɔ Ijipt be efuli so nɛ e ya ji nchɛnnyɔ, ŋkpal akoŋ na ka daŋ sɔ Keenan be kasawule so kikɛ na so.

Jɛnesis 12:10 ပူးပေါင်းရင်းမြစ်များ

Jɛnesis 41:56

Akoŋ na ka sɔ efuli na so kikɛ nɛ Josɛf bugi m bugi ajibi be eyilikpaana na a fa ayu na a sa Ijiptebi na, ŋkpal manɛ so, akoŋ na daa shi ga nna ashi Ijipt be kasawule so kikɛ nyam.

Jɛnesis 41:57

Basa daa shi efuli kama so nna gba a ba Josɛf kutɔ m ba kaa tɔ ayu, ŋkpal manɛ so, akoŋ na daa shi ga nna ashi kaplɛkama.

Jɛnesis 42:5

Amoso Jeekɔb be bibinyɛnana na daŋ tu basa nɛ b daŋ yɔ Ijipt nɛ b ya tɔ ajibi na nna n yɔ, ŋkpal manɛ so, akoŋ na daa wɔ Keenan gba be kasawule so nna.

Jɛnesis 43:1

Le be jemanɛ ere kikɛ nɛ akoŋ na kraa ti so nna ashi Keenan be kasawule na kikɛ so.

Jɛnesis 47:13

Ŋkpal akoŋ na ka daa chɛr ga so ajibi daa maŋ naa wɔ kaplɛkama. Ndoŋ nna nɛ Ijipt nɛ Keenan be basa kikɛ bee shu akoŋ.

2 Samuɛl 21:1

Saŋɛ nɛ Deevid la ewura na nɛ akoŋgboŋ ko daŋ tɔr nfɛ asa. Ndoŋ nna nɛ Deevid bishi Enyɛnpe Ebɔrɛ kusɔ nɛ e beeŋ wora a laŋɛ akoŋ na be kaplɛa so. Nɛ Enyɛnpe Ebɔrɛ kaŋɛ mo le: “Ewura Sɔɔl nɛ mbe kanaŋ wora kulubi ŋkpal b ka mɔ Gibiɔnebi so.”

2 Bewura 4:38

Ade be kaman nɛ Elaisha bɛta n yɔ Gilgaal nɛ akoŋgboŋ ko tɔr ndoŋ. E ka bee ŋini anebiana be katuŋ ko, nɛ e kaŋɛ mbe kayɛrbi fanɛ e ta kapuliya gboŋgboŋi n wora nyɔto n sa bumo.

2 Bewura 6:25

Ŋkpal benapo na ka daŋ pugi ŋ kulti kade na so, ajibi be asheŋ daŋ ki kpakpa nna ashi kade na to. Ŋkpal loŋ so gbiti be ndarbi aduburwa nɛ b daa fa kurma be kumu nsaa fa kupuŋ to be albasa kurwa fimbi be bɔlɔ malɛ gbiti be ndarbi anu.

Nshɛ 105:13

B daa nite nna a kilgi to ashi efuli pɔtɛana so nɛ bewuraana be nsawule so.

Nshɛ 107:34

nɛ adɔsawule lela ki nsawule wuso a dese, ŋkpal basa nɛ b wɔ ndoŋ be amu kpakpaso so.

Nshɛ 34:19

Basa lela bee kaa nya etɔrɔ damta nna. Ama Enyɛnpe Ebɔrɛ na beeŋ mɔlga bumo ashi etɔrɔ na kikɛ to.

Jɛremaya 14:1

Ewule ka daŋ yili jemanɛ tenteŋ ko nɛ Enyɛnpe Ebɔrɛ na kaŋɛ ma fanɛ ŋ kaŋɛ basa na le:

Baru lela nɛ Jɔn kute na 16:33

Ŋ kaŋɛ menyi asheŋ ere nna, saŋɛ na so, menyeeŋ bɔla ma so n nya kagbenewushi. Menyeeŋ nya tɔrɔ durnya ere to, ama men baa kɔ kagbene, ma e pɔɔ durnya ere so.”

Ashuŋ Shunso 14:22

Kumo be kaman nɛ b bɛta n yɔ Listra nɛ Ikoniam nɛ Pisidia be Antiɔk a wushi beyirdapoana na be ŋgbene nseŋ naa leŋ bumo to fanɛ b baa kɔ yirda nɛ kashenteŋto kpakpa. Le nɛ b daŋ naa kaŋɛ bumo: “An kikɛ beeŋ luri etɔrɔ damta to pɔɛŋ nseŋ luri Ebɔrɛ be kuwura na to.”

Ashuŋ Shunso 7:11

Ndoŋ nna nɛ akoŋgboŋ ko tɔr Ijipt nɛ Keenan be efuliana kikɛ so m bar awurfoŋ damta ga nɛ an nanaana fin ajibi kanaŋkama ŋ gben.

Ruf be kawɔl 1:1

Jemanɛ nɛ demujipoana kraa juŋkpar Israɛl be efuli so ebi na be saŋko nɛ akoŋ tɔr efuli na so. Ndoŋ nna nɛ kanyɛn ko nɛ e shi Juda be kasawule so be kade nɛ baa tre Bɛtlɛhɛm na keta mbe eche nɛ mbinyɛnso anyɔ ŋ kaa n yɔ Mowab be efuli so nɛ b ya chena ndoŋ n wora nchɛnnyɔ.