Jɛnesis 12:1 - EBƆRƐ BE KAWƆL

¹ Kachako nɛ Enyɛnpetale na kaŋɛ Eebram: “Lar fo efuli so nɛ fo basa to nɛ fo tuto be kowu to nseŋ yɔ kasawule nɛ mee sha keŋini fo ere so.

Jɛnesis 12:1 ပူးပေါင်းရင်းမြစ်များ

Jɛnesis 15:7

Kede be kaman nɛ Enyɛnpe Ebɔrɛ na naŋ kaŋɛ mo le: “Ma e la Enyɛnpetale Ebɔrɛ nɛ e lara fo ashi Ur nɛ k wɔ Babilɔn be efuli so na nsaa shin nɛ n ta kasawule ere n sa fo nɛ k baa la feya.”

Jɛnesis 20:13

Amoso, saŋɛ nɛ Ebɔrɛ lara ma ashi n tuto be laŋ to a yɔ nsawule nɛ m maŋ nyi so na nɛ ŋ kaŋɛ mo le: ‘Nɛ fee sha fanɛ fo ŋini ma fo kasha, kumo ere kaplɛkama nɛ an yɔ, fo kaŋɛ ndoŋebi fanɛ fo siponyɛn e la ma.’ ”

Jɛnesis 24:38

ama meeŋ yɔ mo tuto be basa to, mbe kanaŋ gbagba to ebi to n ya ta eche m ba sa mo pibi na.

Jɛnesis 24:4

Ama feeŋ yɔ ma efuli so, ma basa gbagba kutɔ n ya fin eche m ba sa m pibinyɛn Aizek.”

Jɛnesis 24:7

M baa nyi fanɛ Enyɛnpe nɛ e wɔ ebɔrɛso nsaa la esa nɛ e lara ma ashi n tuto pe nɛ ma efuli so nseŋ malga ŋ kutɔ n nase kɔnɔ n sa ma fanɛ e beeŋ ta efuli ere n sa ma kaman to ebi na beeŋ shuŋi mbe malaika nɛ e juŋkpar fo n shin nɛ fo nya eche m ba sa m pibi ere.

Jɛnesis 26:2

Ndoŋ nna nɛ Enyɛnpe lar Aizek so ŋ kaŋɛ mo le: “Sa maŋ kaŋ yɔ Ijipt, baa wɔ kasawule mo nɛ ŋ kaŋɛ fanɛ fo baa wɔ so ere so.

Nehemaya 9:7

Fo e la Enyɛnpe anyi be Ebɔrɛ Fo e lara an nananyɛn Eebram dra dra na ashi kade nɛ baa tre Ur nɛ k wɔ Babilɔn be efuli so nseŋ chɛrga mbe ketre ŋ ki Eebraham na.

Aizaaya 37:12

N nananyɛnana e daŋ mur ndegboŋ nɛ baa tre Gozan nɛ Haran nɛ Rezef, nseŋ mɔ Bɛtaden be basa nɛ b daa wɔ Tɛlassa na gba. Bumo be agbirana daŋ maŋ tiŋ m mɔlga bumo.

Aizaaya 41:9

Durnya be mboŋ wɔfɔ kikɛ nɛ n shi ŋ keta menyi m ba, nseŋ kaŋɛ menyi le: ‘Men la ma nyɛrbi nna.’ M maŋ kini menyi n lɛ.

Aizaaya 51:2

Ma, Ebɔrɛ e lara Eebraham nɛ mbe eche Sɛɛra, nɛ men baa la bumo be kaman to ebi. Jemanɛ nɛ n daŋ tre Eebraham na, nɛ e daa maŋ kɔ ebi, kumo be kaman nɛ n nɛfa mo nseŋ sa mo kaman to ebi damta.

Ezikɛl 33:24

Dimɛdi pibi, basa nɛ b kra wɔ Israɛl be efuli so be nde nɛ a bure na to na bee kaŋɛ nna fanɛ: ‘Eebraham daa la esa koŋwule nna nɛ Enyɛnpe Ebɔrɛ na ta kasawule na kikɛ n sa mo. Naniere an ka la basa damta ere, kasawule na ki anyeya nna a.’

Nɔmbɛs 10:30

Nɛ Hobab kaŋɛ le: “M-m ma ere bee bɛta nna a yɔ ma efuli so, amoso m maaŋ yɔ.”

2 Kɔrintebi 6:17

Amoso ma, Enyɛnpe na e naa yɛ menyi na fanɛ men lara men be amu ashi bumo to a kɔr to. Men sa maŋ kaa beta kusɔ kama nɛ k kɔ eyurpi nɛ n sɔ menyi.

Hibruwebi 11:8

Eebraham be yirda so nɛ Ebɔrɛ daŋ tre mo nɛ e daŋ nu n sa mo nseŋ daŋ lar mbe kade to n yɔ kakpa nɛ Ebɔrɛ daŋ kaŋɛ fanɛ e beeŋ sa mo na. E daŋ lar mbe efuli so, ama e daa maŋ nyi kakpa nɛ e daa yɔ.

Kelaraŋŋini 18:4

N daŋ naŋ nu ebɔl ko ka shi ebɔrɛso ŋ kaŋɛ: “Ma basa, men lar mbe asheŋ to, saŋɛ na so men maaŋ tu mo n luri mbe alubi na to, saŋɛ na so men maaŋ nya mbe etɔrɔ na be kekama.