Jeems 5:5 - EBƆRƐ BE KAWƆL

⁵ Asɔ lela nɛ ebel be keji to nɛ men baa wɔ durnya ere to. Men daŋ nna a du fanɛ ana nɛ b bela nɛ a daŋ nɛ b kɔ a yɔ nɛ b ya mɔ na nna.

Jeems 5:5 ပူးပေါင်းရင်းမြစ်များ

Nshɛ 17:14

Enyɛnpe Ebɔrɛ ta fo enɔ lempo na m mɔlga ma ashi loŋ be basa be enɔ to. Basa nɛ durnya ere be kebaawɔtɔ nawule la bumo be tɔnɔ. Fo e naa sa basa nɛ fee sha ajibi; bumo be mbia beeŋ nya n ji kanaŋkama so, nɛ bumo nanabiana gba e nya n ji kanaŋkama so.

Nshɛ 73:7

Asheŋ lubi nawule e naa shi bumo be ŋgbene to a lar, nɛ ŋkre lubi malɛ bɔlɔ bumo be nfɛra to.

Aŋasa 17:1

Ŋ kaa bee ji nchu nɛ nfɔl nawule nsaa kɔ kagbenewushi bɔ ŋ kaa bee ji ebel nsaa wɔ kagbenejija to saŋkama.

Aŋasa 7:14

“Kabre nɛ m mɔ asɔbɔya n lara sarga; eblaŋ wɔ ma laŋ to.

Kaŋinichiŋgeliŋ 11:9

Kebifɔlbi, baa ji fo kumu kagbenefuliso, ŋkpal fo kebifɔlbi so. Baa wora fo kagbene be aparsheŋ kanaŋkama nɛ fee sha. Ama baa nyiŋi fanɛ Ebɔrɛ beeŋ yili kusɔ kama nɛ fo wora so n ji fo demu.

Aizaaya 22:13

Ama men daa maŋ nu n sa Enyɛnpe Ebɔrɛ na nsaa ji eyur. Men daŋ mɔ mbolpɔ nɛ ana nna a ji nsaa nuu yabra. Ade kikɛ be kaman nɛ men kaŋɛ le: “Men shin nɛ an ji nseŋ nuu kabre! Ŋkpal manɛ so echefo nɛ an wu n choŋ.”

Aizaaya 3:16

Kede be kaman, nɛ Enyɛnpe Ebɔrɛ na naŋ kaŋɛ le: “Keni kananɛ Jerusalɛm to be beche bee wu bumo be amu loŋ! Baa nite boeŋ boeŋ nna a keni a fin fanɛ benyɛn e baa wu bumo nsaa yɛlga bumo jemanɛ kikɛ. Baa nite nna nɛ bumo be anampase bee gbri.

Aizaaya 47:8

Menyi alɛ daa naa fɛ fanɛ men shi ga nna a kɔ eleŋgboŋ fanɛ Ebɔrɛ, a wɔtɔ a ji menyi be amu jemanɛ kikɛ, a fɛ fanɛ esa kikɛ maŋ naa du fanɛ menyi. Menyi alɛ daa naa fɛ nna fanɛ menyi maaŋ tiŋ ŋ ki fanɛ ekulpoche ŋko esa nɛ e paŋ mbe mbia.

Aizaaya 56:12

Kusɔ nɛ basa nɛ baa boo nsa bee kaŋɛ e la fanɛ men shin nɛ an ya nuu nsa m boo kananɛ anyee sha. Echefo peya e baa chɔ kabre peya!”

Jɛremaya 12:3

Ama, Enyɛnpe Ebɔrɛ, fo nyi ma nɛnɛ. Fee wu kusɔ nɛ mee wora nsaa nyi kananɛ mee sha fo. Amoso Enyɛnpe Ebɔrɛ, gberge n doŋana n ya mɔ fanɛ mbolpɔ.

Jɛremaya 25:34

Enyɛnpe Ebɔrɛ na be basa du fanɛ mbe mbolpɔ nna nɛ menyi bejuŋkparpoana na malɛ du fanɛ mbolpɔkpapoana. Ama naniere saŋɛ fo nɛ b mɔ menyi fanɛ ekpakpa, amoso men baa shu awɔrso nsaa dese shishɛr to a melti. Ŋkpal manɛ so, baaŋ kpla menyi to fanɛ kapuya ka bure to a dese na.

Ezikɛl 16:49

Sodɔm nɛ kumo be ndekarso to be basa daa wu bumo be amu nna ŋkpal b kaa kɔ ajibi damta a ji nseŋ naa wɔ kayurwushi to so. B daa maa keni betirpo nɛ basa nɛ asheŋ maa nyalɛ a sa na so.

Ezikɛl 39:17

Ndoŋ nna nɛ Enyɛnpetale Ebɔrɛ na naŋ kaŋɛ ma le: “Dimɛdi pibi, tre mbuibi nɛ kupuŋ to be asɔbɔya kikɛ nɛ b shi kaplɛkama m ba ji sarga nɛ mee wora a sa bumo na. K beeŋ baa la kejigboŋ nna ashi Israɛl be abee so, nɛ b we eblaŋ nseŋ nuu ŋklaŋ ndoŋ.

Eemɔs 6:1

Asheŋ maaŋ nyalɛ n sa menyi nɛ shɛŋ shɛŋ maŋ tir menyi ashi Jerusalɛm, nɛ menyee fɛ fanɛ men nya kekuŋ ashi Samɛria be kade to ere. Asheŋ maaŋ nyalɛ n sa menyi Israɛl be efuli lempo be bunyaŋwuraana, nɛ basa bee kaa ba menyi kutɔ m ba kaa fin kechɛto na!

Luuk 16:19

Kamalga ere be kaman nɛ e naŋ bɔ keŋasa ere ŋ kaŋɛ: “Damawura ko e daa wɔtɔ a buu yawu kpakpaso be asɔbuuso lela peper mɔlmɔlbi ko a wɔtɔ a ji ajibi belbelso damta kachɛ kama.

Luuk 16:25

Nɛ Eebraham kaŋɛ mo le: ‘M pibi baa nyiŋi saŋɛ nɛ fo daa wɔ ŋkpa to a ji fo ebel na nsaa nyiŋi kananɛ Lazɔrɔs malɛ daŋ ji awurfoŋ na. Ama naniere e luri ebel to nɛ fo alɛ luri ebesa to.

Romebi 13:13

Men shin nɛ an baa bii kebaawɔtɔ lela nɛ k daga basa nɛ b wɔ kapaso be kefulto be kebaawɔtɔ na to. An sa maŋ naa wɔ kasanuu be nshɛr jijigaana to nɛ kusɔjigaya ŋko amɔmɔshiasheŋ be kebaawɔtɔ to nɛ nlu ŋko kayurbesa be kebaawɔtɔ to.

1 Timoti 5:6

Ama ekulpoche nɛ e ta mbe nfɛra n wɔtɔ ebel be keji to wu nna nsaa wɔ basa to na.

2 Timoti 3:4

Baaŋ ba kaa la bedebɔrpoana nɛ basa brembreŋ nseŋ ta kamoowu m bɔlɔ bumo to nsaa sha durnya ere to be ebel a chɔ Ebɔrɛ.

2 Pita 2:13

Tɔrɔ mo nɛ baa bar ere, Ebɔrɛ beeŋ ta tɔrɔ ŋ ka bumo. Kusɔ nɛ k la ebel bumo kutɔ e la kewora kusɔ kama nɛ bumo be eyurana bee sha kapaso parr. Bumo be asheŋ la anishinyɔr nɛ ŋaba nna nɛ baa tu menyi a ji a wɔtɔ a nu bumo be kafulesheŋ be ebel na.

Juud 1:12

Nɛ le be basa ere baŋ tu menyi n chena kakpa nɛ asɔriebi bee shɛr a ji a ŋini abar kasha, k du fanɛ asɔ lubi ka do kusɔ fuful so nna. Baa paŋ anishinyɔr nna a tase a ji a nuu a keni bumo nawule be amu so. B du fanɛ bɔrɛ ka mɔl nna nɛ afu ta awɔlpa na n choŋ nɛ bɔrɛ na gboŋi na nna. K maŋ kɔ tɔnɔ kikɛ kuraa. B naa du fanɛ ndibi sɔrso mo nɛ a maŋ kɔ asɔrso amo be kesɔr be saŋɛ na nna, amoso, b du fanɛ ndibi mo nɛ a wu nɛ b tia amo nna nɛ k ki fanɛ a wu nna na kuraa.

Kelaraŋŋini 18:7

Men sa mo tɔrɔ nɛ kagbenejija ga nɛ a fo fanɛ kananɛ e daŋ sa mbe kumu kemaŋkura nɛ dama na, ŋkpal manɛ so, le nɛ e wɔtɔ a kaŋɛ mbe kumu: ‘Ewurche e la ma nɛ n tase. M maŋ la ekulpoche, kagbenejija maaŋ tu ma kikɛ.’

1 Samuɛl 25:36

Abigɛl ka bɛta n yɔ nɛ mo kul Nabaal wɔ laŋ to a wora kejigboŋ fanɛ ewura ka wora kejigboŋ na. E daŋ boo nna le chil; ŋkpal loŋ so, Abigɛl daa maŋ kaŋɛ mo shɛŋ hale nɛ kare ya chɛ kachipurso.

1 Samuɛl 25:6

Le be kubɔya nɛ e daŋ ta n shuŋi bumo Nabaal kutɔ. E yɛ: “Fo teri Deevid e naa chɔrɔ fo na, nsaa bishi fo nɛ fo kanaŋ nɛ kusɔ kama nɛ fo kɔ be alenfia be asheŋ.