Jɛnesis 1:16 - EBƆRƐ BE KAWƆL

¹⁶ Kede be kaman nɛ Ebɔrɛ to asɔ fultoso anyɔ n shin nɛ kegboŋi na bee ji eleŋ kapaso nɛ kekakarbi na malɛ bee ji eleŋ kanyɛso. Loŋ be saŋɛ na nɛ e daŋ to achɛkpabi gba n ti so.

Jɛnesis 1:16 ပူးပေါင်းရင်းမြစ်များ

Jɛnesis 1:15

Shin nɛ a baa la afulbi nɛ a wɔ awɔlpa to a nyaŋɛ kefulto a yuu kasawule so.” Nɛ loŋ wora.

Job be kawɔl 31:26

Ma alɛ maŋ naŋ lar efuli ŋko ŋ ŋana n shuŋ epeŋi ŋko kufɔl kikɛ ashi ma kebaawɔtɔ to.

Job be kawɔl 38:7

Loŋ be kachɛ na be kachipurdidi, achɛkpabi daa boŋ nshɛ nna, nɛ ebɔrɛso be emalaika kikɛ daa ji eyur.

Nshɛ 148:3

Kufɔl nɛ epeŋi, e baa kpaŋ mo. Achɛkpabi nɛ e bee nyɛkpɛ gba e baa kpaŋ Enyɛnpe Ebɔrɛ na.

Nshɛ 148:5

Men shin nɛ le be asɔ ere kikɛ e baa kpaŋ Enyɛnpe Ebɔrɛ na be ketre. Ŋkpal manɛ so, mo e malga eleŋso n to amo kikɛ kuraa.

Nshɛ 19:6

K bee fara awɔlpa to be kaba ko so nna; n ta loŋ n ya fo kaba ko. Shɛŋ malɛ maaŋ tiŋ ŋ ŋana kumo be loŋ so.

Nshɛ 74:16

Fo e to kapa nɛ kanyɛ kikɛ, nseŋ taŋɛ epeŋi nɛ kufɔl; nɛ kekama kɔ kumo be eyilikpa.

Nshɛ 8:3

N baŋ keni awɔlpa nɛ fo to, nɛ kananɛ fo ta kufɔl nɛ achɛkpabi n yili amo be eyilikpa,

Aizaaya 13:10

Kefulto maaŋ naa wɔtɔ, ŋkpal manɛ so achɛkpabi nɛ a wɔ esoso na kikɛ beeŋ fulto ŋ gben nɛ epeŋi e pete nseŋ biri to nɛ kufɔl malɛ gba e fuli to ŋ gben.

Aizaaya 24:23

Kufɔl beeŋ biri to nɛ epeŋi e nyaŋɛ ŋ gben, ŋkpal manɛ so, Enyɛnpetale Ebɔrɛ na e la ewura. Zayɔn be kebee na so nɛ e beeŋ baa wɔ nsaa ji Jerusalɛm so kuwura nɛ basa na be benimuana e wu mbe kemaŋkura.

Aizaaya 40:26

Maŋ anishi so ŋ keni awɔlpa so! Wanɛ e to achɛkpabi nɛ fee wu ere? Mo ere Ebɔrɛ nɛ e bee juŋkpar amo fanɛ benapo be ejuŋkparpo na, e nyi kananɛ amo kikɛ sa nɛ amo be kekama be ketre! Enyɛnpe Ebɔrɛ na be yuku shi ga, nɛ achɛkpabi na be kekama maa foe mo so.

Aizaaya 45:7

Ma e to kefulto nɛ tentembiri kikɛ. Ma e naa nɛfa nseŋ naa bar kumu lubi gboŋgboŋi basa so. Ma, Enyɛnpe Ebɔrɛ na e naa wora ade kikɛ.

Jɛremaya 31:35

Enyɛnpe Ebɔrɛ na e naa shin nɛ epeŋi bee fuli to kapaso, nɛ kufɔl nɛ achɛkpabi malɛ bee fuli to kanyɛso. Mo e naa baga teku to nɛ k bee ku atili nsaa wora awɔr na. Mo ketre e la Enyɛnpetale Ebɔrɛ na.

Habakuk 3:11

Jemanɛ nɛ fo atanyembi nɛ akpaana bee kpa edɛ a firgi a choŋ na, nɛ epeŋi nɛ kufɔl malɛ daa yil diim awɔlto.

Matiu 24:29

Etɔrɔ ere be jemanɛ baŋ ba choŋ, k maaŋ chɛr ko nɛ epeŋi e biri to nɛ kufɔl e fuli to ŋ gben. Achɛkpabi beeŋ shi awɔlpa so n tɔr nɛ ebɔrɛso be eleŋana kikɛ e wea abar to.

Matiu 27:45

Ta a ba kapaso, kerfi kuduanyɔ nɛ tentembiri ba buu efuli na kikɛ so m biri to loŋ hale n ya fo kaaseso kerfi asa.

1 Kɔrintebi 15:41

Kananɛ epeŋi bee fuli to kɔr kananɛ kufɔl nɛ achɛkpabiana bee fuli to to. Achɛkpabiana malɛ gba to amo be kefulto kɔr abar to.

Ditɛronɔmi 4:19

Men sa maŋ kaŋ shin nɛ kechɔŋkeni e ba menyi so nɛ men gbir m bunyaŋ epeŋi ŋko kufɔl ŋko achɛkpabi kikɛ. Enyɛnpe, menyi be Ebɔrɛ na nyi fanɛ efuli pɔtɛana so be basa bre beeŋ baa sha amo be kebunyaŋ.

Kelaraŋŋini 21:23

Epeŋi be kenyaŋɛ ŋko kufɔl be kefulto ndoŋ be asheŋ daa maŋ tir kadegboŋ na to ebi kikɛ, ŋkpal manɛ so, Ebɔrɛ be kemaŋkura e daa nyaŋɛ a yuu kade na so nɛ Kpakpafɔlbi na malɛ la kumo be fitila.