Jɛnesis 1:6 - EBƆRƐ BE KAWƆL

⁶ Kachɛ juŋkparso na be kaman nɛ Ebɔrɛ kaŋɛ: “Shin nɛ kunji e barga nchuana na to nɛ ako e baa wɔ esoso nɛ ako malɛ e baa wɔ kaseto.” Nɛ loŋ wora.

Jɛnesis 1:6 ပူးပေါင်းရင်းမြစ်များ

Jɛnesis 1:14

Kachɛ sasopo na be kaman nɛ Ebɔrɛ naŋ kaŋɛ: “Shin nɛ kefulto e lar awɔlpa to m barga kapa ashi kanyɛ to nseŋ shin nɛ a baa ŋini jemanɛ nɛ saŋɛ nɛ nchɛ nɛ nfɛ bee fara.

Jɛnesis 1:20

Kede be kaman nɛ Ebɔrɛ naŋ kaŋɛ: “Shin nɛ asɔ futeso be yiri yiri e sɔ nchuana na to nseŋ shin nɛ mbuibiana malɛ e sɔ esoso a firgi.”

Job be kawɔl 26:13

Mo e fute n shin nɛ esoso fulto, nɛ e ta mbe enɔana m mɔ kusɔkpaŋ nɛ k bee gbeye na.

Job be kawɔl 37:11

Ebɔrɛ e naa ponte bɔrɛwɔlpa nɛ e bee shin nɛ bɔrɛ bee nyɛkpɛ so nɛ e bee sɔ awɔlto m salga to m buu durnya kikɛ so.

Job be kawɔl 37:18

Ebɔrɛ bre beeŋ tiŋ n shin nɛ bɔrɛwɔlpa e parga to m buu so nɛ kakpa e wushi, ama fo alɛ beeŋ tiŋ n wora loŋ a?

Nshɛ 104:2

nɛ kefulto kulti fo n wɔtɔ kaplɛkama. Fo e parga kuwɔlpa to n sɔ kaplɛkama fanɛ wajɛbu, a wɔ kumo to.

Nshɛ 148:4

Ebɔrɛso nɛ k wɔ awɔlto chilili, nɛ awɔlto be nchuana kikɛ, e baa kpaŋ Enyɛnpe Ebɔrɛ na.

Nshɛ 150:1

Men baa kpaŋ Enyɛnpe Ebɔrɛ na! Men baa kpaŋ Ebɔrɛ ashi mbe bɔrɛlambu to! Men baa kpaŋ mo ebɔrɛso ashi mbe kakpa lempo na!

Nshɛ 19:1

Esoso bee di Ebɔrɛ be kemankura efuli nna, nɛ awɔlpa malɛ bee ŋini mbe asɔ toso.

Nshɛ 19:2

Karechɛ kikɛ bee shin nɛ mbe kemaŋkura nɛ kenyi malɛ bee di efuli nna, nɛ kanyɛso kikɛ malɛ gba bee wora loŋ.

Nshɛ 33:6

Enyɛnpe Ebɔrɛ na be kamalga so nɛ e bɔla n to esoso. E malga nna nɛ epeŋi nɛ kufɔl nɛ achɛkpabi lar.

Nshɛ 33:9

Mo e malga nɛ durnya fara. Mo e kaŋɛ nɛ kusɔ kama ba.

Kaŋinichiŋgeliŋ 11:3

Bɔrɛwɔlpa baŋ moɛ nchu, k bee bar bɔrɛchu nna; kaplɛkama nɛ kedibi malɛ baŋ tɔr n shoŋi, ndoŋ nɛ k dese, k maaŋ naŋ tiŋ n chɛrga kumo be edesekpa.

Aizaaya 40:22

Esa nɛ e chena mbe kuwurputi so ashi durnya be esoso nɛ k baŋ awɔlpa so na e to durnya. Basa nɛ b wɔ kumo to na du fanɛ atutulombi mo kutɔ nna. Mo e parga kuwɔlpa to fanɛ patisa, ŋko fanɛ wajɛbu nɛ esa e chena to na.

Jɛremaya 10:10

Ama fo, Enyɛnpe Ebɔrɛ na, e la Ebɔrɛ kashenteŋto. Fo e naa sa ŋkpa nsaa wɔ ŋkpa to na; fo alɛ e la ewura nɛ e wɔtɔ mbaanaayɔ na. Fo baŋ nya agbo, durnya kikɛ bee gbuŋgbuŋ to nna, nɛ efuliana bee mur.

Jɛremaya 51:15

Enyɛnpe Ebɔrɛ na e bɔla mbe eleŋgboŋ so n to durnya; mbe kanyiasheŋ so nɛ e bɔla n to esoso nɛ kasawule.

Zakareya 12:1

Kubɔya nɛ k shi Enyɛnpe Ebɔrɛ na kutɔ a laŋɛ Israɛl be kaplɛa so na nde. Mo e to esoso nseŋ tɔl durnya n yili kumo be gbaltɔlase so, nseŋ sa dimɛdi ŋkpa na.

2 Pita 3:5

Ama le be basa ere bee kute nna a kini kepin fanɛ dra na Ebɔrɛ daŋ malga nna nɛ esosoana nɛ kasawule daŋ fara kebaawɔtɔ. Nchu nɛ e daŋ ta nseŋ naŋ bɔla amo so ŋ jɔŋɛ kasawule.