Jeems 4:9 - EBƆRƐ BE KAWƆL

⁹ Men shin nɛ men be ŋgbene e baa jija menyi nɛ men baa boŋ to a shu ŋkpal men be alubi na so. Men shin nɛ men be emushe nɛ men be ŋgbenefuli e ki kushu nɛ kenawule be ŋgbenejija.

Jeems 4:9 ပူးပေါင်းရင်းမြစ်များ

Nehemaya 8:9

Basa na ka nu kusɔ nɛ mbra na bee kaŋɛ na nɛ k luri bumo to ga nɛ b fara a shu. Amoso Nehemaya nɛ e daa la gomena na nɛ bɔrɛmatapo Ɛzra nɛ e la mbra na be eŋinipo na nɛ Livaiebi nɛ baa kute mbra na be afito a sa basa na kaŋɛ: “Kabre la kachɛ cheembi nna n sa Enyɛnpe menyi be Ebɔrɛ na. Amoso k maŋ daga fanɛ men baa shu a wora kuwɔr be asheŋ.”

Job be kawɔl 30:31

Mboŋ nɛ n daa nu kagbenefuli be nshɛ na, kushu nɛ kagbenejija be awɔr nɛ mee nu ndoŋ.

Nshɛ 119:136

Mee kaa shu anishichubi nna, ŋkpal basa ka maa wora fo mbraana kasonu so.

Nshɛ 119:67

N daŋ wora n da so nna nɛ fo gberge ma kusoe, ama naniere bre n wora fo kamalga kasonu nna na.

Nshɛ 119:71

Kasogberge nɛ n daŋ nya na daŋ chɛ ma to; k daŋ chɛ ma to nɛ ŋ koya fo mbraana.

Aŋasa 14:13

Esa beeŋ tiŋ m mushe nɛ mbe kagbene maŋ fuli mo n loge. Kagbenefuli malɛ baŋ loge, kagbenejija e naa bɛ so.

Kaŋinichiŋgeliŋ 2:2

N lege to n wu fanɛ emushe la kawulisheŋ nna, nɛ ebel be keji malɛ maa sa shɛŋ.

Jɛremaya 31:13

Saŋɛ na so mbifɔlbi nɛ basa kpar kikɛ cha abar n ji eyur nseŋ cha kagbenefuliso Ŋkpal manɛ so, meeŋ lolo bumo nseŋ shin nɛ bumo be kushu e ki emushe nɛ bumo be kagbenejija e ki kagbenefuli.

Jɛremaya 31:9

Ma basa beeŋ ta kushu kabɔrɛkule nna a ba, saŋɛ nɛ n juŋkpar bumo m bɛta a ba epe na. Meeŋ juŋkpar bumo m bɔla ekpa nɛ k walɛ nɛ b maaŋ fiti kumo so n yɔ mbombi be nchu ase. Ŋkpal manɛ so, ma e la Israɛl mo tuto nɛ Efrayim malɛ la m pibinyɛn wurkoŋ.”

Nfabel 5:15

Kagbenefuli maŋ naa wɔ anyi to kikɛ; anyi be epelana ki fanɛ nli nna nɛ anyee shu.

Ezikɛl 16:63

Meeŋ ta fo alubi m paŋ fo, ama feeŋ baa nyiŋi amo nɛ nyɔmɔ e pɛ fo nɛ fo maaŋ naŋ tiŋ m bugi kɔnɔ. Ma, Enyɛnpetale Ebɔrɛ e kaŋɛ na.”

Ezikɛl 7:16

Bekama nɛ baaŋ ji efute na malɛ beeŋ shile n yɔ abee so fanɛ kufu ka pɛ elepɔ nɛ a firgi n shi ketaŋɛ to n yɔ kebee so na. Ndoŋ nɛ baaŋ ya shu ŋkpal bumo be alubi so.

Matiu 21:41

Nɛ b yɛ: “E beeŋ shin nɛ basa lubi na e wu luwu lubi nseŋ naŋ ta kudɔ na m ber basa pɔtɛ paa, bumo nɛ baaŋ chuge asɔrso na amo be jemanɛ na nsaa ta kudɔ na wura peya a sa mo.”

Matiu 5:4

Kagbenefuli la bekama nɛ baa shu nli na peya nna, ŋkpal manɛ so, baaŋ ba nya kagbenewushi.

Luuk 16:25

Nɛ Eebraham kaŋɛ mo le: ‘M pibi baa nyiŋi saŋɛ nɛ fo daa wɔ ŋkpa to a ji fo ebel na nsaa nyiŋi kananɛ Lazɔrɔs malɛ daŋ ji awurfoŋ na. Ama naniere e luri ebel to nɛ fo alɛ luri ebesa to.

Luuk 6:21

Kagbenefuli la menyi nɛ akoŋ kɔ naniere peya nna, ŋkpal manɛ so, menyeeŋ ba moɛ. Kagbenefuli la menyi nɛ menyee shu naniere peya nna, ŋkpal manɛ so, menyeeŋ ba mushe.

Luuk 6:25

Menyi nɛ menyee moɛ naniere, asheŋ maaŋ ba nyalɛ n sa menyi, ŋkpal manɛ so, akoŋ e naaŋ ba kaa mɔ menyi. Asheŋ maaŋ ba nyalɛ n sa menyi nɛ menyee mushe naniere, ŋkpal manɛ so, men be ŋgbene beeŋ ba jija menyi ga nɛ men shu anishichubi.