Jeems 5:4 - EBƆRƐ BE KAWƆL

⁴ Basa nɛ men shin nɛ b dɔ menyi, men kini keka bumo nɛ baa shu a ŋini basa kikɛ, bumo nɛ men ber paa nɛ b teŋi men be asɔ na gba be eyur nyaŋ bumo nɛ baa shu, bumo be kushu na malɛ luri Ebɔrɛ be asoe to.

Jeems 5:4 ပူးပေါင်းရင်းမြစ်များ

Jɛnesis 4:10

Nɛ Enyɛnpe Ebɔrɛ naŋ bishi Keen le: “Manɛ be kushuŋ nɛ fo shuŋ le ere? Keni, n wu kananɛ fo mɔ fo sipo nɛ mbe ŋklaŋ nɛ a wurge kasawule du fanɛ dimɛdi a shu a ŋini ma fanɛ m bishi kuwule n sa mo.

Job be kawɔl 34:28

Betirpo nɛ b daŋ shu ŋ ŋini Ebɔrɛ nɛ mo alɛ nu bumo be kushu nseŋ chɛ bumo to.

Job be kawɔl 7:2

An du fanɛ anya nɛ baa fin kiyoyul nɛ b chena to n wushi nna; An la beshumpo nɛ anyee jo anyi be kakɔka kenishipereso nna.

Nshɛ 9:12

Mo e maŋ teŋ kegberge alubiworapo kusoe so, mo alɛ maa kplaŋ kenu bumo nɛ b wɔ awurfoŋ to be kushu so.

Ɛksodɔs 22:27

ŋkpal manɛ so, kumo nawule e la mbe kusɔbuuso nɛ e bee buu a dese. Nɛ fo maŋ bɛta kumo n sa mo, manɛ nɛ e beeŋ buu n dese? Mannɛ aloŋ, nɛ kumodoŋwura baŋ shu n tre ma, meeŋ nu mbe kushu, ŋkpal ŋ ka la ewɔrwupo so.

Ɛksodɔs 3:9

N nu ma basa Israɛlebi be kushu kashenteŋto, ma alɛ nseŋ naŋ wu kananɛ Ijiptebi bee tɔrɔ bumo.

Aizaaya 1:9

Nɛ Enyɛnpetale Ebɔrɛ na daŋ maŋ shin nɛ basa na be beko ji efute, ndafanɛ Jerusalɛm gba mur cheche fanɛ kananɛ nde nɛ baa tre Sodɔm nɛ Gomɔra mur na.

Aizaaya 5:7

Israɛl e la Enyɛnpetale Ebɔrɛ na be ndibi sɔrso be kudɔ na; Juda be efuli so be basa malɛ e la afeelebi nɛ e daŋ duu na. E daa sha fanɛ b wora kusɔ nɛ k walɛ nna, ama b daŋ mɔ basa nna. Mo alɛ daa sha fanɛ b baa wora kusɔ nɛ k daga nna, ama bumo be basa daa shu a fin esa nɛ e beeŋ wu bumo kuwɔr nna.

Aizaaya 5:9

N daŋ nu Enyɛnpetale Ebɔrɛ na ka kaŋɛ le: “Nwu gboŋgboŋi lela ere kikɛ beeŋ ki alambure nɛ esa kikɛ maaŋ naa wɔ amo to.

Jɛremaya 22:13

Nɛ Enyɛnpe Ebɔrɛ na kaŋɛ ma fanɛ ŋ kaŋɛ Juda be ewura popɔr, Jehowakim le: “Asheŋ maaŋ nyalɛ n sa fo, ŋkpal manɛ so, fo bɔla ekpa lubi so nna m pɔr fo ewurkpa nseŋ pɔr ebu gboŋgboŋiana kumo be awɔlto na. Kumo be kaman nɛ fo wɔtɔ etokurogboŋ nseŋ buu kumo so n ta ndibi nɛ baa tre sida na n tato, nseŋ naŋ ta asɔ nyɔɔso peper n nyɔɔ kowu na. Ama fo alɛ daŋ maŋ wora nɛnɛ. Fo daŋ tintiŋ bepɔrpo na nna nɛ b shuŋ nɛ fo kini keka bumo.

Levitikɔs 19:13

Sa maŋ kaŋ ji fo barkasa durmu ŋko n suge mo. Sa maŋ kaŋ mɔn esa nɛ fo ber paa mbe kakɔka, sa maŋ shin nɛ kare a chɛ kumo so gba.

Habakuk 2:11

Menyi be nwu be egbalana be ebirkesi nɛ eyɔri gba bee shu a gbiti menyi nna.

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

Matiu 9:37

Amoso le nɛ e daŋ kaŋɛ mbe bebɛsopo na: “Kasɔteŋi na shi, ama beteŋipoana nɛ baaŋ chala loŋ be asɔ na maŋ shi.

Luuk 18:7

To, nɛ a ji nuso nɛ Ebɔrɛ bre maaŋ keni mbe basa laraso nɛ b wɔtɔ a shu kapa nɛ kanyɛ a tre mo na be asheŋ to n sa bumo? E beeŋ kini kenu manaŋ n sa bumo a?

Romebi 9:29

Kumo alɛ baa du fanɛ kananɛ Aizaaya daŋ chɛr ŋ kaŋɛ le nna: “Nɛ Enyɛnpetale daa maŋ yige kaman to ebi ko nna n sa anyi, anyi daa beeŋ ki fanɛ kananɛ Sodɔm nɛ Gomɔra be nde daŋ ki na.”

Ditɛronɔmi 15:9

Men sa maa kini kepaŋ basa asɔ ŋkpal kafɛ nɛ baa yige basa be akɔ a kɛ bumo na ka taga to so. Men sa maŋ shin nɛ le be nfɛra lubi ere e ba menyi to gba kuraa. Nɛ menyi baŋ kini kesa betirpo na m paŋ, baaŋ shu ŋ ŋini Enyɛnpe Ebɔrɛ na nɛ kumo be kulubi e baa bɛ menyi.

Kɔlɔsiebi 4:1

Benyɛnpeana, men baa kɔ men be anya to kpakpa a keni bumo so nɛnɛ nsaa nyi fanɛ menyi alɛ gba kɔ Enyɛnpe ebɔrɛso.