Jɛnesis 1:11 - EBƆRƐ BE KAWƆL

¹¹ Kumo be kaman nɛ Ebɔrɛ naŋ kaŋɛ le: “Shin nɛ asɔduuso be yiri yiri to fanɛ ayu be yiri to nɛ ndibi sɔrso be yiri to kikɛ e fara a kɔr kasawule so nseŋ sɔr amo be yiri to be asɔrso.” Nɛ loŋ wora.

Jɛnesis 1:11 ပူးပေါင်းရင်းမြစ်များ

Jɛnesis 1:12

Ndoŋ nna nɛ asɔduuso be yiri yiri fanɛ ayu be yiri to nɛ asɔrso be yiri to kikɛ kɔr nɛ kekama sɔr kumo be yiri to be asɔrso be bibi. Nɛ Ebɔrɛ wu fanɛ a walɛ.

Jɛnesis 1:29

Kede be kaman nɛ Ebɔrɛ naŋ kaŋɛ bumo le: “Men nu nfe. N ta asɔduuso fanɛ ayu be yiri yiri to nɛ ndibi sɔrso kama nɛ amo be asɔrso kɔ bibi a wɔ kasawule ere kikɛ so n sa menyi nɛ a baa la asɔ jiso n sa menyi.

Jɛnesis 2:16

Enyɛnpe Ebɔrɛ ka ta mo n wɔtɔ ndoŋ nna nɛ e fiɛ mo so ŋ kaŋɛ mo le: “N sa fo ekpa fanɛ fo baa ji kakpa ere be kedibi kama be asɔrso,

Jɛnesis 2:5

kedibi kama nɛ keduuso jiso kama daa maŋ naŋ kɔr kasawule so. Enyɛnpe Ebɔrɛ malɛ daa maŋ naŋ shin nɛ bɔrɛ ba kasawule so. Dimɛdi kikɛ malɛ daa maŋ wɔtɔ a dɔ kasawule so.

Jɛnesis 2:9

Enyɛnpe Ebɔrɛ daŋ shin nna nɛ ndibi lela be yiri yiri kɔr n daŋ ashi ndoŋ. Ndibi na nɛ amo be asɔrso malɛ daa walɛ keji nna. Ama ndibi anyɔ ko malɛ daa yil kudɔbi na be nferinto. Loŋ be ndibi na be kuko be asɔrso daa sa ŋkpa nna nɛ kuko malɛ peya daa sa kanyiasheŋ nɛ k bee shin nɛ esa bee pin kelela nɛ kulubi.

Job be kawɔl 28:5

Adɔsawule be kaseto chilili nɛ baa ta edɛ a bure afalta

Nshɛ 1:3

Loŋ be basa du fanɛ boŋkarase be ndibi nɛ a bee sɔr asɔrso saŋɛ nɛ k daga na nna. Amo be afantaŋ maa gbaŋgbaŋ kikɛ. Kusɔ kama nɛ baa wora bee nite nɛnɛ nna a sa bumo.

Nshɛ 147:8

Mo e naa shin nɛ abɔrɛwɔlpa bee salga to a buu kaplɛkama so; nɛ bɔrɛ bee ba kasawule so a shin nɛ afitiri bee kɔr abee so.

Aizaaya 61:11

Kananɛ esa bee duu kusɔ nɛ k kɔr n daŋ nɛnɛ na, nɛ Enyɛnpetale Ebɔrɛ na gba beeŋ mɔlga mbe basa nseŋ shin nɛ b baa wɔ kebaawɔtɔ niŋiso to; saŋɛ na so efuliana na be basa kikɛ beeŋ baa kpaŋ mo.

Jɛremaya 17:8

Amodoŋwura beeŋ baa du fanɛ kedibi nɛ k yili m mata kabombi nna nsaa teŋi kumo be nliŋi a yɔ nchu na to nna. Kakpa baŋ bel edɛ gba k maa ŋana kufu, ŋkpal k ka kɔ afantaŋ bumbuŋ jemanɛ kikɛ so. Bɔrɛ maŋ ba gba k maa fɔŋ shɛŋ so, kumo ere bee sɔr kumo be asɔrso nna.

Matiu 3:10

Men du fanɛ ndibi sɔrso nna. Kedibi kama nɛ k maa sɔr asɔrso lela, kekpanfu tea wɔtɔ epul na to nɛ b ta ŋ ku kumo be kaseto n lɛ nseŋ ta kumo n wɔtɔ edɛ to.

Matiu 6:30

O, menyi be yirda du fimbi pasaa. Nɛ Ebɔrɛ bee keni afitiri nɛ feeŋ wu kabre, ŋklade n fin amo ndoŋ ŋ gben ŋkpal b ka chɔɔ amo so ere so a sa amo amo be kela, nɛ menyi ere ka bɔ amo ere nɛ e maaŋ sa asɔbuuso a?

Maak 4:28

Kasawule na e naa shin nɛ asɔ na bee kɔr a wora. Sososo kedibi popɔrbi na e naa lar nɛ k ba daŋ n wora bibi.

1 Kɔrintebi 15:38

Ebɔrɛ malɛ e naa sa keduuso na kedibi mo nɛ e bee sha, keduuso kama malɛ nɛ kumo be yiri to be kedibi.

Hibruwebi 6:7

Ŋkpal manɛ so, kasawule kama nɛ k bee nu bɔrɛchu nɛ a bee kaa tɔr kumo so nsaa sɔr asɔrso nɛ a daga a sa basa nɛ b duu asɔ kumo so na bee nya Ebɔrɛ be nɛfa nna.

Jeems 3:12

Ŋ kurgepoana, menyi alɛ gba baa nyi mangodibi ka maaŋ tiŋ n sɔr apɔl nseŋ naa nyi kapibidibi ka maaŋ tiŋ n sɔr emaŋgo ŋko? Loŋ koŋwule na nɛ esa maaŋ tiŋ n nya nchu belbelso ashi nchu kerkra to.