Jɛnesis 11:3 - EBƆRƐ BE KAWƆL

³ Kumo be kaman nɛ b kaŋɛ abar: “Men shin nɛ an kuya ebirkesi n ta amo n tɔ edɛ to nɛ a ki kpakpa.” Amoso ebirkesi nɛ b daa ta a pɔr, mannɛ ajembu, nsaa ta kootal a pɛ amo a mata abar.

Jɛnesis 11:3 ပူးပေါင်းရင်းမြစ်များ

Jɛnesis 11:4

Kede be kaman nɛ b kaŋɛ le: “Naniere bre men shin nɛ an pɔr kadegboŋ n sa anyi be amu nseŋ pɔr ketempreŋ jeŋgreŋ n ya chute awɔlpa, saŋɛ na so, anyi be ketre beeŋ dii nɛ anyi maaŋ naŋ pesaŋ to a wɔ kasawule so kikɛ.”

Jɛnesis 11:7

Amoso men shin nɛ an yɔ n ya wea bumo be ŋgbar na to, saŋɛ na so b maaŋ naa nu abar be ŋgbar.”

Jɛnesis 14:10

Sidim be ketaŋɛ na malɛ to daa kɔ kootal be amaŋ chiŋgeliŋ nna, amoso Sodɔm nɛ Gomɔra be bewura na nɛ bumo be benapo ka daŋ shile a lar kena na to na nɛ bumo be beko tɔr amaŋ na be ako to nɛ bumo nɛ b ka na malɛ shile n yɔ abee ko to n ya ŋana.

2 Samuɛl 12:31

E daŋ shin nna nɛ kumo be basa ta ekapɛnta be nsaŋɛgboŋ nɛ baa tre sɛrdaa na nɛ abɛlso be ntekpa nɛ akpanfu a tintiŋ bumo nɛ b baa shuŋ a ku ebirkesi. Loŋ koŋwule na nɛ e daŋ wora ndewurbi nɛ a wɔ Ammɔn be efuli so na kikɛ. Kumo be kaman nɛ mo nɛ mbe benapo bɛta n yɔ Jerusalɛm.

Nshɛ 64:5

Baa leŋ abar to nna a wɔtɔ alubi be kewora to, nsaa malga kananɛ baaŋ sho bumo be ajigbelɛ ŋ ŋana, nsaa kaŋɛ fanɛ esa kikɛ maaŋ wu bumo.

Ɛksodɔs 1:14

nɛ kebaawɔtɔ ki nyaŋnyaŋ n sa bumo ŋkpal loŋ so. B daa shin nɛ baa baga eshii a kuya ebirkesi a pɔr nwu nsaa shuŋ ndɔana to nna. Bumo alɛ daa maa wu Israɛlebi na kuwɔr kikɛ.

Ɛksodɔs 2:3

Ama saŋɛ nɛ e wu fanɛ e maaŋ naŋ tiŋ n ta kebia na ŋ ŋana na nɛ e ta kootal n laa kelantaŋɛ nɛ b ta agasa n lue nseŋ ta kebia na n wɔtɔ kumo to. Kumo be kaman nɛ e ta kelantaŋɛ na nɛ kebia na kikɛ n ya yili nchu to ashi lɔrkar be afitiri jeŋgreŋ ko nɛ a du fanɛ agasa na to.

Aŋasa 1:11

Nɛ b baŋ kaŋɛ fo le: “Ba tu anyi nɛ an ya ŋana n dese ekpakar n fin esa ko m mɔ kenyanyaŋɛso,

Kaŋinichiŋgeliŋ 2:1

N daŋ yili kumo nna fanɛ meeŋ ji ma kumu nseŋ fin kusɔ nɛ k la kagbenefuli, ama n wu fanɛ amo kikɛ maŋ la shɛŋ.

Aizaaya 5:5

Kusɔ nɛ meeŋ wora ma ndibi sɔrso be kudɔ na e la fanɛ, meeŋ lara kunji nɛ k kulti kumo na nseŋ bure egbal nɛ k bee kuŋ kumo na nna, nɛ kupuŋ to be asɔbɔya e ba ji ndibi sɔrso na nseŋ chichi amo so m mata kasawule.

Aizaaya 65:3

B paŋ nyɔmɔ nna a wɔtɔ a shin nɛ ma kagbene bee kaa. Ŋkpal manɛ so, b wɔtɔ nna a lara esarga a sa agbir ashi adɔbi to nsaa chɔɔ eduwu agbirsure nɛ b ta ebirkesi m pɔr so a sa amo.

Aizaaya 9:10

“Nwu nɛ an ta ebirkesi m pɔr na tɔr, ama anyeeŋ ta ajembu m pɔr n tal amo to. Elarbeŋ nɛ an ku ndibi nɛ baa tre sikamɔɔ n wora na buri to, ama anyeeŋ ku ndibi nɛ baa tre sida na be alela n wora elarbeŋ n tal amo to.”

Nahum 3:14

Men saŋ nchu n yili menyi be enɔ so, ŋkpal manɛ so benapo beeŋ ba kulti menyi n wɔtɔ a sha kekɔ menyi kena. Amoso men baga eshii n lɔŋɛ menyi be mboŋ lempoana na m pɔr.

Hibruwebi 10:24

Men shin nɛ an baa nyiŋi a leŋ abar to a wɔtɔ kasha nɛ aworbi lela to.

Hibruwebi 3:13

Nɛ saŋɛ baa wɔtɔ nɛ baa tre kabre be saŋɛ, men baa leŋ abar to, saŋɛ na so, alubi be kafulesheŋ kama maaŋ shin nɛ menyi be ekama be kagbene e ki kpakpa.

Jeems 4:13

Menyi nɛ menyee kaa kaŋɛ le: “Kabre ŋko echefo anyeeŋ yɔ le nɛ le be kade to n ya chena ndoŋ kafɛ n ji yawu n dii dama na” e nu nfe.

Jeems 5:1

To, damawuraana, men nu nfe. Men baa boŋ to a shu ŋkpal alemaŋkar be tɔrɔ nɛ k bee ba menyi so na so.