Jɛnesis 10:22 - EBƆRƐ BE KAWƆL

²² Shɛm be bibinyɛnana nɛ b daa la Elam nɛ Ashuur nɛ Aafaksad nɛ Lud nɛ Mɛsopoteemia na be atre e daŋ ba ki bumo be nnaŋ to ebi be atre.

Jɛnesis 10:22 ပူးပေါင်းရင်းမြစ်များ

Jɛnesis 10:21

Shɛm nɛ e daa la Jafɛf mo sipo na e la Hibruwebi kikɛ bumo nananyɛn.

Jɛnesis 11:10

Kananɛ Shɛm be kanaŋ to ebi be asheŋ nite nde. Nchugboŋ nɛ a daŋ ji durnya na be nfɛ anyɔ be kaman nɛ Shɛm nya nfɛ kalfa. Amoafɛ malɛ nɛ mo nɛ mbe eche kurge ebinyɛn n nase mo Aafaksad.

Jɛnesis 9:26

E ka sho Keenan kɔnɔ n loge na nɛ e kaŋɛ le: “Shɛm bre, nɛfa e baa wɔ Enyɛnpe nɛ e la Shɛm be Ebɔrɛ na so. Keenan beeŋ ba ki Shɛm be kenya.

2 Bewura 15:19

Asiriya be ewurgboŋ Tiglaf Pilesa daŋ ba kɔ Israɛl kena nna nɛ Menahɛm sa mo shuwa kilo ŋgboŋ adesa saŋɛ na so mo nɛ mo beeŋ ba wɔ ebel nɛ e chɛ mo to n shin nɛ mbe efuli so ebi e baa nu a sa mo.

Job be kawɔl 1:17

Mo alɛ gba kraa malga nna nɛ kabɔ sasopo ba kaŋɛ Job le: “Beyu nɛ b kɔ akɔsɔ be ntuŋ asa shi Babilɔn be efuli so nɛ k wɔ kelargato be esoso be epeŋilarkpa na nna m ba kɔ n suge fo enyɔma na nseŋ kpa amo kikɛ n choŋ. N nawule e nya n shile m ba nɛ m ba kaŋɛ fo kusɔ nɛ k wora.”

Aizaaya 11:11

Loŋ be kachɛ na kaŋ fo, Enyɛnpe Ebɔrɛ na beeŋ naŋ bɔla mbe eleŋgboŋ so m bɛta mbe basa nɛ b ka a wɔ efuliana nɛ baa tre Asiriya nɛ Ijipt nɛ Patrɔs nɛ Itiopia nɛ Ilam nɛ Babilɔn nɛ Hamaf nɛ teku ase be nsawule nɛ kepla so na m ba.

Aizaaya 21:2

Ŋ ku bɔrɛdare n wu asheŋ ko nɛ a bee bar awurfoŋ basa so. Amo e la kedebɔr abar nɛ kemur abar be asheŋ. Kaŋɛ Elam be efuli nɛ Mediya be efuli so be benapo fanɛ b kre kena m ba kulti Babilɔn be efuli so be ndegboŋana n wɔtɔ ŋ kɔ bumo kena! Ŋkpal manɛ so, Enyɛnpe Ebɔrɛ na bɔ ntaŋ fanɛ e beeŋ shin nɛ awurfoŋ nɛ Babilɔnebi bee shin nɛ efuli pɔtɛana so be basa bee ji na e ba ekar.

Aizaaya 22:6

Benapo shi Elam be kasawule so ŋ keta bumo be ata nɛ atanyembi nseŋ dii egbaŋɛ nɛ beko malɛ shi Kir be kasawule so ŋ keta bumo be abɛlso be asɔ kuŋamuso m ba.

Aizaaya 66:19

nseŋ pin fanɛ ma e naa gberge bumo kusoe. Ama meeŋ yige bumo be beko nseŋ yɛr bumo efuli pɔtɛana fanɛ Speen nɛ Libiya nɛ Tubal nɛ Griis nɛ nsawule nɛ a wɔ kufɔ kufɔ nɛ b maŋ naŋ nu ma asheŋ ŋko n wu ma keshi nɛ eleŋgboŋ na so. Baaŋ ya bɔ ma kemaŋkura nɛ keshi be kubɔya n sa ndoŋebi.

Ezikɛl 32:24

Elam nɛ kumo be benapo be nchaŋana kulti kumo na gba wɔ ndoŋ. Kena to nɛ b daŋ mɔ basa nɛ b maa ŋana Ebɔrɛ na kikɛ nɛ b yɔ bubuni to. Bumo e daa funti basa nɛ b wɔ ŋkpa to na, ama naniere bumo e ji anishinyɔr a dese bubuni to na.

Danɛl 8:2

Ma bɔrɛdare na to nɛ n wu ŋ ka yɔ kade ko nɛ b pɔr egbal ŋ kulti nɛ baa tre kumo Susa nɛ k wɔ Ilam be efuli so na, n ya yili nchu be kubɔr nɛ b kur nɛ k du fanɛ kabombi nɛ baa tre kumo Ulai na ase.

Nɔmbɛs 23:7

Ndoŋ nna nɛ Balaam kaŋɛ: “Mowab be ewura Balak e bar ma ashi Siriya nɛ k wɔ abee be efuli so na fanɛ m ba sho Israɛlebi kɔnɔ n shin nɛ b mur.

Nɔmbɛs 24:22

Ama Asiriyaebi kaŋ pɛ menyi, menyeeŋ mur cheche.”

Luuk 3:36

Shɛla mo tuto e daa la Keenan nɛ mo alɛ mo tuto daa la Aafaksad nɛ mo alɛ mo tuto daa la Shɛm nɛ Shɛm malɛ mo tuto daa la Nowa nɛ Nowa malɛ mo tuto daa la Lamɛk.

Ashuŋ Shunso 2:9

To, Paatia nɛ Midia nɛ Ilam nɛ Mɛsopoteemia nɛ Judiya nɛ Kapadosia nɛ Pɔntes nɛ Eeshia,