Jeems 4:10 - EBƆRƐ BE KAWƆL

¹⁰ Men baa yɔɔ men be amu Ebɔrɛ be anishito nɛ e maŋ menyi so.

Jeems 4:10 ပူးပေါင်းရင်းမြစ်များ

2 Kronikɛls 7:14

nɛ ma basa bar bumo be amu kaseto ŋ chɛrga bumo be nfɛra a laŋɛ alubi nɛ baa wora na be kaplɛa so nseŋ kule ma bre, meeŋ yili esoso n nu bumo be kekule nseŋ ta bumo be alubi m paŋ bumo nseŋ naŋ nɛfa bumo be kasawule n shin nɛ k baa wora adɔjibi nɛnɛ.

Job be kawɔl 22:29

Nɛ beko tɔr kebaawɔtɔ to gba, nɛ fo kule Ebɔrɛ n sa bumo e beeŋ nu fo kekule nseŋ maŋ bumo so.

Job be kawɔl 5:11

Ebɔrɛ e naa maŋ bebɔlpo so, nsaa sa basa nɛ baa shu nli kagbenewushi.

Nshɛ 113:7

Ebɔrɛ e naa lara betirpo nɛ betentaŋasepo ashi ketir nɛ ketentaŋase to

Nshɛ 147:6

Enyɛnpe Ebɔrɛ na e naa chɛ bebɔlpo to, nsaa bar kumukpakpasowuraana kaseto.

Nshɛ 27:6

Ndoŋ nna nɛ ŋ kɔ m pɔɔ n doŋana so nseŋ lara sarga ashi mbe bɔrɛlambu to; nseŋ cha awɔr kagbenefuliso m boŋ nshɛ m fur Enyɛnpe Ebɔrɛ na.

Nshɛ 28:9

Enyɛnpe Ebɔrɛ, mɔlga fo basa; nɛfa fo basa laraso. Baa keni bumo so fanɛ kananɛ mbolpɔkpapo bee keni mbe mbɔlpo so na mbanaayɔ na.

Nshɛ 30:1

Enyɛnpe Ebɔrɛ, meeŋ fur fo; ŋkpal fo ka mɔlga ma nsaa maŋ shin nɛ ma doŋana ji eyur ŋkpal b ka pɔɔ ma so so.

Ɛksodɔs 10:3

Ndoŋ nna nɛ Mosis nɛ Ɛɛrɔn naŋ yɔ Fɛɛro kutɔ n ya kaŋɛ mo fanɛ Enyɛnpe Ebɔrɛ, Israɛlebi be Ebɔrɛ na yɛ: “Shin nɛ ma basa e yɔ, saŋɛ na so, baaŋ ya bunyaŋ ma.

Aŋasa 29:23

Kamoowu bee bar esa kaseto nna, ama kamoobarase bee sa esa kemaŋkura nna.

Ezikɛl 21:26

Ma, Enyɛnpe Ebɔrɛ na e naa kaŋɛ fo na fanɛ fo shɛŋi fo kumu so be neemu na nseŋ lara kuwurwuro na. Ŋkpal manɛ so, asheŋ maaŋ naa du kananɛ a daa du na. Esa nɛ e daa maŋ kɔ eyilikpa beeŋ nya eyilikpa nɛ emo nɛ e daa kɔ eyilikpa e paŋ mbe eyilikpa.

Matiu 23:12

Ŋkpal manɛ so, ekama nɛ e bee maŋ mbe kumu so, Ebɔrɛ beeŋ bar mo kaseto, nɛ ekama nɛ e bee bar mbe kumu kaseto, Ebɔrɛ beeŋ maŋ mo so.”

Luuk 1:52

E gbelge bewurgboŋ ashi bumo be nwurputi so m ba kaseto nseŋ maŋ bebɔlpo so.

Luuk 14:11

Ekama nɛ e bee maŋ mbe kumu so, baaŋ bar mo kaseto nɛ ekama nɛ e bee bar mbe kumu kaseto, baaŋ maŋ mo so.”

Luuk 18:14

Nɛ Yesu naŋ kaŋɛ: “Ma e kaŋɛ menyi na fanɛ Ebɔrɛ shin nɛ lamposɔpo na ki elelapo mbe anishito n yɔ epe. Ama Farisinyɛn na bre maŋ nya loŋ, ŋkpal manɛ so, esa kama nɛ e bee maŋ mbe kumu so, baaŋ bar mo kaseto, ama ekama nɛ e bee bar mbe kumu kaseto, baaŋ maŋ mo so.”

1 Pita 5:6

Amoso, men baa bar men be amu kaseto a wɔtɔ Ebɔrɛ be enɔgboŋana to nɛ e maŋ menyi so mo gbagba be saŋɛ.

1 Samuɛl 2:7

Fo Enyɛnpe Ebɔrɛ e to ketir nɛ kedamaya. Fo e naa ta basa ko a ki bebɔlpo ŋ kaa ta beko malɛ a ki basa gboŋ.

1 Samuɛl 2:9

Fo e naa kuŋ fo basa nɛ baa bɛ fo so kashenteŋto na, ama belubiworapoana bre, tentembiri to nɛ baaŋ wu n dese. Anyi gbagba be eleŋ maaŋ tiŋ n shin nɛ an kɔ m pɔɔ so.