Jɛnesis 11:7 - EBƆRƐ BE KAWƆL

⁷ Amoso men shin nɛ an yɔ n ya wea bumo be ŋgbar na to, saŋɛ na so b maaŋ naa nu abar be ŋgbar.”

Jɛnesis 11:7 ပူးပေါင်းရင်းမြစ်များ

Jɛnesis 1:26

Ade kikɛ be kaman nɛ Ebɔrɛ naŋ kaŋɛ: “Men shin nɛ an to edimɛdi nɛ b baa du fanɛ anyi, nsaa ji eleŋ ashi ekɔrɔtɔ so nɛ mbuibi so nɛ asɔ gbeyesoana so nɛ asɔ belaso na kikɛ so nɛ kasawule kikɛ nyam so.”

Jɛnesis 10:20

Kananɛ Ham malɛ be kanaŋ to be asheŋ daŋ nite nde. Bumo to be kanaŋ kama nɛ kumo be ŋgbar, kekama malɛ nɛ kumo be kasawule nɛ efuli.

Jɛnesis 10:32

To, kananɛ Nowa be bibinyɛn nɛ bumo be kanaŋ to ebi lar n daa wɔ bumo be efuliana so nna na. Nchu ka ji durnya na be kaman Nowa be kaman to ebi ere e salga to n fara nde nɛ a ki efuliana durnya to.

Jɛnesis 10:5

Basa nɛ b daŋ n chena n chena teku be kɔnɔ na daŋ shi le be basa ere to nna. Bumo be ekama malɛ nɛ mbe kanaŋ e daa la nɛ bumo be ŋgbarana kɔr abar to.

Jɛnesis 11:5

Ndoŋ nna nɛ Enyɛnpe Ebɔrɛ ba wu kadegboŋ na nɛ ketempreŋ jeŋgreŋ nɛ basa na daa pɔr na

Jɛnesis 3:22

Kumo be kaman nɛ Enyɛnpe Ebɔrɛ kaŋɛ mbe kumu le: “Ŋkpal kanyɛn ere ka ji kusɔrso na so, naniere e ki fanɛ anyi to be eko nna a nyi kelela nɛ kulubi to, amoso a maŋ daga fanɛ e naŋ nya ekpa n chuge kedibi mo nɛ k bee sa ŋkpa na malɛ be kusɔrso n ji ŋkaa maaŋ naŋ wu kikɛ.”

Jɛnesis 42:23

B daa maŋ nyi fanɛ Josɛf daa nu bumo be mmalga na, ŋkpal manɛ so, esa ko e daa sɔ mo so a kilgi mmalga na a sa bumo.

Job be kawɔl 12:20

Mo e naa shin nɛ basa nɛ ekama yirda be nnɔ bee mɔ bumo, nsaa suge basakpar be kanyiasheŋ.

Nshɛ 2:4

Ebɔrɛ tase mbe kuwurputi so esoso nna ŋ kplaŋ bumo so, nsaa mushe bumo.

Nshɛ 33:10

Enyɛnpe Ebɔrɛ na e naa jija efuliana be ŋkre. Mo e naa kuŋ bumo be nfɛra lubiana ekpa.

Nshɛ 55:9

Enyɛnpe Ebɔrɛ, shin nɛ ma doŋana e wulto to. Jija bumo be ŋkre kikɛ. Kumukpakpaso nɛ kebaamaashu basa so nawule nɛ mee wu, ashi kadegboŋ na to.

Ɛksodɔs 4:11

Nɛ Enyɛnpe Ebɔrɛ bishi mo: “Wanɛ e wora dimɛdi be kɔnɔ? Wanɛ e naaŋ tiŋ n shin nɛ esa e ki kpawu ŋko neemu ŋko wanɛ e naa sa esa anishi ŋko a shin nɛ esa bee ki tanpo? Mannɛ ma, Enyɛnpe Ebɔrɛ a?

Aizaaya 33:19

Menyi alɛ maaŋ naaŋ wu befɔ nɛ baa wu bumo be amu a fɛ fanɛ b shi ga nsaa gbar ŋgbar nɛ menyi maa nu na kenishiso kikɛ.

Aizaaya 6:8

Kede be kaman nɛ n nu Enyɛnpe Ebɔrɛ na ka kaŋɛ le: “Wanɛ nɛ meeŋ shuŋi? Wanɛ e naaŋ baa la anyi be kabɔ?” Nɛ n shuli ŋ kaŋɛ: “Meeŋ yɔ! Shuŋi ma!”

Jɛremaya 5:15

Israɛl be basa, Enyɛnpe Ebɔrɛ na beeŋ shin nɛ efuli ko so be basa e shi kufɔ kufɔ m ba kɔ menyi kena. B la basa lempo nɛ b wɔtɔ dra dra kikɛ nna nɛ menyi alɛ maŋ nyi ŋgbar nɛ baa gbar.

1 Kɔrintebi 14:23

Ŋkpal manɛ so, nɛ asɔri na to ebi kikɛ ba shɛr nɛ ekama nyam bee gbar ŋgbar nɛ b maa nu ana nɛ esa pɔtɛ ŋko bumo nɛ b maŋ la beyirdapo ba luri nshɛr na to, b maaŋ kaŋɛ fanɛ menyee lɔ eboŋ nna a?

Ditɛronɔmi 28:49

Enyɛnpe Ebɔrɛ na beeŋ shin nɛ efuli pɔtɛ be basa nɛ men maa nu bumo be ŋgbar e shi kufɔ kufɔ ŋ kre kena m ba purgi menyi fanɛ kusore ka ta koshi na.