Jeems 5:9 - EBƆRƐ BE KAWƆL

⁹ Ŋ kurgepoana, men sa maa bile asheŋ a sa abar nɛ Ebɔrɛ e kaŋɛ fanɛ men wora kulubi. Men keni, a ka gbrɛbi nɛ an kikɛ be Demujipo na e tu anyi.

Jeems 5:9 ပူးပေါင်းရင်းမြစ်များ

Jɛnesis 4:7

Fo maŋ nyi fanɛ fo daŋ wora nɛnɛ nna asheŋ daŋ beeŋ nyalɛ n sa fo a? Ama ŋkpal fo ka maŋ wora nɛnɛ so, kulubi du fanɛ buluŋ nna a tɛ fo nɛ k jija fo, amoso wora ania m pɔɔ kumo so.”

Nshɛ 59:15

Baa nite nna a gbu a yɛla kenishi to a fin ajibi, ama b baŋ moɛ nna pɔɛŋ nseŋ yɔ.

Ezikɛl 7:12

Saŋɛ na bee ba. Kachɛ na taga to. Amoso esa nɛ e bee tɔ asɔ e sa maŋ shin nɛ mbe kagbene e baa fuli mo, esa nɛ e bee fa malɛ gba be kagbene e sa maa jija mo, ŋkpal manɛ so ma agbo bee ba ekama so nna.

Levitikɔs 19:18

Sa maŋ kaŋ wora n tal esa kikɛ to ŋkpal kulubi so ŋko n nya yurkishi fo kagbene to n sa esa, ama baa sha fo barkasa fanɛ fo kumu. Ma e la Enyɛnpe Ebɔrɛ na.

Matiu 24:33

To, loŋ koŋwule na nna fanɛ men baŋ ya wu asheŋ ere kikɛ ka ya kaa wora, men baa nyi fanɛ ma kenamba na be jemanɛ na taga to a sha kefo.

Maak 13:29

To, loŋ koŋwule na nna fanɛ men baŋ ya wu asheŋ ere kikɛ ka ya kaa wora, men baa nyi fanɛ ma kenamba na be jemanɛ na taga to a sha kefo.

Maak 6:19

Amoso, Hɛrodias daŋ kurge mo yurkishi nna a fin mo nɛ e mɔ, ama e daa maŋ tiŋ ŋkpal Hɛrɔd ka daa ŋana Jɔn na so.

1 Kɔrintebi 10:11

Asheŋ ere kikɛ daŋ wora bumo nna nɛ an pin kusɔ nɛ k wɔtɔ. B sibɛ amo n nase malɛ nna nɛ a baa fiɛ anyi so, ŋkpal manɛ so, jemanɛ mo nɛ an wɔtɔ ere bee fo durnya be ekar nna na.

1 Kɔrintebi 4:5

Amoso, a maŋ daga fanɛ men baa wu abar kulubi a ji abar demu pɔɛŋ nɛ demuji be kachɛ e fo. Kumo e la saŋɛ nɛ Enyɛnpe beeŋ naŋ bɛta m ba na. Mo e naaŋ shin nɛ kusɔ kikɛ nɛ k daŋ ŋana tentembiri to e lar efuli nseŋ lara nfɛra fɛso nɛ a ŋana a wɔ basa be ŋgbene to kikɛ efuli. Kumo be saŋɛ na malɛ nɛ ekama beeŋ nya mbe kechɔrɔ ashi Ebɔrɛ kutɔ.

2 Kɔrintebi 9:7

Kanaŋkama nɛ ekama fɛ mbe kagbene to fanɛ e beeŋ sa, e sa nsaa maa shin nɛ k naa besa mo ŋko a wora fanɛ b kaa bee tintiŋ mo na, ŋkpal manɛ so, esa nɛ e bee sa kagbenefuliso nɛ Ebɔrɛ bee sha.

Galeeshaebi 5:14

Ŋkpal manɛ so, mbraana na kikɛ wɔ mbra nɛ k bee kaŋɛ le: “Sha fo barkasa dimɛdi fanɛ fo kumu” na to nna.

Galeeshaebi 5:26

Men sa maŋ shin nɛ an baa kɔ kamoowu ŋko a ta abar a wɔtɔ agbo to ŋko a besa abar eyur.

Jeems 4:11

Ŋ kurgepoana, men sa maa ji abar be asheŋ a wu abar kulubi. Ekama nɛ e ji mo barkasa be asheŋ n wu mo kulubi e bee ji mbra na be asheŋ a wu kumo kulubi nna na. Fo kama malɛ nɛ fo wu mbra na kulubi, kumo ere fo maŋ naa nu a sa mbra na nna na, ama fo ki esa nɛ e bee ji kumo demu.

Jeems 4:12

Ebɔrɛ nawule e la esa nɛ e bee nase mbra na, mo alɛ nawule e la kumo be Demujipo. Mo nawule e naaŋ tiŋ m mɔ nseŋ naaŋ tiŋ n sa ŋkpa. Nɛ fo alɛ nyiŋgbasa e la wanɛ nɛ fo tiŋ n ji fo barkasa demu?

Jeems 5:10

Ŋ kurgepoana an ta fanɛ anebiana nɛ b daŋ bɔla Ebɔrɛ be ketre so m malga asheŋ na ŋ keni kananɛ b daŋ ji kanyiti. B daŋ luri tɔrɔ to, ama b daŋ ji kanyiti ga. Menyi alɛ gba e bɛ bumo be aya so n wora loŋ.

Jeems 5:7

Ŋ kurgepoana, ŋkpal le so, men baa ji kanyiti a jo saŋɛ nɛ an Nyɛnpe beeŋ naŋ bɛta m ba na. An ta fanɛ edɔpo ŋ keni kananɛ e bee kaa ji kanyiti. E bee kaa jo nna le nɛ bɔrɛ e ba nɛ mbe asɔ e kɔr n daŋ n wora nɛ e teŋi amo be alela na.

1 Pita 4:5

Ama esa ko wɔtɔ n wora shiriya nɛ e ji basa nɛ b kraa wɔ ŋkpa to nɛ bumo nɛ b wu na kikɛ demu. Baaŋ yili mbe anishito ŋ kaŋɛ ŋ kaŋɛ bumo be asheŋ woraso kikɛ nɛ kusɔ nɛ k ba nɛ b wora amo.

1 Pita 4:9

Men baa sɔ abar men peana nsaa maa muni to.

Kelaraŋŋini 3:20

Men nu nfe, n yil kabuna to nna a ŋmɛa, ekama nɛ e nu ma ebɔl nseŋ bugi kabuna n sa ma, meeŋ luri mo kutɔ n tu mo n ji nɛ mo alɛ gba e tu ma n ji.