Jɛnesis 1:29 - EBƆRƐ BE KAWƆL

²⁹ Kede be kaman nɛ Ebɔrɛ naŋ kaŋɛ bumo le: “Men nu nfe. N ta asɔduuso fanɛ ayu be yiri yiri to nɛ ndibi sɔrso kama nɛ amo be asɔrso kɔ bibi a wɔ kasawule ere kikɛ so n sa menyi nɛ a baa la asɔ jiso n sa menyi.

Jɛnesis 1:29 ပူးပေါင်းရင်းမြစ်များ

Jɛnesis 2:16

Enyɛnpe Ebɔrɛ ka ta mo n wɔtɔ ndoŋ nna nɛ e fiɛ mo so ŋ kaŋɛ mo le: “N sa fo ekpa fanɛ fo baa ji kakpa ere be kedibi kama be asɔrso,

Jɛnesis 6:21

Kumo be kaman nɛ fo ta kusɔ kama be ajibi jiso ŋ wɔtɔ kuloŋ na to, saŋɛ na so menyi nɛ asɔbɔya na kikɛ beeŋ ba kɔ kusɔ jiso ashi kuloŋ na to.”

Jɛnesis 9:3

Kusɔ kama nɛ k kɔ ŋkpa beeŋ baa la kusɔ jiso a sa menyi. Kananɛ n daŋ ta asɔ duuso kikɛ n sa menyi na, loŋ koŋwule na nɛ naniere mee ta kusɔ kama nyam nɛ k kɔ ŋkpa a sa menyi.

Job be kawɔl 36:31

Ekpa nɛ e bee bɔla so a keni durnya be efuliana na so nna na. Bɔrɛchu nɛ e bee sa na e naa wora ajibi a sa anyi.

Nshɛ 111:5

E bee sa bekama nɛ baa bunyaŋ mo na ajibi nna. Mo alɛ nsaa nyiŋi mo nɛ bumo be kɔnɔkoŋwule be ŋkre na hale mbaanaayɔ.

Nshɛ 115:16

Ebɔrɛso la Enyɛnpe Ebɔrɛ na nawule peya nna, ama e ta kasawule nna n sa anyi edimɛdi.

Nshɛ 136:25

Mo e naa sa kusɔ keniso kikɛ ajibi jiso; mbe kasha nɛ k maa chɛrga na malɛ wɔtɔ nna mbaanaayɔ.

Nshɛ 146:7

Mo e naa ji asheŋ nɛ amo be ekpa so a sa betirpo nsaa sa bumo nɛ akoŋ kɔ kusɔ jiso. Enyɛnpe Ebɔrɛ na e naa lara basa nɛ b ti ebu ashi kabuti to.

Nshɛ 147:9

Mo e naa sa asɔbɔya kusɔ jiso nsaa bela ejɔnɔkoso fɔlbi jemanɛ kikɛ nɛ a shu n tre mo.

Nshɛ 24:1

Kasawule ere nɛ kusɔ kikɛ nɛ k wɔ kumo so, la Enyɛnpe Ebɔrɛ na peya nna. Basa nɛ b wɔ durnya ere to kikɛ, la Enyɛnpe Ebɔrɛ na peya nna.

Aizaaya 33:16

Aloŋ e naaŋ shin nɛ men nya menyi be amu, nsaa du fanɛ basa nɛ b wɔ ebu lempo jeŋgreŋ nɛ k bee kuŋ basa na to. Menyi alɛ beeŋ naa nya a ji nsaa nuu yila yila so jemanɛ kikɛ.

Hoziya 2:8

E daa maa pin fanɛ ma e sa mo ajibi nɛ asɔ nuuso nɛ ɔlif be ŋku nɛ shuwa nɛ gbiti nɛ e kilgi n ta amo a shuŋ Baal be kegbir na.

Matiu 6:11

Yaŋ sa anyi ajibi nɛ a daga anyi kabre,

Ashuŋ Shunso 14:17

Ama jemanɛ kikɛ, mo alɛ bee wora asɔ lela damta nna a ŋini menyi esa nɛ e la mo. Mo e naa sa menyi bɔrɛchu nɛ adɔjibi jemanɛ nɛ a daga. Mo e naa sa menyi ajibi jiso nsaa shin nɛ kagbenefuli bee bɔlɔ menyi to.”

Ashuŋ Shunso 17:28

ŋkpal manɛ so: ‘Mo e naa shin nɛ an wɔtɔ a nite a kilgi to a du kananɛ an du ere na.’ Menyi be besibɛpo malɛ e naa kaŋɛ loŋ: ‘Anyi alɛ gba la mbe mbia nna.’

1 Timoti 4:3

Asɔ nɛ basa na bee ŋini na e la fanɛ a maŋ daga beche nɛ benyɛn e baa kil abar, kumo alɛ maŋ naŋ daga basa ka ji ajibi ko. Le be ajibi ere malɛ, Ebɔrɛ to amo nna n sa basa, nɛ basa nɛ b yirda Yesu Kristo a nyi kashenteŋ na e chɔrɔ Ebɔrɛ n sɔ amo nɛ enɔ anyɔ.

1 Timoti 6:17

Ŋini bumo nɛ b kɔ dama durnya ere to na fanɛ b sa maa wu bumo be amu ŋko a ta bumo be yirda a deŋi bumo be asɔ so, ŋkpal manɛ so, esa kikɛ maaŋ tiŋ m pin kananɛ mbe asɔ beeŋ chɛr a wɔ mo kutɔ. Kusɔ nɛ k daga damawuraana ka wora e la b ka yirda Ebɔrɛ, ŋkpal manɛ so, mo e naa bugi kagbene a kɛ anyi asɔ yɛlyɛla so nɛ an baa ta a wushi an be ŋgbene.