Jɛnesis 11:31 - EBƆRƐ BE KAWƆL

³¹ Nɛ Tɛra keta mo pibinyɛn Eebram nɛ mo nanabi Lɔt nɛ e daa la Haran pibinyɛn na nɛ mo shache Sɛɛrai, Eebram be eche, n ti mbe kumu so nɛ b lar Ur ashi Babilɔnia n yɔ Keenan be kasawule so. B ka bee yɔ Keenan n ya fo Haran nɛ b chena ndoŋ.

Jɛnesis 11:31 ပူးပေါင်းရင်းမြစ်များ

Jɛnesis 10:19

B yili Sidɔn n sɔ Gerar be kaba so loŋ n ya fo Gaaza nseŋ naŋ yili ndoŋ malɛ n sɔ Sodɔm nɛ Gomɔra nɛ Adma nɛ Zeboyim be kaba so loŋ n ya fo Lasha.

Jɛnesis 11:32

Tɛra daŋ ji nfɛ alfa anyɔ nɛ anu durnya ere to nna pɔɛŋ nseŋ wu ashi Haran.

Jɛnesis 12:4

Eebram be nfɛ adushunu nɛ anu be saŋɛ nɛ e lar Haran to, fanɛ kananɛ Enyɛnpe Ebɔrɛ kaŋɛ mo fanɛ e wora na. Nɛ Lɔt gba tu mo n yɔ.

Jɛnesis 12:5

Eebram daŋ keta mbe eche Sɛɛrai nɛ mo sipo pibi Lɔt nna n ta bumo kikɛ be kanya nɛ basa nɛ b daŋ nya ashi Haran be kasawule so na kikɛ nyam m pɛ Keenan be ekpa a yɔ ndoŋ.

Jɛnesis 14:12

Eebram mo sipo pibi Lɔt malɛ daa wɔ Sodɔm nna, amoso b daŋ ta mo alɛ gba nɛ mbe asɔ nɛ e kɔ kikɛ nna n ti so n yɔ.

Jɛnesis 15:7

Kede be kaman nɛ Enyɛnpe Ebɔrɛ na naŋ kaŋɛ mo le: “Ma e la Enyɛnpetale Ebɔrɛ nɛ e lara fo ashi Ur nɛ k wɔ Babilɔn be efuli so na nsaa shin nɛ n ta kasawule ere n sa fo nɛ k baa la feya.”

Jɛnesis 24:10

Kede be kaman nɛ kayɛrbi na lara mo nyɛnpe be enyɔma kudu nseŋ ta ŋkɛ lela be yiri yiri ashi mo nyɛnpe kutɔ m pɛ ekpa a yɔ Nahɔɔ be kade nɛ k wɔ Mɛsopoteemia na.

Jɛnesis 24:15

Pɔɛŋ nɛ Eebraham be kayɛrbi na e kule Ebɔrɛ n loge nɛ Rebɛka ta lɔŋkɔŋ m bɛ mbe kebatemu so m ba lar. Rebɛka daa la Bɛtuwɛl pibiche nna nɛ Bɛtuwɛl malɛ daa la Nahɔɔ nɛ Milka pibi. Nahɔɔ malɛ daa la Eebraham mo sipo nna.

Jɛnesis 27:43

Amoso, m pibi, nu nfe nseŋ wora kusɔ nɛ mee sha kekaŋɛ fo ere. Lar nfe manaŋ n shile n yɔ n siponyɛn Leeban kutɔ ashi Haran.

Jɛnesis 28:10

Jeekɔb daŋ lar Bɛshiba nna m pɛ Haran be ekpa.

2 Bewura 19:12

N nananyɛnana e daŋ mur nde nɛ baa tre Gozan nɛ Haran nɛ Rezef, nseŋ mɔ Bɛtaden be basa nɛ b daa wɔ Tɛlassa na gba. Bumo be agbirana daŋ maŋ tiŋ m mɔlga bumo.

Nehemaya 9:7

Fo e la Enyɛnpe anyi be Ebɔrɛ Fo e lara an nananyɛn Eebram dra dra na ashi kade nɛ baa tre Ur nɛ k wɔ Babilɔn be efuli so nseŋ chɛrga mbe ketre ŋ ki Eebraham na.

Job be kawɔl 1:17

Mo alɛ gba kraa malga nna nɛ kabɔ sasopo ba kaŋɛ Job le: “Beyu nɛ b kɔ akɔsɔ be ntuŋ asa shi Babilɔn be efuli so nɛ k wɔ kelargato be esoso be epeŋilarkpa na nna m ba kɔ n suge fo enyɔma na nseŋ kpa amo kikɛ n choŋ. N nawule e nya n shile m ba nɛ m ba kaŋɛ fo kusɔ nɛ k wora.”

Aizaaya 37:12

N nananyɛnana e daŋ mur ndegboŋ nɛ baa tre Gozan nɛ Haran nɛ Rezef, nseŋ mɔ Bɛtaden be basa nɛ b daa wɔ Tɛlassa na gba. Bumo be agbirana daŋ maŋ tiŋ m mɔlga bumo.

Hibruwebi 11:8

Eebraham be yirda so nɛ Ebɔrɛ daŋ tre mo nɛ e daŋ nu n sa mo nseŋ daŋ lar mbe kade to n yɔ kakpa nɛ Ebɔrɛ daŋ kaŋɛ fanɛ e beeŋ sa mo na. E daŋ lar mbe efuli so, ama e daa maŋ nyi kakpa nɛ e daa yɔ.