Jɛnesis 1:27 - EBƆRƐ BE KAWƆL

²⁷ Kumo be kaman nɛ Ebɔrɛ to dimɛdi fanɛ mo gbagba be kumu nɛ mo gbagba be kaduli. Enyɛn nɛ eche nɛ e daŋ to bumo.

Jɛnesis 1:27 ပူးပေါင်းရင်းမြစ်များ

Jɛnesis 2:18

Kede be kaman nɛ Enyɛnpe Ebɔrɛ kaŋɛ: “K maŋ daga fanɛ enyɛn na nawule e baa wɔtɔ. Meeŋ pɔr echɛtopo nɛ e beeŋ kukwe mo n sa mo.”

Jɛnesis 2:7

Enyɛnpe Ebɔrɛ ka daa shin nɛ e to dimɛdi na, e daŋ ta shishɛr nna ashi kasawule so m pɔr enyɛn nseŋ fute ŋkpa be efute n wɔtɔ mbe kamuna to nɛ enyɛn na ki kusɔ futeso.

Jɛnesis 9:6

Esa kama nɛ e mɔ dimɛdi, baaŋ mɔ amodoŋwura gba n tal to, ŋkpal manɛ so, Ebɔrɛ pɔr dimɛdi nna fanɛ mbe kaduli.

Nshɛ 139:14

Mee kpaŋ fo nna, ŋkpal manɛ so, kananɛ fo to ma na la mamachi nna nsaa keta kufu. Fo asheŋ woraso kɔ mamachi pasaa. M baa nyi kumo ma kagbene to nna geeŋ.

Kaŋinichiŋgeliŋ 7:29

Asheŋ nɛ ŋ koya kikɛ nna na. Ebɔrɛ to anyi nɛnɛ nna nɛ anyi alɛ jija anyi be amu.

Aizaaya 43:7

Men la ŋ gbagba be basa nna, nɛ n to menyi nɛ men baa kemaŋkura ma.”

Jɛremaya 29:6

Men ta beche ŋ kurge mbia nseŋ shin nɛ menyi be mbia malɛ gba e ta beche ŋ kurge mbia. A daga fanɛ men salga to n wora keshi nsaa maŋ duga so.

Malakai 2:15

Ebɔrɛ maŋ ta menyi nna m ber abar so nɛ men ki kukoŋwule a? Manɛ so nɛ e wora loŋ? E daŋ wora loŋ nna saŋɛ na so menyeeŋ kurge mbia nɛ b la Ebɔrɛ be basa kashenteŋto. Amoso k maŋ daga ekama ka kini mbe eche.

Matiu 19:4

Nɛ Yesu bishi bumo: “Men maŋ naŋ kraŋ ashi abɔrɛsibɛ na to fanɛ sososo na enyɛn nɛ eche nɛ Epɔrpo na pɔr

Maak 10:6

Ama sososo na, kasɔto be jemanɛ na, b daŋ kaŋɛ fanɛ: ‘Ebɔrɛ pɔr bumo enyɛn nɛ eche nna.’

Ɛfesesebi 2:10

Ŋkpal manɛ so, an la mbe apɔrso nna nɛ e sa anyi kebaawɔtɔ popɔr ashi Kristo Yesu to nseŋ ta anyi n wɔtɔ kelela be asheŋ nɛ mo ere Ebɔrɛ na yili kumo dra dra na kikɛ to fanɛ an ba kaa shuŋ na.

Ɛfesesebi 4:24

Men luri kapɔr popɔr nɛ Ebɔrɛ pɔr nɛ k du fanɛ mo gbagba be kapɔr a yɔ kashenteŋ be alelasheŋ nɛ kebaawɔtɔ cheembi be kaplɛa so na to.

Ditɛronɔmi 4:32

Men bishi asheŋ to nɛnɛ a laŋɛ dra na be kaplɛa so. Kumo e la fanɛ pɔɛŋ nɛ b kurge menyi na hale n ya fo jemanɛ nɛ Ebɔrɛ to edimɛdi na nseŋ to kenishi ŋ keni durnya ere kikɛ to, kusɔ gboŋgboŋi ko fanɛ kede daŋ wora kikɛ a? Esa daŋ nu le be kesheŋ ere ŋ ku so a?

Kɔlɔsiebi 1:15

Ebɔrɛ Pibi na du fanɛ Ebɔrɛ nɛ basa maaŋ tiŋ n wu kikɛ na nna. Mo e la kusɔtoso kikɛ be enimu,

Kɔlɔsiebi 1:26

Kubɔya na daa la wulo be kubɔya nna, kumo alɛ be saŋɛ na Ebɔrɛ daa maŋ bugi kumo to ŋ kaŋɛ basa, ama naniere e bugi kumo to ŋ kaŋɛ mbe basa.

Kɔlɔsiebi 3:10

n nya kebaawɔtɔ popɔr lela nɛ Ebɔrɛ to nsaa wɔtɔ a lɔŋɛ kumo nɛ k ba kaa du fanɛ mo gbagba peya na nɛ men baa pin mo nɛnɛ.

Demujipoana 21:22

Bumo tutoana ŋko bumo siponyɛnana kaŋ ba bile asheŋ n sa anyi, anyeeŋ kaŋɛ bumo: ‘Men wu anyi kuwɔr nseŋ chɛ bumo to, ŋkpal manɛ so, an daa maŋ nya beche kena na to n sa bumo kikɛ. Menyi alɛ gbagba ka maŋ ta menyi be bibiche na n sa bumo so, kumo be kulubi maa gbiti menyi.’ ”