Jeems 5:17 - EBƆRƐ BE KAWƆL

¹⁷ An ta fanɛ Elaija. E daa la nyiŋgbasa nna fanɛ anyi nseŋ daŋ ta kenishipere ŋ kule Ebɔrɛ fanɛ bɔrɛ e sa maŋ ba nɛ bɔrɛ maŋ ba kasawule na so nfɛ asa nɛ bargato.

Jeems 5:17 ပူးပေါင်းရင်းမြစ်များ

1 Bewura 17:1

Anebi Elaija nɛ e shi Tishbe nɛ k wɔ Giliad be kasawule so na daŋ yɔ ewura Ahab kutɔ kachako nna n ya kaŋɛ mo le: “Enyɛnpe nɛ e la Israɛl be Ebɔrɛ nsaa wɔ ŋkpa to saŋkikɛ nɛ mee shuŋ na be ketre to nɛ mee kaŋɛ na fanɛ bɔrɛ ŋko bunyaŋ maaŋ tɔr n ya fo nfɛnyɔ ŋko nfɛ asa ama ma e baŋ kaŋɛ k ba pɔɛŋ nɛ k ba.”

1 Bewura 18:1

Saŋɛ so nɛ ewule tɔr na be kafɛ sasopo to, nɛ Enyɛnpe Ebɔrɛ kaŋɛ anebi Elaija le: “Ta fo kumu n ya ŋini ewura Ahab pɔɛŋ nɛ n shin nɛ bɔrɛ e ba.”

Luuk 4:25

Men nu nfe, kashenteŋ nna fanɛ anebi Elaija be jemanɛ na bekulpoche damta e daa wɔ Israɛl be efuli so saŋɛ nɛ bɔrɛ daa maŋ ba nfɛ asa nɛ bargato nɛ akoŋ daŋ tɔr efuli ere so kikɛ na.

Ashuŋ Shunso 10:26

Nɛ Pita kaŋɛ mo: “Niŋi to n yili, ŋkpal manɛ so, ma alɛ gba la nyiŋgbasa nna.”

Ashuŋ Shunso 14:15

“Manɛ e ba nɛ menyee wora loŋ? Anyi alɛ gba la enyiŋgbasa nna fanɛ menyi. An ba nfe nna nɛ an ba kaŋɛ menyi baru lela na be asheŋ n shin nɛ men lar le be asheŋ jiga ere to m ba Ebɔrɛ nɛ e wɔ ŋkpa to nsaa la esa nɛ e to ebɔrɛso nɛ kasawule nɛ teku nɛ asɔ nɛ a wɔ amo to na kikɛ kutɔ.

Romebi 11:2

Ebɔrɛ maŋ kini mbe basa nɛ e lara dra dra na kikɛ kuraa. Men nyi kusɔ nɛ abɔrɛsibɛ na bee kaŋɛ ashi kakpa nɛ a bee malga anebi Elaija be asheŋ fanɛ kananɛ e ta kenishipere ŋ kule Ebɔrɛ ŋ gbiti Israɛlebi na ŋko? E yɛ:

Kelaraŋŋini 11:6

Basa anyɔ ere beeŋ baa kɔ eleŋ nɛ b tiŋ n shin nɛ bɔrɛ e sa maŋ shi awɔlpa so m ba, saŋɛ nɛ baaŋ baa wu abɔrɛsheŋ a kaŋɛ na kikɛ. Bumo alɛ nseŋ naa kɔ eleŋ nɛ b tiŋ n shin nɛ nchuana e ki ŋklaŋ nseŋ naŋ tiŋ n ta tɔrɔ be yiri kama saŋɛ damta kama nɛ baa sha n lɛ kasawule so.