Jɛnesis 1:21 - EBƆRƐ BE KAWƆL

²¹ E ka kaŋɛ loŋ na nɛ e to nchu to be asɔ futeso gboŋgboŋiana be yiri yiri kikɛ nɛ kusɔ futeso be yiri kama nyam nɛ k wɔ nchu to nseŋ naŋ to mbuibi be yiri yiriana kikɛ verr. Loŋ ka wora na nɛ Ebɔrɛ wu fanɛ k walɛ.

Jɛnesis 1:21 ပူးပေါင်းရင်းမြစ်များ

Jɛnesis 1:18

a ji kapa nɛ kanyɛ kikɛ so eleŋ nsaa barga kefulto ashi tentembiri to. Loŋ ka wora na nɛ Ebɔrɛ wu fanɛ k walɛ.

Jɛnesis 1:20

Kede be kaman nɛ Ebɔrɛ naŋ kaŋɛ: “Shin nɛ asɔ futeso be yiri yiri e sɔ nchuana na to nseŋ shin nɛ mbuibiana malɛ e sɔ esoso a firgi.”

Jɛnesis 1:22

Ndoŋ nna nɛ Ebɔrɛ nɛfa asɔ na kikɛ nyam nseŋ kaŋɛ: “Men baa wɔtɔ a kurge nsaa to a bure bibi n salga to n sɔ nchuana to nɛ mbuibiana na malɛ gba e salga to n sɔ durnya to kikɛ verr.”

Jɛnesis 1:25

Ebɔrɛ ka to amo kikɛ na nɛ e wu fanɛ kusɔ kama walɛ.

Jɛnesis 1:31

Ebɔrɛ ka keni asɔ nɛ e wora na kikɛ nɛ e wu fanɛ amo kikɛ walɛ ga. Ndoŋ nna nɛ kanyɛ biri nɛ kare chɛ ŋ ki kachɛ lelemu shesopo na.

Jɛnesis 2:19

Kasawule be shishɛr nɛ Enyɛnpe Ebɔrɛ daŋ ta m pɔr asɔbɔya kikɛ nɛ mbuibi kikɛ nseŋ ta bumo kikɛ m ba sa enyɛn na ŋ keni atre nɛ e beeŋ sa bumo. Ketre kama malɛ nɛ enyɛn na daŋ sa asɔ futeso na be kekama, loŋ be ketre na e ki kumo be ketre.

Jɛnesis 6:20

Ta mbuibi be yiri yiri nɛ asɔbɔya be yiri yiri nɛ asɔ gbeyeso be yiri yiri benyɔnyɔ nɛ a ba kaa wɔ ŋkpa to ashi kuloŋ na to.

Jɛnesis 7:14

Bumo nɛ kupuŋ to be asɔbɔya be yiri kikɛ nɛ asɔ belaso be yiri kikɛ nɛ asɔ gbeyeso be yiri kikɛ nɛ mbuibi be yiri kikɛ nɛ kusɔ kama nɛ k kɔ atɛ kikɛ nyam e daŋ luri kuloŋgboŋ na to.

Jɛnesis 8:17

Shin nɛ asɔ futeso nɛ a wɔ kuloŋgboŋ na to kikɛ e lar. Shin nɛ mbuibiana na nɛ asɔbɔyaana na nɛ asɔ gbeyesoana na kikɛ nyam e lar, saŋɛ na so amo kikɛ beeŋ baa wɔ kasawule so a kurge n wora keshi n salga.”

Jɛnesis 8:19

Kumo be kaman nɛ asɔbɔya na kikɛ nɛ asɔ gbeyesoana na kikɛ nɛ mbuibiana na kikɛ nɛ asɔ kama nɛ a na kasawule so na kikɛ lar kuloŋgboŋ na to. Asɔ na be kekama malɛ nɛ kumo be yiri e daa la.

Jɛnesis 9:2

Asɔbɔyaana kikɛ nɛ mbuibiana kikɛ nɛ asɔ gbeyesoana kikɛ nɛ ekɔrɔtɔana kikɛ beeŋ baa ŋana menyi nsaa ta kufu a shile menyi kutɔ. Ma alɛ ta amo kikɛ m bɔɔ menyi enɔ.

Jɛnesis 9:7

Menyi ere e baa kurge n wora keshi n ti so n salga to n sɔ kasawule ere so kikɛ.”

Job be kawɔl 12:7

Menyi beeŋ tiŋ ŋ koya asɔ damta ashi mbuibi nɛ asɔbɔya kutɔ.

Job be kawɔl 26:5

Basa nɛ b wu be ayoyu wɔ bubuni to tekugboŋ be kaseto nna a chicha kenishipereso.

Job be kawɔl 7:12

M maŋ la teku ŋko kusɔ gbeyeso gboŋ nɛ k wɔ teku chiŋgeliŋ to nɛ fo ti ma n wɔtɔ a kuŋ ma.

Nshɛ 148:7

Kasawule so be asɔ keniso kikɛ, e baa kpaŋ Enyɛnpe Ebɔrɛ na. Teku to be asɔbɔya gboŋgboŋi kikɛ, nɛ kumo to be asɔ keniso kikɛ e baa kpaŋ mo.

Ɛksodɔs 1:7

Ama bumo be kaman to ebi, Israɛlebi na, daa kurge nna ga n wora keshi n sɔ kasawule na so kikɛ.

Ɛksodɔs 8:3

Nail be lɔr ere kikɛ beeŋ bɔlɔ epulo nɛ b lar m ba fo laŋ to m ba luri fo ebu deseto to n dii n sɔ fo gedo so. A beeŋ luri fo beyaasepoana nɛ fo basa kikɛ be elaŋana to. Epulo beeŋ ba kaa wɔ men be bodobodo be etɔkpaana nɛ men be asɔ nɛ menyee gbiti ebodobodo kikɛ to.

Ezikɛl 32:2

“Dimɛdi pibi, Ezikɛl, kaŋɛ Ijipt be ewura, Fɛɛro, kenishipere be kasokpele be kubɔya ere fanɛ n yɛ: ‘Fee wora fanɛ buluŋ nna ashi efuliana na to, ama fo alɛ baa la fanɛ lɔr to be laŋchaŋ nɛ fee bri nchu to nna a jija amo.

Jona 1:17

Ndoŋ nna nɛ Enyɛnpe Ebɔrɛ shin nɛ kɔrɔtɔgboŋ ko ba ta Jona m min, nɛ e ji nchɛ asa nɛ nnyɛ asa ashi kɔrɔtɔgboŋ na be epunto.

Jona 2:10

Ade be kaman nɛ Enyɛnpe Ebɔrɛ shin nɛ kɔrɔtɔ na ya gbu Jona n nase kedeŋi so ashi teku na be ekarso.

Matiu 12:40

Kananɛ Jona daŋ baŋ ji nchɛ asa nɛ nnyɛ asa kɔrɔtɔgboŋ na be epun to na, loŋ gbagba na nɛ ma, Nyiŋgbasa Pibinyɛn na beeŋ ji nchɛ asa nɛ nnyɛ asa kasawule to.