Jɛnesis 1:3 - EBƆRƐ BE KAWƆL

³ Ndoŋ nna nɛ Ebɔrɛ kaŋɛ: “Shin nɛ kefulto e lar n fulto.” Epul na to nɛ kaboŋ fulto par.

Jɛnesis 1:3 ပူးပေါင်းရင်းမြစ်များ

Jɛnesis 2:4

To, kananɛ Enyɛnpe Ebɔrɛ daŋ to esoso nɛ kasawule nna na. E ka daŋ to amo na,

Job be kawɔl 36:30

Mo e naa shin nɛ bɔrɛ bee nyɛkpɛ a fulto kaplɛkama, hale teku be kaseto gba.

Job be kawɔl 38:19

Fo nyi kakpa nɛ kefulto nɛ tentembiri kikɛ bee shi a ba a?

Nshɛ 104:2

nɛ kefulto kulti fo n wɔtɔ kaplɛkama. Fo e parga kuwɔlpa to n sɔ kaplɛkama fanɛ wajɛbu, a wɔ kumo to.

Nshɛ 118:27

Enyɛnpe Ebɔrɛ na e la Ebɔrɛ, mo e shin nɛ mbe kefulto nyaŋɛ n yuu anyi so! Men shin nɛ an ta abii be ayabi ŋ keta enɔ to nseŋ bɛ abar so a ji eyur a kulti bɔrɛsure na.

Nshɛ 148:5

Men shin nɛ le be asɔ ere kikɛ e baa kpaŋ Enyɛnpe Ebɔrɛ na be ketre. Ŋkpal manɛ so, mo e malga eleŋso n to amo kikɛ kuraa.

Nshɛ 33:6

Enyɛnpe Ebɔrɛ na be kamalga so nɛ e bɔla n to esoso. E malga nna nɛ epeŋi nɛ kufɔl nɛ achɛkpabi lar.

Nshɛ 33:9

Mo e malga nɛ durnya fara. Mo e kaŋɛ nɛ kusɔ kama ba.

Nshɛ 97:11

Kefulto bee nyaŋɛ a yuu basa niŋiso so nna, nɛ ŋgbenefufulwuraana malɛ bee nya kagbenefuli.

Aizaaya 45:7

Ma e to kefulto nɛ tentembiri kikɛ. Ma e naa nɛfa nseŋ naa bar kumu lubi gboŋgboŋi basa so. Ma, Enyɛnpe Ebɔrɛ na e naa wora ade kikɛ.

Aizaaya 60:19

Epeŋi nɛ kufɔl be kefulto be asheŋ maaŋ naa tir menyi. Ŋkpal manɛ so, ma Enyɛnpe Ebɔrɛ na be kemaŋkura be kefulto e naaŋ baa nyaŋɛ a yuu menyi so mbaanaayɔ.

Matiu 8:3

Ndoŋ nna nɛ Yesu teŋi mbe enɔ to m beta mo nseŋ kaŋɛ mo: “Mm, k par ma. Keboti lar mo to!” Epul na to nɛ keboti na lar mo to nɛ e nyalɛ so.

Baru lela nɛ Jɔn kute na 1:5

Kefulto na malɛ wɔtɔ nna a nyaŋɛ a fuli tentembiri to, ama tentembiri na malɛ maŋ naŋ pɔɔ kumo so.

Baru lela nɛ Jɔn kute na 1:9

Kashenteŋ be kefulto nɛ k bee nyaŋɛ a sa esa kama na e daa ba durnya ere to na.

Baru lela nɛ Jɔn kute na 11:43

Yesu ka malga le n loge nɛ e tre awɔrso ŋ kaŋɛ: “Lazɔrɔs, lar m ba!”

Baru lela nɛ Jɔn kute na 3:19

Ekpa nɛ demu be keji na beeŋ bɔla so nde fanɛ: Kefulto na ba durnya ere to, ama ŋkpal basa be ashuŋ shunso ka lubi so, baa sha tentembiri a chɔ kefulto na.

2 Kɔrintebi 4:6

Ebɔrɛ mo nɛ e kaŋɛ fanɛ: “Men shin nɛ kefulto e shi tentembiri to n lar n nyaŋɛ,” koŋwule na e naa shin nɛ mbe kefulto bee nyaŋɛ anyi be ŋgbeneana to a bar anyi Ebɔrɛ be kemaŋkura be kanyiasheŋ be kefulto nɛ k bee nyaŋɛ Kristo be anishito na.

Ɛfesesebi 5:14

Amoso nɛ abɔrɛsibɛ na bee kaŋɛ le na fanɛ: “Edipo koso, niŋi to ŋ koso ashi luwu to nɛ Kristo e nyaŋɛ kefulto n yuu fo so.”

Ɛfesesebi 5:8

Ŋkpal manɛ so, dra na menyi alɛ gba daa wɔ tentembiri to nna, ama naniere bre men wɔ kefulto to nna ashi Enyɛnpe na to. Amoso, men baa wɔtɔ fanɛ basa nɛ b wɔ kefulto to.

1 Timoti 6:16

Mo nawule kpeŋ e maa wu kikɛ nsaa wɔ kefulto parrbi nɛ esa kikɛ maaŋ tiŋ ŋ keni kumo kikɛ na to. Esa kama malɛ maŋ naŋ wu mo ŋ ku so, ekama malɛ maaŋ tiŋ n wu mo kikɛ. Bunyaŋ nɛ kuwurji nɛ k maŋ kɔ ekar e baa wɔ mo so. Amɛn.

1 Jɔn 1:5

Baru mo nɛ an nu ashi Ebɔrɛ Pibinyɛn na kutɔ nsaa bɔ kumo a sa menyi na nde fanɛ Ebɔrɛ la kefulto nna nɛ tentembiri malɛ kikɛ maŋ wɔ mo to kuraa.

1 Jɔn 2:8

Ama kamalga naseso mo nɛ mee sibɛ a sa menyi ere malɛ du fanɛ kepopɔr nna. Menyi nɛ Kristo be kebaawɔtɔ malɛ to nɛ baa wu kumo be loŋ be kashenteŋ na, ŋkpal manɛ so, tentembiri na bee choŋ nna nɛ kashenteŋ be kefulto na tea fuli to.