Jeems 3:6 - EBƆRƐ BE KAWƆL

⁶ To, nyiŋgbasa be kudonduloŋ malɛ gba du fanɛ edɛ nna. K la kusɔbi nna a wɔ esa be kɔnɔ to, ama kumo alɛ kulubi be yiri kikɛ e bɔla kumo to a shin nɛ alubi na bee sɔ mbe eyur kikɛ to a jija mbe kebaawɔtɔ kikɛ nyam. K du fanɛ kudonduloŋ na ka kɔ edɛ nna nɛ edɛ na malɛ shi Setani gbagba kutɔ a chɔɔ basa.

Jeems 3:6 ပူးပေါင်းရင်းမြစ်များ

2 Samuɛl 16:20

Kede be kaman nɛ Absalɔm kilgi m bishi Ahitofɛl le: “Manɛ be kasotoji nɛ fo kɔ nɛ fo sa anyi nfe naniere?”

2 Samuɛl 19:43

Nɛ Israɛlebi na malɛ kaŋɛ le: “Hale nɛ menyi nɛ ewura Deevid la kukoŋwule gba, ŋkpal an ka la nnaŋ kudu so, an kɔ mo so eleŋ alɛ kudu a chɔ menyi. Amoso manɛ nna nɛ menyee keni anyi jiga? Men sa maŋ teŋ so fanɛ anyi e daŋ kenya nfɛra fanɛ anyeeŋ ya keta ewura na m ba!” Ama Juda be basa na daŋ nyaŋɛto na ga m malga m pɔɔ Israɛl be basa na so.

2 Kronikɛls 13:17

Ewura Abija nɛ mbe benapo daŋ kɔ m pɔɔ Israɛlebi na so nna nseŋ mɔ bumo be benapo ŋgboŋ alfa anu kikɛ.

Nshɛ 140:3

Bumo be nnɔ to be mmalga du fanɛ awɔ lubi be kubɔr ashi esa be eyur to nna.

Nshɛ 64:3

Bumo be atuwebi bee besa nna fanɛ b ka ŋe esa kasaŋɛ na, nɛ bumo be mmalga du fanɛ b ka da esa ketanyembi na.

Aŋasa 15:1

Kɔnɔ belbelso bee ju agbo nna, ama kɔnɔ nyaŋnyaŋso bre bee kaa agbo nna.

Aŋasa 16:27

Belubiworapo e naa kre alubisheŋ, nɛ bumo be m malga malɛ du fanɛ ajanwulɛ a chɔɔ basa.

Aŋasa 6:19

nɛ shɛdajipo nɛ e bee ku efɛ a deŋi abar so nɛ edebɔrpo nɛ e bee ta beteri be amu a ŋmɛa abar.

Aŋasa 7:5

Amo e naŋ kuŋ fo ashi fo braana be beche, nɛ beche nɛ b kɔ kesakalea so be mmalga belbelso to.

Aizaaya 30:27

Enyɛnpe Ebɔrɛ na be eleŋgboŋ nɛ kemaŋkura shi kufɔ kufɔ a ba. Edɛ nɛ edishi e naa ŋini mbe agbo. E malga nɛ mbe kɔnɔ to be mmalga bee chɔ fanɛ edɛ na.

Aizaaya 50:11

Menyi kama nɛ menyee kre men braana kemur be nia na, menyi gbagba be ŋkre e naaŋ mur menyi. Enyɛnpe Ebɔrɛ na beeŋ gberge menyi kusoe n shin nɛ men ji awurfoŋ.

Jɛremaya 20:10

Mee nu ekama ka bee kuli a kaŋɛ le: “Kufugboŋ e sɔ kaplɛkama! Amoso men shin nɛ an potii Jɛremaya n sa benimuana na!” N teri kpakpasoana gba bee jo nna nɛ n wora n da so. Kusɔ nɛ baa kaŋɛ e la fanɛ: “Ashere esa beeŋ tiŋ n fule Jɛremaya nɛ e wora n da so nɛ an nya mo m pɛ ŋ ka mo kukɔ.”

Jɛremaya 28:16

Amoso kusɔ nɛ Enyɛnpe Ebɔrɛ na bee kaŋɛ e la fanɛ e beeŋ lara fo ashi durnya to. Pɔɛŋ nɛ kafɛ ere e fo ekar feeŋ wu, ŋkpal fo ka ku efɛ n sa basa ere nɛ b lar Enyɛnpe Ebɔrɛ na kaman nseŋ kini mo so.”

Nɔmbɛs 25:2

Le be beche ere daa tre Israɛlebi na nna a yɔ Mowab be kegbir na be esarga be kejigboŋ to. Israɛlebi na daa tu bumo a ji agbirjibi na nna nsaa bunyaŋ

Nɔmbɛs 31:16

Bumo e daŋ bɛ Balaam be keŋini so n fule Israɛlebi na nɛ b kini Enyɛnpe Ebɔrɛ n ya ka shuŋ kegbir nɛ baa tre Baal ashi Piyɔɔ, nɛ Enyɛnpe Ebɔrɛ shin nɛ aleblawu ba mbe basa so na.

Matiu 12:24

Efarisiana na ka nu loŋ nɛ b kaŋɛ: “Mbuibi lubiana be ewura Biyɛlzibel e naa sa mo eleŋ nɛ e kɔ a ju mbuibi lubiana na.”

Matiu 5:22

Ama ma e kaŋɛ menyi na fanɛ ekama nɛ e nya agbo n wora mo barkasa a wɔtɔ gba, baaŋ yɛr mo demujipowura be anishito. Ekama nɛ e tege mo barkasa, baaŋ yɛr mo nshɛrwuraana nɛ baa tre Sanhedrinebi be anishito. Nɛ ekama malɛ nɛ e kaŋɛ mo barkasa le: ‘Ewulpo ere!’ Amodoŋwura wora kulubi n daga Setani be edɛ to be keluri.

Maak 7:15

Mannɛ kusɔ nɛ k bee shi kowu a luri nyiŋgbasa to e naa jija mo, ama kusɔ nɛ k bee jija esa e la kusɔ nɛ k bee shi mo to a lar.

Luuk 16:24

Ndoŋ nna nɛ e lara ebɔl n tre Eebraham ŋ kaŋɛ mo le: ‘Etuto Eebraham, wu ma kuwɔr nseŋ shuŋi Lazɔrɔs nɛ e ta mbe keshilbi n wɔtɔ nchu to m ba do ma kudonduloŋ so nɛ k wushi ma, ŋkpal manɛ so, ebesa gbagba e naa tɔrɔ ma edɛ wuloŋwuloŋ ere to na.’

Ashuŋ Shunso 20:30

Menyi to be beko malɛ gba beeŋ koso kachako ŋ ku efɛ n shin nɛ beyirdapoana na e bɛ bumo so.

Ashuŋ Shunso 5:3

Nɛ Pita bishi mo: “Ananiyas, manɛ e ba nɛ fo shin nɛ Setani ba fo kagbene to m ba shin nɛ fo lara fo kudɔ na be amansherbi nɛ fo nya na so nseŋ ta ade m ba nɛ fo ba fule Kiyoyu Cheeŋ na?

Ashuŋ Shunso 6:13

nseŋ shin nɛ basa ko ba ku efɛ n deŋi mo ŋ kaŋɛ: “Saŋkama kanyɛn ere bee malga a gbiti anyi be bɔrɛlambu cheembi na nɛ Mosis be mbra nna.

Ditɛronɔmi 13:6

Kede be kaman, fo niopibi ko ŋko fo pibi ko ŋko eche nɛ fee sha ŋko fo teri kpakpaso ko beeŋ tiŋ m ba fo kutɔ ashiri to nɛ e ba leŋ fo to n wɔtɔ agbir nɛ fo ŋko fo nananyɛnana maŋ naŋ shuŋ ŋ ku so to.

Taites 1:11

A daga fanɛ fo shin nɛ bumo kikɛ e lo bumo be nnɔ to, ŋkpal manɛ so, baa shin nɛ nwuchu lelemu bee bure nseŋ kpal amansherbi so a wɔtɔ a ŋini anishinyɔr be asheŋ nɛ a maŋ daga.

Jeems 2:7

Bumo damawuraana koŋwule na chap e naa kaa malga a gbiti Yesu Kristo be ketre lela nɛ basa ta a tre menyi na.

Jeems 3:7

Basa bee tiŋ a bela nseŋ tiŋ m bela kupuŋ to be asɔbɔya nɛ mbuibi nɛ asɔ gbeyeso nɛ nchu to be asɔ keniso kikɛ,

2 Pita 3:3

Kusɔ nɛ k daga fanɛ men fara m pin e la fanɛ, lalaloge be nchɛ na to befɛpo beeŋ ba kaa wora basa shia nsaa bɛ bumo gbagba be nyɛlga lubiana so.

3 Jɔn 1:10

Amoso, ŋ kaŋ ba, meeŋ lara asheŋ nɛ e bee wora na kikɛ efuli. Meeŋ malga mbe mmalga lubi nɛ e kɔ a na a ji ma asheŋ na kikɛ. Ade malɛ be buushi, mo gbagba kini kesɔ bekurgepoana na, mo alɛ nsaa maa sa bumo nɛ baa sha kechɛ bumo to na ekpa nseŋ naa wɔtɔ a ju loŋ be basa na ashi asɔri to.

Kelaraŋŋini 12:9

B daŋ ta kusɔ gbeyeso gboŋgboŋi na nna n lɛ kasawule so. Mo e la kusɔkpaŋ dra nɛ baa tre alubipo ŋko Setani mo nɛ e bee fule durnya kikɛ na. B daŋ ta mo nɛ mbe kaman to ebi kikɛ nna n lɛ kasawule.

Kelaraŋŋini 13:14

Ŋkpal emamachisheŋ mo nɛ b daŋ sa mo eleŋ fanɛ e wora ashi kusɔbɔya juŋkparso na be anishito so, e daŋ fule durnya ere to ebi nna. E daŋ kaŋɛ bumo nɛ b wɔ durnya ere to kikɛ fanɛ b pɔr kaduli nɛ k baa la bunyaŋ a sa kusɔbɔya mo nɛ b daŋ ta tokobi n doro ama nɛ e kraa wɔtɔ na.

Kelaraŋŋini 18:23

Esa maaŋ naŋ wu fitila be kefulto fo to kikɛ ŋko n naŋ nu kejafɔ bumo kulana nɛ kejafɔana be ebɔlana ashi fo to. Fo yawujipoana e daa la durnya ere to kikɛ be bejuŋkparpo, fo alɛ be ŋkilgi e daŋ shin nɛ durnya kikɛ foe ekpa.”

Kelaraŋŋini 19:20

Nɛ b pɛ kusɔbɔya na n ta anebi fɛpo mo nɛ e daŋ wora emamachisheŋ damta kusɔbɔya na be anishito na n ti so. Emamachisheŋ na nɛ e daŋ ta n fule bumo nɛ b daŋ nya kusɔbɔya na be ndulgi na nseŋ maŋ mbe kaduli so na. B daŋ ta kusɔbɔya na nɛ anebi fɛpo na nna ŋ kpa n wɔtɔ edɛ mo nɛ jɛrbi wɔ amo to a chɔɔ na to nna nɛ b kraa keni.