Jɛnesis 1:22 - EBƆRƐ BE KAWƆL

²² Ndoŋ nna nɛ Ebɔrɛ nɛfa asɔ na kikɛ nyam nseŋ kaŋɛ: “Men baa wɔtɔ a kurge nsaa to a bure bibi n salga to n sɔ nchuana to nɛ mbuibiana na malɛ gba e salga to n sɔ durnya to kikɛ verr.”

Jɛnesis 1:22 ပူးပေါင်းရင်းမြစ်များ

Jɛnesis 1:21

E ka kaŋɛ loŋ na nɛ e to nchu to be asɔ futeso gboŋgboŋiana be yiri yiri kikɛ nɛ kusɔ futeso be yiri kama nyam nɛ k wɔ nchu to nseŋ naŋ to mbuibi be yiri yiriana kikɛ verr. Loŋ ka wora na nɛ Ebɔrɛ wu fanɛ k walɛ.

Jɛnesis 1:23

Ndoŋ nna nɛ kanyɛ biri nɛ kare chɛ ŋ ki kachɛ lelemu nusopo na.

Jɛnesis 1:28

Ndoŋ nna nɛ Ebɔrɛ nɛfa bumo nseŋ kaŋɛ bumo le: “Men kurge n wora keshi n salga to n sɔ kasawule so kikɛ nsaa ji eleŋ kumo so. Men baa ji eleŋ ekɔrɔtɔ so nɛ mbuibi so nɛ asɔ gbeyeso kikɛ nyam so.”

Jɛnesis 30:27

Nɛ Leeban kaŋɛ mo: “Jande, nɛ ma asheŋ bɔlɔ fo kenishi bre, fo baa kraa wɔtɔ, ŋkpal manɛ so, n wu fanɛ fo so nɛ Enyɛnpe na bee nɛfa ma.

Jɛnesis 30:30

Asɔbɔya gbrɛbi nɛ fo daa kɔ pɔɛŋ nɛ m ba, ama naniere b salga n sɔ kakpa, nɛ Enyɛnpe na bɔla ma so n nɛfa fo ekpa kama so. To saŋɛ mo nɛ ma alɛ beeŋ wora kusɔ ko n sa ŋ gbagba be laŋ to ebi?”

Jɛnesis 35:11

Kede be kaman nɛ Ebɔrɛ naŋ kaŋɛ mo: “Ma e la Enyɛnpetale Ebɔrɛ na. Meeŋ shin nɛ fo mbia e ba kaa shi ŋ ki efuli damtaana be amuwuraana nɛ bumo be beko e ki bewura.

Jɛnesis 8:17

Shin nɛ asɔ futeso nɛ a wɔ kuloŋgboŋ na to kikɛ e lar. Shin nɛ mbuibiana na nɛ asɔbɔyaana na nɛ asɔ gbeyesoana na kikɛ nyam e lar, saŋɛ na so amo kikɛ beeŋ baa wɔ kasawule so a kurge n wora keshi n salga.”

Jɛnesis 9:1

Ndoŋ nna nɛ Ebɔrɛ nɛfa Nowa nɛ mbe mbia na nseŋ kaŋɛ bumo le: “Men kurge n wora keshi n sɔ kasawule so kikɛ.

Job be kawɔl 40:15

Keni churu le. Ma e to kumo nɛ fo kikɛ. Ama afitiri nawule nɛ k bee ji fanɛ kena.

Job be kawɔl 42:12

Ade kikɛ be kaman, nɛ Enyɛnpe Ebɔrɛ na naŋ nɛfa Job a chɔ kananɛ e daŋ nɛfa mo dra na. E daŋ naŋ sa mo mbolpɔ ŋgboŋ kuduana nɛ enyɔma ŋgboŋ ashe nɛ egbolu dɔso be benyɔ nyɔ be ntuŋ kagboŋ nɛ ekurma kagboŋ nna.

Nshɛ 107:31

A daga fanɛ men di Ebɔrɛ epaŋ, ŋkpal mbe kasha nɛ k maa loge nɛ emamachisheŋ nɛ e bee wora a sa edimɛdi kikɛ na so.

Nshɛ 107:38

Enyɛnpe Ebɔrɛ na beeŋ nɛfa menyi, nseŋ shin nɛ menyi be mbia e wora keshi; mo alɛ maaŋ shin nɛ menyi be ana e duga so.

Nshɛ 128:3

Mbe eche beeŋ baa du fanɛ kedibisɔrso nɛ k bee sɔr ga ashi mbe laŋ to. Mbe mbia malɛ beeŋ baa du fanɛ ɔlif be ndibi popɔrbi m bɔlɔ laŋ.

Aŋasa 10:22

Enyɛnpe Ebɔrɛ e naa ta esa e ki damawura. Kepere kenishi n shuŋ maaŋ tiŋ n shin nɛ fo dii dama.

Levitikɔs 26:9

Meeŋ nɛfa menyi nseŋ sa menyi mbia damta. Ma alɛ beeŋ bɛ kɔnɔkoŋwule be ŋkre nɛ ma nɛ menyi kre na so.