Jɛnesis 1:14 - EBƆRƐ BE KAWƆL

¹⁴ Kachɛ sasopo na be kaman nɛ Ebɔrɛ naŋ kaŋɛ: “Shin nɛ kefulto e lar awɔlpa to m barga kapa ashi kanyɛ to nseŋ shin nɛ a baa ŋini jemanɛ nɛ saŋɛ nɛ nchɛ nɛ nfɛ bee fara.

Jɛnesis 1:14 ပူးပေါင်းရင်းမြစ်များ

Jɛnesis 1:13

Ndoŋ nna nɛ kanyɛ biri nɛ kare chɛ ŋ ki kachɛ lelemu sasopo na.

Jɛnesis 1:15

Shin nɛ a baa la afulbi nɛ a wɔ awɔlpa to a nyaŋɛ kefulto a yuu kasawule so.” Nɛ loŋ wora.

Jɛnesis 8:22

Yili jemanɛ ere n ya fo saŋɛ nɛ durnya beeŋ koso na kasɔdu nɛ kasɔteŋi be saŋɛ beeŋ baa wɔtɔ nɛ awo nɛ kebleŋ be saŋɛ e baa wɔtɔ nɛ ketarso nɛ kechaliso e baa wɔtɔ nɛ kapa nɛ kanyɛ e baa wɔtɔ.”

Jɛnesis 9:13

Mee ta ma kabɔrɛnyaŋgelambi nna a wɔtɔ awɔlpa to nɛ k baa la ma nɛ durnya kikɛ be kɔnɔkoŋwule be ŋkre na be kanyiŋi.

Job be kawɔl 25:3

Wanɛ e naŋ tiŋ ŋ karga emalaika nɛ bekama nɛ baa shuŋ mo ebɔrɛso na? Ebɔrɛ be kefulto bee nyaŋɛ kaplɛkama nna.

Job be kawɔl 25:5

Kufɔl nɛ achɛkpabi gba maa fulto parr Ebɔrɛ bre be anishito.

Job be kawɔl 3:9

Shin nɛ kachɛ na be kachipurso be kechɛkpabi e biri to, nsaa maŋ naŋ shin nɛ k baa tama karechɛ kikɛ.

Nshɛ 119:91

Asɔ kikɛ bee shuŋ fo nna fanɛ fo nyɛrbi; fo mbraana kraa shuŋ hale kabre gba.

Nshɛ 148:3

Kufɔl nɛ epeŋi, e baa kpaŋ mo. Achɛkpabi nɛ e bee nyɛkpɛ gba e baa kpaŋ Enyɛnpe Ebɔrɛ na.

Nshɛ 148:6

Mo koŋwule na e malga eleŋso nɛ amo be kekama ere nya kumo be eyilikpa a yil mbaanaayɔ na. Mbe atande maa chɛrga kikɛ.

Nshɛ 150:1

Men baa kpaŋ Enyɛnpe Ebɔrɛ na! Men baa kpaŋ Ebɔrɛ ashi mbe bɔrɛlambu to! Men baa kpaŋ mo ebɔrɛso ashi mbe kakpa lempo na!

Nshɛ 81:3

Men foŋ mbel n fara kufɔl popɔr be kejigboŋ be kasheŋwora na kufɔl kikɛ be kachɛ sososo nɛ kumo be kachɛ baŋɛto na.

Aizaaya 40:26

Maŋ anishi so ŋ keni awɔlpa so! Wanɛ e to achɛkpabi nɛ fee wu ere? Mo ere Ebɔrɛ nɛ e bee juŋkpar amo fanɛ benapo be ejuŋkparpo na, e nyi kananɛ amo kikɛ sa nɛ amo be kekama be ketre! Enyɛnpe Ebɔrɛ na be yuku shi ga, nɛ achɛkpabi na be kekama maa foe mo so.

Jɛremaya 10:2

E yɛ: “Men sa maa kute efuli pɔtɛana na be basa to a wora asheŋ. Menyi alɛ e sa maŋ shin nɛ asheŋ nɛ e bee wora awɔlpa so a ta kufu a da efuli pɔtɛana na be basa na, e baa ta kufu a da menyi alɛ gba.

Jɛremaya 31:35

Enyɛnpe Ebɔrɛ na e naa shin nɛ epeŋi bee fuli to kapaso, nɛ kufɔl nɛ achɛkpabi malɛ bee fuli to kanyɛso. Mo e naa baga teku to nɛ k bee ku atili nsaa wora awɔr na. Mo ketre e la Enyɛnpetale Ebɔrɛ na.

Jɛremaya 33:20

“N yili kapa nɛ kanyɛ jemanɛ nɛ a daga fanɛ a baa ba nna. Kusɔ nɛ n yili n sa amo na malɛ maaŋ tiŋ n chɛrga kikɛ.

Jɛremaya 33:25

Ma e yili mbra n sa kapa nɛ kanyɛ nseŋ yili mbra n sa esoso nɛ kasawule.

Ezikɛl 46:1

Ndoŋ nna nɛ Enyɛnpetale Ebɔrɛ na kaŋɛ le: “A daga fanɛ bɔrɛlambu na be epunto be kelɔnɛ na be kabuna nɛ k wɔ epeŋilarkpa be kaba so na ka ti so nna a yil nchɛnshe nɛ menyee shuŋ na kikɛ, ama men bugi kumo n yili Kewushiachɛ na nɛ Kufɔl popɔr be kachɛ juŋkparso na bre.

Ezikɛl 46:6

Kufɔl popɔr be kachɛgboŋachɛ na bre, ewura na beeŋ lara gbolu fɔlbi nɛ mbolpɔ fɔlbi ashe nɛ kpakpa nɛ e maŋ kɔ doro kikɛ nna.

Jowɛl 2:10

B baa ba, kasawule bee gbuŋgbuŋ nna nɛ awɔlpa bee wora fanɛ a ka bee chicha na, nɛ epeŋi nɛ kufɔl kikɛ malɛ e biri to tuum nɛ achɛkpabi e fuli to ŋ gben.

Jowɛl 3:15

Loŋ be kachɛ na, epeŋi nɛ kufɔl beeŋ nyɔ m biri to ŋ ki le tuum, nɛ achɛkpabi e fuli to ŋ gben.

Eemɔs 5:8

Enyɛnpe Ebɔrɛ e to achɛkpabi, Mo e to achɛkpabi be yiri yiri nɛ baa tre Pleeds nɛ Ɔriɔn na kikɛ. Mo e naa shin nɛ kanyɛ bee kilgi kapa, nɛ kapa malɛ bee kilgi kanyɛ. Mo e shin nɛ teku be nchuana bee ki bɔrɛ a ba kasawule so. Mbe ketre e la Enyɛnpe Ebɔrɛ na.

Eemɔs 8:9

Loŋ be kachɛ na, ma Enyɛnpetale beeŋ shin nɛ epeŋi a tɔr kapaso nɛ kanyɛ e biri kapiidi. Ma Enyɛnpetale na e malga na.

Matiu 2:2

“Nnɛ nɛ kebia nɛ b kurge nɛ e la Juwebi be ewura na wɔ? Mbe kechɛkpabi e lar epeŋilarkpa be kasawule so nɛ an wu kumo nseŋ ba nɛ an ba bunyaŋ mo.”

Matiu 24:29

Etɔrɔ ere be jemanɛ baŋ ba choŋ, k maaŋ chɛr ko nɛ epeŋi e biri to nɛ kufɔl e fuli to ŋ gben. Achɛkpabi beeŋ shi awɔlpa so n tɔr nɛ ebɔrɛso be eleŋana kikɛ e wea abar to.

Maak 13:24

Jemanɛ na so, etɔrɔ ere be kaman epeŋi beeŋ biri to nɛ kufɔl e fuli to ŋ gben.

Luuk 23:45

Ŋkpal manɛ so, epeŋi daa maŋ naa nyaŋɛ nɛ bɔrɛlambu na to be patisa na yili kumo be esoso n chaŋɛ to m ba kaseto.

Ditɛronɔmi 4:19

Men sa maŋ kaŋ shin nɛ kechɔŋkeni e ba menyi so nɛ men gbir m bunyaŋ epeŋi ŋko kufɔl ŋko achɛkpabi kikɛ. Enyɛnpe, menyi be Ebɔrɛ na nyi fanɛ efuli pɔtɛana so be basa bre beeŋ baa sha amo be kebunyaŋ.

Kelaraŋŋini 6:12

Ndoŋ nna nɛ n naŋ keni n wu Kpakpafɔlbi na ka naŋ bu tɔɔnɛ be kebersobi shesopo na to nɛ kasawule be kebembeŋgboŋ ko gbuŋgbuŋ kasawule ga nɛ epeŋi kilgi m biri to a du fanɛ fusa lembir na nɛ kufɔl malɛ pere to le kpaiŋ fanɛ ŋklaŋ na.

Kelaraŋŋini 8:12

Ade be kaman nɛ malaika nasopo na malɛ foŋ mbe kabel nɛ kusɔ ko ŋmɛa epeŋi be mba asa be kaba koŋwuleso nɛ kufɔl be mba asa be kaba koŋwuleso nɛ achɛkpabi be ntuŋ nsa be katuŋ koŋwuleso, saŋɛ na so, kefulto be ntuŋ nsa be katuŋ koŋwuleso ki m biri to nɛ karechɛ be ntuŋ nsa be katuŋ koŋwuleso nɛ kanyɛso be ntuŋ nsa be katuŋ koŋwuleso kikɛ paŋ kefulto.

Kelaraŋŋini 9:2

Kechɛkpabi na ka bugi kemaŋ nɛ k maŋ kɔ ekar na nɛ edishi lar fanɛ a ka shi edɛgboŋ ko to na. Nɛ epeŋi nɛ awɔlpa kikɛ biri to ŋkpal edishi mo nɛ a shi kemaŋ na to so.