Jeems 3:9 - EBƆRƐ BE KAWƆL

⁹ Anyi be adonduloŋ na nɛ anyee kaa ta a di an Nyɛnpe Etuto na epaŋ nseŋ naa ta amo a tege an braana nɛ Ebɔrɛ pɔr nɛ b du fanɛ mo gbagba na.

Jeems 3:9 ပူးပေါင်းရင်းမြစ်များ

Jɛnesis 5:1

Adam be kanaŋ to ebi be atre nɛ b sibɛ n nase nde. Ebɔrɛ ka to dimɛdi na e daŋ to mo nna nɛ e du fanɛ mo Ebɔrɛ gbagba.

Jɛnesis 9:6

Esa kama nɛ e mɔ dimɛdi, baaŋ mɔ amodoŋwura gba n tal to, ŋkpal manɛ so, Ebɔrɛ pɔr dimɛdi nna fanɛ mbe kaduli.

2 Samuɛl 16:5

Ewura Deevid ka bee fo kade nɛ baa tre Bahurim na nɛ Sɔɔl mo kurgepo ko nɛ baa tre Shimei nɛ e la Gɛra pibinyɛn na bee shɛr mo to nsaa tege mo a sho mo kɔnɔ.

2 Samuɛl 19:21

Ndoŋ nna nɛ Zeruwa pibinyɛn Abishai kaŋɛ le: “A daga b ka mɔ Shemei ŋkpal e ka sho Enyɛnpe Ebɔrɛ be ewura lara so na kɔnɔ so.”

1 Kronikɛls 29:10

Ewura Deevid daŋ yili basa na kikɛ be anishito nna n di Enyɛnpe Ebɔrɛ epaŋ ŋ kaŋɛ le: “Enyɛnpe Ebɔrɛ nɛ fo la an nana Jeekɔb be Ebɔrɛ na, kapandi e baa la fo peya mbaanaayɔ!

1 Kronikɛls 29:20

Kede be kaman nɛ ewura Deevid kaŋɛ basa na kikɛ le: “Men di Enyɛnpe men nananyɛnana be Ebɔrɛ na epaŋ.” Ndoŋ nna nɛ basa na kikɛ di Ebɔrɛ epaŋ nseŋ jɔŋɛ ŋ kurgi bumo be amu n yuu to m bunyaŋ Enyɛnpe Ebɔrɛ nɛ ewura Deevid kikɛ.

Nshɛ 10:7

Bumo be mmalga kikɛ la shoduu nɛ kafule nɛ kafunti nna, nɛ bumo be bare kikɛ malɛ yil asheŋ lubi nɛ alubi be kewora so.

Nshɛ 108:1

O Ebɔrɛ, ma kagbene kikɛ nɛ ŋ kɔ a ji kashenteŋ a sa fo. Meeŋ boŋ nshɛ nseŋ ta ma kagbene kikɛ ŋ kpaŋ fo.

Nshɛ 145:1

Meeŋ maŋ fo so nseŋ kpaŋ fo, ma Ebɔrɛ nɛ ma Ewura; Ma alɛ beeŋ maŋkura fo ketre saŋkama.

Nshɛ 145:21

Jemanɛ kikɛ ma ere beeŋ kpaŋ Enyɛnpe Ebɔrɛ na; ekama e sa mbe ketre cheembi na bunyaŋ mbaanaayɔ.

Nshɛ 16:9

Amoso ma kagbene fuli ma nna, nɛ mee ji eyur ŋkpal ŋ ka nya kekuŋ so.

Nshɛ 30:12

Amoso m maaŋ lo ma kɔnɔ. Enyɛnpe Ebɔrɛ, meeŋ fur fo, a di fo ketre epaŋ mbaanaayɔ.

Nshɛ 34:1

Meeŋ baa fur Enyɛnpe na saŋkama. M maaŋ yige mbe kechɔrɔ kikɛ.

Nshɛ 35:28

Nɛ m malga kananɛ fee wora asheŋ niŋiso be asheŋ, nseŋ fur fo kachɛ lelemu.

Nshɛ 51:14

Mɔlga ma ashi kamɔ be kulubi to. Ŋkpal manɛ so, fo nawule e naŋ tiŋ m mɔlga ma. Saŋɛ na so meeŋ boŋ kashɛ awɔrso ŋ kaŋɛ fo kumɔlga be eleŋ na be asheŋ.

Nshɛ 57:8

Edi maŋ wɔ ma anishi to, meeŋ laŋ ma jaŋjilaŋ hale nɛ kare e ya chɛ.

Nshɛ 59:12

Bedoŋ na la befɛpo nna, amoso shin nɛ bumo be njɔŋ fuloŋ nɛ baa ji na e kilgi m pɛ bumo.

Nshɛ 62:4

Menyee fin kananɛ menyee lara mo ashi mbe kemaŋkura be eyilikpa nna. Efɛ nawule nɛ menyee kuu. Nɛ mmalga lela lar menyi be nnɔ to gba, kekishi nɛ shoduu e bɔlɔ men be ŋgbene bre to.

Nshɛ 63:4

Meeŋ di fo epaŋ saŋɛ so nɛ n wɔ ŋkpa to kikɛ; nseŋ maŋ ma enɔana so ashi fo ketre to.

Nshɛ 71:24

Meeŋ malga fo kebaawɔtɔ niŋiso be asheŋ kachɛ lelemu. Ŋkpal manɛ so, basa nɛ baa kɔrfɛ ma na kɔ n tɔr nseŋ ji anishinyɔr.

Kaŋinichiŋgeliŋ 7:22

ŋkpal manɛ so fo alɛ gba bee kaa tege beko.

Aizaaya 29:13

Ade be kaman nɛ Enyɛnpe Ebɔrɛ na kaŋɛ le: “Nnɔ fuloŋ nɛ basa ere kɔ a shuŋ ma nɛ bumo be ŋgbene malɛ maŋ wɔ ma so. Edimɛdi be mbra nɛ edaŋkare nɛ b bii n wɔtɔ amu to nawule nɛ baa bɛ so a shuŋ Ebɔrɛ.

Matiu 26:74

Ndoŋ nna nɛ Pita bɔ ntaŋ n deŋi mbe kumu nseŋ kaŋɛ: “M maŋ nyi kanyɛn na kuraa!”

Matiu 5:44

Ama ma e kaŋɛ menyi na fanɛ men baa sha men doŋana nsaa kule Ebɔrɛ a sa bumo nɛ baa tɔrɔ menyi na,

Ashuŋ Shunso 2:26

Amoso, ma kagbene kikɛ fuli ma nna nɛ ma mmalga gba la kagbenefuli be mmalga. Nɛ ma alɛ bomin e tiŋ a kɔ kusɔ nɛ Ebɔrɛ beeŋ wora n sa ma be tama.

Romebi 3:14

Abar be kebaamelgi kpakpaso e bɔlɔ bumo be nnɔ to a wɔtɔ.

1 Kɔrintebi 11:7

A maŋ daga enyɛn bre ka ta kusɔ ko m buu mbe kumu so, ŋkpal manɛ so, e la Ebɔrɛ be kaduli nɛ Ebɔrɛ be kemaŋkura nna. Ama eche bre la enyɛn be kemaŋkura nna.

Ɛfesesebi 1:3

Men shin nɛ an chɔrɔ an Nyɛnpe Yesu Kristo be Ebɔrɛ nɛ e la mo Tuto na ga, ŋkpal manɛ so, e bɔla Kristo so n nɛfa anyi n ta abɔrɛsheŋ be kakɛ be yiri kikɛ ashi ebɔrɛso n sa anyi.

Jeems 1:27

Kashenteŋ nɛ kagbene koŋwuleso be kebɛso nɛ Ebɔrɛ Etuto na bee sha fanɛ basa e baa kɔ e la kebaachɛ amunibi nɛ bekulpocheana nɛ b wɔ awurfoŋ to to nsaa de mo gbagba be kumu so nɛ durnya to ebi be alubi e sa maŋ jija mo.

Jeems 3:10

Kɔnɔ koŋwule na to nɛ epaŋ be kedi be mmalga nɛ katege be mmalga kikɛ bee shi. Ŋ kurgepoana, loŋ maŋ daga kikɛ.

1 Pita 1:3

Anyee di Ebɔrɛ nɛ e la an Nyɛnpe Yesu Kristo mo Tuto na epaŋ. Ŋkpal mbe kuwɔrgboŋ so e shin nɛ an nya ŋkpa popɔr ŋkpal Yesu Kristo ka tiŋi luwu to na so.

Demujipoana 9:27

Jemanɛ nɛ baa chuge asɔrso nɛ baa tre greep na ka fo, nɛ ekama yɔ mbe ndibisɔrso be ndɔana to n ya chuge asɔrso nɛ baa tre greep na n loge, nɛ b nyaŋ amo be nchu na n wora yabra belbelso nɛ b luri bumo be kegbir be lambu to nseŋ wora kejigboŋ ashi bumo be kegbir ase. B ka bee ji nsaa nuu na kikɛ nɛ bumo alɛ bee melgi Abimelɛk.