Jɛnesis 1:10 - EBƆRƐ BE KAWƆL

¹⁰ Loŋ ka wora na nɛ Ebɔrɛ nase kaboŋ wɔlso nɛ k di efuli na kasawule nseŋ nase nchuana nɛ a ba abar so na eteku. E ka wora loŋ na nɛ e wu fanɛ k walɛ.

Jɛnesis 1:10 ပူးပေါင်းရင်းမြစ်များ

Jɛnesis 1:4

Nɛ Ebɔrɛ wu fanɛ kefulto na walɛ, nɛ e barga kefulto na be saŋɛ ashi tentembiri be saŋɛ to.

Nshɛ 104:31

An Nyɛnpe Ebɔrɛ, anyee kule nna fanɛ fo kemaŋkura e baa wɔtɔ mbaanaayɔ; saŋɛ na so, fo kagbene beeŋ baa fuli kusɔ kama nɛ fo wora so.

Nshɛ 146:6

Ebɔrɛ e to esoso nɛ kasawule; mo e to teku nɛ kumo to be asɔ kikɛ nyam. Jemanɛ kikɛ e bee wora a bɔlɔ mbe nnɔ naseso so nna.

Nshɛ 33:7

Mo e gbargbar teku be nchu kikɛ n wɔtɔ kakpa koŋwule. Mo koŋwule na e koli nchu na n wɔtɔ kakpa chiŋgeliŋ to fanɛ ebu na.

Nshɛ 95:5

Teku la mo peya nna, ŋkpal manɛ so, mo e to kumo. Mo gbagba be enɔana nɛ e ta n tɔl kasawule.

Jona 1:9

Ndoŋ nna nɛ Jona kaŋɛ le: “N la Hibruw be esa nna. Enyɛnpe Ebɔrɛ nɛ e wɔ ebɔrɛso nseŋ to teku nɛ kasawule kikɛ na nɛ mee shuŋ.”

Ditɛronɔmi 32:4

Enyɛnpe Ebɔrɛ na e la menyi be ekumpo lempo, nɛ mbe kusɔ kama niŋi nseŋ bɔla ekpa. Men be Ebɔrɛ na la eshenteŋjipo nɛ esa beeŋ tiŋ n yirda nna; mo e naa wora kusɔ nɛ k daga nsaa maa kpɛa to na.