Jɛnesis 1:31 - EBƆRƐ BE KAWƆL

³¹ Ebɔrɛ ka keni asɔ nɛ e wora na kikɛ nɛ e wu fanɛ amo kikɛ walɛ ga. Ndoŋ nna nɛ kanyɛ biri nɛ kare chɛ ŋ ki kachɛ lelemu shesopo na.

Jɛnesis 1:31 ပူးပေါင်းရင်းမြစ်များ

Jɛnesis 1:13

Ndoŋ nna nɛ kanyɛ biri nɛ kare chɛ ŋ ki kachɛ lelemu sasopo na.

Jɛnesis 1:19

Ndoŋ nna nɛ kanyɛ biri nɛ kare chɛ ŋ ki kachɛ lelemu nasopo na.

Jɛnesis 1:23

Ndoŋ nna nɛ kanyɛ biri nɛ kare chɛ ŋ ki kachɛ lelemu nusopo na.

Jɛnesis 1:5

E ka wora loŋ na nɛ e nase kefulto be saŋɛ na kapa nseŋ nase tentembiri be saŋɛ na malɛ kanyɛ. Ndoŋ nna nɛ kanyɛ biri nɛ kare chɛ ŋ ki kachɛ lelemu juŋkparso na.

Jɛnesis 1:8

Nɛ Ebɔrɛ nase kunji na awɔlpa. Ndoŋ nna nɛ kanyɛ biri nɛ kare chɛ ŋ ki kachɛ lelemu nyɔsopo na.

Jɛnesis 2:2

Kachɛ shunusopo na ka fo nɛ Ebɔrɛ loge mbe kushuŋ kikɛ, amoso kachɛ shunusopo na e wushi nna ashi ashuŋ nɛ e shuŋ na kikɛ nyam to.

Jɛnesis 2:3

Amoso Ebɔrɛ daŋ nɛfa kachɛ shunusopo na nna n yili fanɛ kachɛ cheembi, ŋkpal manɛ so, kumo be kachɛ na nɛ e wushi ashi mbe durnya be keto be ashuŋ to.

Job be kawɔl 38:7

Loŋ be kachɛ na be kachipurdidi, achɛkpabi daa boŋ nshɛ nna, nɛ ebɔrɛso be emalaika kikɛ daa ji eyur.

Nshɛ 104:24

Enyɛnpe Ebɔrɛ, kanyiasheŋ so nɛ fo bɔla n to asɔ damta. Fo asɔ to so nɛ e kɔ ŋkpa sɔ kasawule so kikɛ nna.

Nshɛ 104:28

Fo alɛ bee bugi enɔ to nna a sa amo kusɔ jiso nɛ a bee nya a ji a moɛ.

Nshɛ 104:31

An Nyɛnpe Ebɔrɛ, anyee kule nna fanɛ fo kemaŋkura e baa wɔtɔ mbaanaayɔ; saŋɛ na so, fo kagbene beeŋ baa fuli kusɔ kama nɛ fo wora so.

Nshɛ 119:68

Fo la esa lela nna nɛ fo asheŋ woraso kikɛ la asheŋ lela; amoso ŋini ma fo mbraana.

Ɛksodɔs 20:11

Ŋkpal manɛ so, nchɛ ashe nɛ ma, Enyɛnpe Ebɔrɛ na ta n to esoso nɛ kasawule nɛ teku nɛ asɔ nɛ a wɔ amo to kikɛ nseŋ wushi kachɛ shunusopo na, amoso ma, Enyɛnpe Ebɔrɛ na nɛfa kewushiachɛ na nna nseŋ ta kumo ŋ ki kachɛ cheembi.

Ɛksodɔs 31:17

K beeŋ baa la ma nɛ menyi Israɛlebi be kanyiŋi be kachɛ nna hale mbaanaayɔ, ŋkpal manɛ so, ma, Enyɛnpe Ebɔrɛ na ta nchɛ ashe nna n to esoso nɛ kasawule nseŋ wushi kachɛ shunusopo na.”

Aŋasa 16:4

Enyɛnpe Ebɔrɛ e nyi kusɔ so so nɛ e lɔŋɛ kusɔ kama nɛ e lɔŋɛ; E wora belubiworapo gba nna a jo bumo be kemur be kachɛ.

Kaŋinichiŋgeliŋ 3:11

Mo e yili jemanɛ nɛ k daga n sa kusɔ kikɛ. Mo e sa anyi nfɛra nɛ anyee pin kusɔ nɛ k beeŋ wora echefoso. Amo nɛ amo kikɛ an kra maa pin mbe nfɛra chiŋgeliŋ na to a loge.

Nfabel 3:38

Kulubi nɛ kelela be ketiŋ wora kikɛ yil kusɔ nɛ Enyɛnpetale Ebɔrɛ na yili so nna.

Ditɛronɔmi 32:4

Enyɛnpe Ebɔrɛ na e la menyi be ekumpo lempo, nɛ mbe kusɔ kama niŋi nseŋ bɔla ekpa. Men be Ebɔrɛ na la eshenteŋjipo nɛ esa beeŋ tiŋ n yirda nna; mo e naa wora kusɔ nɛ k daga nsaa maa kpɛa to na.

1 Timoti 4:4

Ŋkpal manɛ so, kusɔ kama nɛ Ebɔrɛ to walɛ nna, amoso, a maŋ daga basa ka kini kumo. A daga fanɛ basa ka sɔ kumo kabɔrɛkule so nɛ enɔ anyɔ.

1 Timoti 4:5

Ŋkpal manɛ so, Ebɔrɛ be kamalga na nɛ kabɔrɛkule na nɛfa kumo nɛ k ki kusɔ lela Ebɔrɛ be anishito.