Jɛnesis 1:2 - EBƆRƐ BE KAWƆL

² Loŋ be saŋɛ na shɛŋ shɛŋ daa maŋ wɔ kasawule so, amoso k daa du nna le muntuluŋ. Kumo be jemanɛ na so nchu e daa la kaplɛkama nɛ tentembiri daŋ sɔ kakpa kikɛ le mina nɛ Ebɔrɛ be Kiyoyu daa lɛa a lɛa nchuana na so.

Jɛnesis 1:2 ပူးပေါင်းရင်းမြစ်များ

Job be kawɔl 26:14

Ade bre la Ebɔrɛ be eleŋgboŋ na be ashuŋ wurbi nna na. To, wanɛ e naŋ tiŋ m pin kananɛ Ebɔrɛ be keshi gbagba du?”

Job be kawɔl 26:7

Ebɔrɛ e parga awɔlpa nɛ k wɔ kelargato be esoso na to, nseŋ shin nɛ durnya shaso nɛ shɛŋ maŋ kɔ kumo to.

Job be kawɔl 38:9

Ma, Ebɔrɛ na, e daŋ ta awɔlpa m buu kumo so fanɛ ketaa, n shin nɛ tentembiri plɔ buu kumo so.

Job be kawɔl 41:32

Nɛ kumo be kubɔr e baa nyɛkpɛ a bɛ kumo so nɛ teku be nchu na e ka kupɔpɔ.

Nshɛ 104:30

Fo Kiyoyu so nɛ fo bɔla n to amo be ekama nsaa shin nɛ ŋkpa popɔr bee ba kasawule so.

Nshɛ 104:6

Fo alɛ e to eteku chiŋgeliŋana nɛ e bee bɔlɔ a dii abee so, nsaa buu durnya so fanɛ piŋi na.

Nshɛ 136:6

Enyɛnpe Ebɔrɛ na e to kasawule n deŋi nchuana so; mbe kasha nɛ k maa chɛrga na malɛ wɔtɔ nna mbaanaayɔ.

Nshɛ 148:7

Kasawule so be asɔ keniso kikɛ, e baa kpaŋ Enyɛnpe Ebɔrɛ na. Teku to be asɔbɔya gboŋgboŋi kikɛ, nɛ kumo to be asɔ keniso kikɛ e baa kpaŋ mo.

Nshɛ 33:6

Enyɛnpe Ebɔrɛ na be kamalga so nɛ e bɔla n to esoso. E malga nna nɛ epeŋi nɛ kufɔl nɛ achɛkpabi lar.

Aŋasa 8:24

B kurge ma nna pɔɛŋ nɛ etekuana kikɛ fara. Ŋ ka fara nɛ nchu be abuye maŋ wɔtɔ.

Aizaaya 31:5

Kananɛ kabuibi bee firgi a kulti kumo be kesha a kuŋ kumo be bibi na nɛ ma Enyɛnpetale Ebɔrɛ na beeŋ kɔ ŋ kuŋ Jerusalɛm.”

Aizaaya 45:18

Enyɛnpe na nawule e la Ebɔrɛ, mo e to ebɔrɛso nɛ durnya nɛ basa wɔ kumo to na. E maŋ to durnya nna nɛ k baa dese fuloŋ fanɛ kiyi.” Mo e kaŋɛ le na: “Ma e la Enyɛnpe Ebɔrɛ, Ebɔrɛ kikɛ maŋ naa wɔtɔ n ti ma so.

Jɛremaya 4:23

Ade be kaman nɛ ŋ to kenishi ŋ keni ŋ kulti, nseŋ wu fanɛ edimɛdi nɛ asɔbɔya kikɛ maŋ naa wɔtɔ. Nɛ n naŋ to kenishi ŋ keni awɔlpa so, nɛ kefulto kikɛ maŋ wɔ kumo so.

Nahum 2:10

Ninɛve bure nɛ kumo to be basa shile n lar kumo to; nɛ ki kade bureso a dese fuloŋ, nɛ shɛŋ maŋ naa wɔ kumo to! Nɛ kufugboŋ tɔr basa so nɛ baa chicha. Bumo be eleŋ kikɛ loge; nɛ bumo be anishiakpa ki foleebi.

2 Kɔrintebi 4:6

Ebɔrɛ mo nɛ e kaŋɛ fanɛ: “Men shin nɛ kefulto e shi tentembiri to n lar n nyaŋɛ,” koŋwule na e naa shin nɛ mbe kefulto bee nyaŋɛ anyi be ŋgbeneana to a bar anyi Ebɔrɛ be kemaŋkura be kanyiasheŋ be kefulto nɛ k bee nyaŋɛ Kristo be anishito na.

Ditɛronɔmi 32:11

Kananɛ kajɔnɔkoso bee ŋini kumo be bibi kefergi a parga kumo gbagba be aba to a suse bibi na to na, aloŋ nɛ Enyɛnpe Ebɔrɛ na daŋ suse Israɛlebi to nɛ b sa maŋ tɔr.