Jɛnesis 1:9 - EBƆRƐ BE KAWƆL

⁹ Kachɛ nyɔsopo na be kaman nɛ Ebɔrɛ naŋ kaŋɛ: “Shin nɛ nchu nɛ a wɔ awɔlpa be kaseto na e gama abar so kaboŋ koŋwule n shin nɛ kasawule malɛ e di efuli.” Nɛ loŋ wora.

Jɛnesis 1:9 ပူးပေါင်းရင်းမြစ်များ

Jɛnesis 1:8

Nɛ Ebɔrɛ nase kunji na awɔlpa. Ndoŋ nna nɛ kanyɛ biri nɛ kare chɛ ŋ ki kachɛ lelemu nyɔsopo na.

Nehemaya 9:6

Ndoŋ nna nɛ basa na kule Ebɔrɛ ŋ kaŋɛ: “Fo nawule e la Enyɛnpe anyi be Ebɔrɛ na. Fo e to ebɔrɛso nɛ achɛkpabi kikɛ, Fo e to kasawule nɛ asɔ nɛ e wɔ kumo so kikɛ. Fo e to teku nɛ kumo to be asɔ keniso kikɛ Ŋkpa kikɛ shi fo kutɔ nna, nɛ achɛkpabi nɛ a wɔ awɔlpa to kikɛ bee fur fo a kpaŋ fo.

Job be kawɔl 26:10

Ebɔrɛ e chaŋ kefulto nɛ tentembiri be gbaŋfɔl n deŋi teku so.

Job be kawɔl 26:7

Ebɔrɛ e parga awɔlpa nɛ k wɔ kelargato be esoso na to, nseŋ shin nɛ durnya shaso nɛ shɛŋ maŋ kɔ kumo to.

Nshɛ 104:3

Fo alɛ e pɔr fo kowu n shin nɛ tekugboŋ wɔ kumo be kaseto. Bɔrɛwɔlpa nɛ k bee bɔla afu so a nite na du fanɛ gbaŋɛturko nna n sa fo.

Nshɛ 33:7

Mo e gbargbar teku be nchu kikɛ n wɔtɔ kakpa koŋwule. Mo koŋwule na e koli nchu na n wɔtɔ kakpa chiŋgeliŋ to fanɛ ebu na.

Nshɛ 95:5

Teku la mo peya nna, ŋkpal manɛ so, mo e to kumo. Mo gbagba be enɔana nɛ e ta n tɔl kasawule.

Kaŋinichiŋgeliŋ 1:7

Elɔrana bee shile e luri teku to, ama teku malɛ maa bɔlɔ kikɛ. Nchu na kraŋ naa bɛta nna a luri lɔr na be kakpa nɛ a fara na to nsaa shile a luri to a chambɔ a ba.

Jɛremaya 5:22

ma e la Enyɛnpe Ebɔrɛ nɛ a daga fanɛ men baa ta kufu nɛ kechicha chicha a bunyaŋ ma? Ma e ta eshishɛr ŋ kuŋ teku nɛ k maŋ tiŋ n dii amo so. Teku so beeŋ tiŋ ŋ kaa ketili n wora awɔr ga, ama kumo alɛ maaŋ tiŋ n dii eshishɛr na so.

Jona 1:9

Ndoŋ nna nɛ Jona kaŋɛ le: “N la Hibruw be esa nna. Enyɛnpe Ebɔrɛ nɛ e wɔ ebɔrɛso nseŋ to teku nɛ kasawule kikɛ na nɛ mee shuŋ.”

2 Pita 3:5

Ama le be basa ere bee kute nna a kini kepin fanɛ dra na Ebɔrɛ daŋ malga nna nɛ esosoana nɛ kasawule daŋ fara kebaawɔtɔ. Nchu nɛ e daŋ ta nseŋ naŋ bɔla amo so ŋ jɔŋɛ kasawule.

Kelaraŋŋini 10:6

nseŋ bɔ esa nɛ e wɔ ŋkpa to mbaanaayɔ na, emo nɛ e to ebɔrɛso nɛ asɔ nɛ a wɔ kumo to na kikɛ nseŋ to kasawule nɛ asɔ nɛ a wɔ kumo to na kikɛ nseŋ naŋ to teku nɛ asɔ nɛ a wɔ kumo to na kikɛ nseŋ kaŋɛ le: “K maaŋ naŋ chɛr nɛ saŋɛ na e fo.