Jeems 5:19 - EBƆRƐ BE KAWƆL

¹⁹ Ŋ kurgepoana nɛ menyi to be ekama baŋ foe kashenteŋ be kebɛso be ekpa na so nɛ eko chɛ amodoŋwura to n naŋ ŋini mo ekpa na

Jeems 5:19 ပူးပေါင်းရင်းမြစ်များ

Nshɛ 119:118

Fee lar bekama nɛ baa kini kebaawora fo mbraana kasonu na kaman nna; bumo alɛ be kafulesheŋ la asheŋ fuloŋ nna.

Nshɛ 119:21

Fo e naa gberge kamoowuwuraana nɛ b maŋ la shɛŋ nseŋ kini kewora fo mbraana kasonu na kusoe.

Aŋasa 19:27

Fo baŋ yige kebaa koya, feeŋ teŋ kusɔ nɛ fo nyi gba so.

Aizaaya 3:12

Mbifɔlbi nɛ beche e naa ji kuwura ma basa so nsaa kɔrfɛ bumo ga. Ma basa, menyi be bejuŋkparpoana maa juŋkpar menyi nɛnɛ, amoso menyi maŋ nyi ekpa nɛ menyeeŋ bɔla so n wora asheŋ.

Ezikɛl 34:16

Ma alɛ beeŋ fin bumo be bumo nɛ foe na nseŋ bɛta bumo nɛ yeŋ na m ba. Kumo be kaman nɛ ŋ kre bumo nɛ b doro na be achuu nseŋ chɛ bumo nɛ baa lɔ na. Ama bekama nɛ b ji n daŋ nsaa kɔ eleŋ na bre, meeŋ mur bumo, ŋkpal manɛ so, n la mbolpɔkpapo nɛ e bee wora kusɔ nɛ k daga nna.

Ezikɛl 34:4

Menyee maa keni bumo be bumo nɛ b maŋ kɔ eleŋ na so, ŋko a chɛ bumo nɛ baa lɔ na ŋko a wɔtɔ bumo nɛ b doro na be achuu to adur a kre amo ŋko a kuŋ bumo nɛ baa lar a yɔ mboŋ ko na a ba ŋko a fin bumo nɛ foe na. Men du nyaŋnyaŋ nna a tɔrɔ bumo.

Matiu 18:15

Nɛ fo kurgepo baŋ wora kulubi n da fo so, yɔ mo kutɔ n ya kaŋɛ mo mbe kulubi na fo nɛ mo nawule. Nɛ e baŋ nu n sa fo, kumo ere fo naŋ nya fo kurgepo m mata fo kumu nna na.

Luuk 22:32

ama ŋ kule Ebɔrɛ n sa fo fanɛ fo yirda e tiŋ a kɔ fo to kpakpa a yil. Nɛ fo alɛ ka baŋ lar loŋ be kebaawɔtɔ na to, fo leŋ fo kurgepoana na to.”

Galeeshaebi 6:1

Ŋ kurgepoana, nɛ men be ekama baŋ tɔr kulubi to, menyi nɛ Kiyoyu Cheeŋ na bee juŋkpar na e bar men be amu kaseto n chɛ mo to nɛ e lar alubi na to. Ama nɛ menyee wora loŋ, men baa de men be amu so nɛ menyi alɛ gbagba e sa maŋ luri kechɔŋkeni to n tɔr.

1 Timoti 6:10

Ŋkpal manɛ so, amansherbi be kasha ga to nɛ kulubi be yiri kikɛ bee shi. Ŋkpal amansherbi be kasha ga so basa ko foe yirda be ekpa na so n luri kagbenejija damta to.

1 Timoti 6:21

Ŋkpal manɛ so, basa ko ka kaŋɛ fanɛ b kɔ le be kashennyi na maŋ naa wɔ yirda na to. Ebɔrɛ e sa menyi kikɛ mbe kuwɔr be kakɛ na.

2 Timoti 2:18

B foe kashenteŋ be ekpa na so ŋkpal b ka wɔtɔ a ŋini fanɛ basa be ketiŋi luwu to be jemanɛ na choŋ na so so. Baa wul basa ko to ashi bumo be yirda na to nna na.

Hibruwebi 5:2

Ŋkpal asheŋ ka bee gben mo alɛ gba ashi ekpa damtaana to so e nyi kananɛ e beeŋ ta kanyiti a keni bumo nɛ b maŋ nyi nɛ basa mo nɛ baa foe na so.

Jeems 1:16

Ŋ kurgepo shasoana, men sa maŋ fule men be amu.

Jeems 1:19

Ŋ kurgepo shasoana, men ta kesheŋ ere n wɔtɔ ŋgbene to a nyi fanɛ ekama e baa nya manaŋ a nu asheŋ, ama e sa maa nya manaŋ a malga asheŋ ŋko a nya agbo manaŋ manaŋ,

Jeems 3:14

Ama fo kama nɛ fo la kumukpakpasowura nsaa kɔ yurkishi a fɛ fo nawule be asheŋ so, kumo ere fo sa maa ji njɔŋ a ku efɛ a kaŋɛ fanɛ fo kɔ kanyiasheŋ.

Jeems 5:20

esa nɛ e chɛ mo to na e baa nyi fanɛ esa kama nɛ e chɛ alubiworapo to nɛ e lar mbe alubi na to mɔlga amodoŋwura be kiyoyu ashi luwu to nseŋ shin nɛ Ebɔrɛ kpra alubi damta n lɛ.

2 Pita 3:17

Ama n teri lelaana, menyi ere tea nyi asheŋ ere kikɛ, amoso, men baa da so nɛ mbrakinipoana be alubi e sa maŋ shin nɛ men foe ekpa n lar kakpa lela nɛ men yil ere so n tɔr.

Juud 1:11

Cha, asheŋ maaŋ nyalɛ n sa bumo kikɛ, ŋkpal manɛ so, ekpa nɛ Keen daŋ ta na nɛ b bɛ so na. Ŋkpal amansherbi so b luri alubi to fanɛ kananɛ Balaam daŋ wora na. B daŋ ji kenimu kikɛ emɔrɔ fanɛ kananɛ Koora daŋ wora na, amoso, bumo alɛ gba beeŋ mur fanɛ mo.