Jɛnesis 1:12 - EBƆRƐ BE KAWƆL

¹² Ndoŋ nna nɛ asɔduuso be yiri yiri fanɛ ayu be yiri to nɛ asɔrso be yiri to kikɛ kɔr nɛ kekama sɔr kumo be yiri to be asɔrso be bibi. Nɛ Ebɔrɛ wu fanɛ a walɛ.

Jɛnesis 1:12 ပူးပေါင်းရင်းမြစ်များ

Jɛnesis 1:11

Kumo be kaman nɛ Ebɔrɛ naŋ kaŋɛ le: “Shin nɛ asɔduuso be yiri yiri to fanɛ ayu be yiri to nɛ ndibi sɔrso be yiri to kikɛ e fara a kɔr kasawule so nseŋ sɔr amo be yiri to be asɔrso.” Nɛ loŋ wora.

Jɛnesis 1:13

Ndoŋ nna nɛ kanyɛ biri nɛ kare chɛ ŋ ki kachɛ lelemu sasopo na.

Nshɛ 104:14

Fo alɛ e naa shin nɛ afitiri bee kɔr nɛ kowu be asɔbɔya bee nya a ji, nɛ dimɛdi malɛ bee duu asɔ kasawule so a nya ajibi a ji,

Aizaaya 61:11

Kananɛ esa bee duu kusɔ nɛ k kɔr n daŋ nɛnɛ na, nɛ Enyɛnpetale Ebɔrɛ na gba beeŋ mɔlga mbe basa nseŋ shin nɛ b baa wɔ kebaawɔtɔ niŋiso to; saŋɛ na so efuliana na be basa kikɛ beeŋ baa kpaŋ mo.

Maak 4:28

Kasawule na e naa shin nɛ asɔ na bee kɔr a wora. Sososo kedibi popɔrbi na e naa lar nɛ k ba daŋ n wora bibi.

Luuk 6:44

Kedibi kama be asɔrso nɛ baa ta a pin kumo. Mannɛ ewidibi so nɛ baa chuge apɔl, bumo alɛ maa chuge elemu ashi gbaŋgbanturbidibi so.

2 Kɔrintebi 9:10

Ebɔrɛ nɛ e bee sa bedɔpo asɔ duuso nɛ baa duu nseŋ naa sa menyi kusɔ jiso koŋwule na e naaŋ sa menyi asɔ duuso kikɛ n shin nɛ a wora keshi n ti so nseŋ shin nɛ men nya kasɔteŋi damta ashi men be kelela to.

Galeeshaebi 6:7

Men sa maŋ kaŋ fule men be amu. Esa maaŋ tiŋ n wora Ebɔrɛ eyurto. Kusɔ kama nɛ esa baŋ duu, kumo gbagba nɛ e beeŋ ba teŋi kacha ko.

Hibruwebi 6:7

Ŋkpal manɛ so, kasawule kama nɛ k bee nu bɔrɛchu nɛ a bee kaa tɔr kumo so nsaa sɔr asɔrso nɛ a daga a sa basa nɛ b duu asɔ kumo so na bee nya Ebɔrɛ be nɛfa nna.