Jɛnesis 10:5 - EBƆRƐ BE KAWƆL

⁵ Basa nɛ b daŋ n chena n chena teku be kɔnɔ na daŋ shi le be basa ere to nna. Bumo be ekama malɛ nɛ mbe kanaŋ e daa la nɛ bumo be ŋgbarana kɔr abar to.

Jɛnesis 10:5 ပူးပေါင်းရင်းမြစ်များ

Jɛnesis 10:20

Kananɛ Ham malɛ be kanaŋ to be asheŋ daŋ nite nde. Bumo to be kanaŋ kama nɛ kumo be ŋgbar, kekama malɛ nɛ kumo be kasawule nɛ efuli.

Jɛnesis 10:25

Bibinyɛn anyɔ nɛ Eber daa kɔ. B daa tre eko Pɛlɛg, ŋkpal manɛ so, saŋɛ nɛ b daŋ kurge mo na, durnya to ebi daŋ barga to nna. Pɛlɛg mo sipo nɛ b daa tre Jɔktan.

Jɛnesis 10:32

To, kananɛ Nowa be bibinyɛn nɛ bumo be kanaŋ to ebi lar n daa wɔ bumo be efuliana so nna na. Nchu ka ji durnya na be kaman Nowa be kaman to ebi ere e salga to n fara nde nɛ a ki efuliana durnya to.

Jɛnesis 10:4

Javan malɛ be bibinyɛn e daa la Elaisha nɛ Taashish nɛ Kitebi nɛ Rodanebi.

Jɛnesis 10:6

Ham malɛ be mbia e daa la Kush nɛ Misraim nɛ Put nɛ Keenan.

Jɛnesis 9:19

To, Nowa be bibinyɛn asa na nna na. Bumo alɛ to nɛ basa nɛ b wɔ durnya ere to kikɛ shi.

Ɛsta 10:1

Ewura Sɛgsis yili lampo nna n sa basa nɛ b tase teku ase nɛ bumo nɛ b maŋ tase teku ase ashi mbe efuli so kikɛ.

Nshɛ 72:10

Speen be efuli so nɛ mplasawule so be bewuraana beeŋ bar bumo be ŋkɛ m ba sa mo; nɛ Areebia nɛ Itiopia be bewuraana gba e bar bumo be ŋkɛ m ba sa mo.

Aizaaya 11:11

Loŋ be kachɛ na kaŋ fo, Enyɛnpe Ebɔrɛ na beeŋ naŋ bɔla mbe eleŋgboŋ so m bɛta mbe basa nɛ b ka a wɔ efuliana nɛ baa tre Asiriya nɛ Ijipt nɛ Patrɔs nɛ Itiopia nɛ Ilam nɛ Babilɔn nɛ Hamaf nɛ teku ase be nsawule nɛ kepla so na m ba.

Aizaaya 24:15

nɛ bumo nɛ b wɔ epeŋilarkpa na malɛ e kpaŋ mo. Basa nɛ b wɔ teku be ekarso na malɛ gba beeŋ fur Enyɛnpe, Israɛl be Ebɔrɛ na.

Aizaaya 40:15

Efuliana na maŋ la shɛŋ Enyɛnpe Ebɔrɛ bre kutɔ, a du fanɛ nchu ka do bokiti nɛ nchu to nna; ŋko kalabɛr nɛ a deŋ kusɔ nɛ b kɔ a karga asɔ be egbɛ so nna. Aplasawule nɛ e wɔ kufɔ kufɔ na kikɛ du fanɛ enɔ be bɔlɔ be eshishɛr nna.

Aizaaya 41:5

Basa nɛ b wɔ nsawule nɛ a wɔ kufɔ kufɔ so na wu kusɔ nɛ n wora; nɛ kufu pɛ bumo nɛ baa chicha. Amoso b gama abar so nna m ba ma kutɔ.

Aizaaya 42:10

Men boŋ kashɛ popɔr n sa Enyɛnpe Ebɔrɛ na; nɛ durnya to be basa kikɛ e boŋ kashɛ ŋ kpaŋ mo! Menyi nɛ menyee nite teku so, e kpaŋ Enyɛnpe Ebɔrɛ na; nɛ asɔ keniso kikɛ nɛ a wɔ teku to e, kpaŋ mo! Menyi nɛ men wɔ mplasawule nɛ a wɔ kufɔ kufɔ na so, e kpaŋ Enyɛnpe Ebɔrɛ na.

Aizaaya 42:4

E maaŋ gben n yige to ŋko m pɔ aba; e beeŋ shin nɛ keji asheŋ nɛ amo be ekpa so e ba durnya to. Efuli pɔtɛ so be basa pere kenishi nna a jo mbe keŋini.”

Aizaaya 49:1

Ekama e nu nfe! Menyi nɛ men wɔ efuli pɔtɛana nɛ a wɔ teku be kaba ndoŋ na gba, e nu nfe. Enyɛnpe Ebɔrɛ na e lara ma nɛ m baa la mbe kenya, nseŋ nase ma ketre pɔɛŋ nɛ b kurge ma.

Aizaaya 51:5

Meeŋ nya manaŋ m ba mɔlga bumo; ŋkpal manɛ so, ma kekɔmpɔɔso be jemanɛ taga to. Efuliana nɛ a wɔ keplasawule so kufɔ kufɔ na bee keni ma ekpa nna; ŋkpal manɛ so, baa tama fanɛ meeŋ baa mɔlga bumo nseŋ ji kuwura bumo so nna.

Aizaaya 59:18

Enyɛnpe Ebɔrɛ na beeŋ gberge mo doŋana nɛ b wɔ kufɔ nɛ bumo nɛ b taga to kikɛ kusoe agbo so, ŋkpal kusɔ nɛ b wora mbe basa so.

Aizaaya 60:9

Teku so be ekuloŋgboŋ nɛ e shi aplasawule wɔfɔ wɔfɔ so nna. Ebɔrɛ be basa nɛ e sulɔ a ba epe. Bumo alɛ keta bumo be shuwa nɛ gbiti nna a ba. Enyɛnpe Israɛl be Ebɔrɛ cheembi na e shin nɛ loŋ wora nɛ mbe basa e nya kemaŋkura. Saŋɛ na so baaŋ baa shuŋ mo nsaa bunyaŋ mo.

Jɛremaya 2:10

Men yɔ keplasawule nɛ baa tre Saiprus ashi epeŋitɔrkpa na so. Kumo be kaman nɛ men shuŋi esa ko nɛ e yɔ Kɛda be kasawule nɛ k wɔ epeŋilarkpa na. Menyeeŋ wu fanɛ le be kesheŋ maŋ naŋ wora ŋ ku so ashi men be basa be yiri kikɛ to.

Ezikɛl 26:15

Kusɔ nɛ Enyɛnpetale Ebɔrɛ na naŋ kaŋɛ Tayɛ be basa e la fanɛ basa nɛ b chena teku ase na kaŋ nu menyi be basa nɛ baa mɔ na be kushu kufu beeŋ pɛ bumo nɛ b baa chicha.

Ezikɛl 26:18

Kachɛ nɛ k tɔr na ka fo, basa nɛ b chena teku ase na bee chicha nna. Nɛ kumo be kemur na chinchiŋ bumo ga.

Danɛl 11:18

Ade kikɛ be kaman, e beeŋ kɔ efuliana nɛ a chena teku ase na kena m pɔɔ amo be adamta so. Ama benapo be enimu ko beeŋ ba kɔ m pɔɔ mo so nɛ mbe ŋkpensheŋ na kikɛ e ba ekar. Kashenteŋto e beeŋ shin nɛ ewura na be ŋkpensheŋ e laŋɛ n ji mo.

Zefanaiya 2:11

Enyɛnpe Ebɔrɛ na be asheŋ beeŋ pɛ bumo kufu, jemanɛ nɛ e beeŋ mur kasawule na so be agbirana kikɛ na. Efuliana nɛ a wɔ teku ase kikɛ be basa beeŋ bunyaŋ Enyɛnpe Ebɔrɛ na ashi bumo gbagba be nsawule so.

Ditɛronɔmi 32:8

Enyɛnpetale Ebɔrɛ na e naa sa efuli kama so ebi nsawule; mo e naa ŋini basa kakpa nɛ baaŋ chena.