Jeems 3:18 - EBƆRƐ BE KAWƆL

¹⁸ Bumo nɛ b kɔ kagbenewushi e naa bar kagbenewushi basa to nɛ kumo alɛ be lalaloge la alelasheŋ be kewora.

Jeems 3:18 ပူးပေါင်းရင်းမြစ်များ

Nshɛ 92:14

Baaŋ baa du fanɛ ndibi nɛ e bel nseŋ kraa kɔ eleŋ a sɔr asɔrso.

Aŋasa 11:18

Belubiworapo maa nya tɔnɔ kikɛ, ama esa nɛ e bee wora kelela bre maaŋ paŋ kumo be tɔnɔ kikɛ.

Aŋasa 11:28

Bekama nɛ b ta bumo be tama n deŋi bumo be kanya so beeŋ gbaŋgbaŋ n tɔr fanɛ ketarso be afantaŋ, ama basa cheembi bre beeŋ baa purge afantaŋ popɔr fanɛ kechaliso be ndibi nna saŋkama.

Aŋasa 11:30

Kecheembiya bee sa ŋkpa nna, ama kumu kpakpaso be kebaawɔtɔ bre bee mɔ nna.

Hoziya 10:12

Le nɛ meeŋ kaŋɛ bumo: Men fin nsawule popɔr n dɔ n duu kashenteŋji be asɔduuso. Loŋ nɛ menyeeŋ teŋi nɛfa ŋkpal men ka bee shuŋ ma so. Jemanɛ nɛ k daga fanɛ men ta men be amu n sa men Nyɛnpe Ebɔrɛ na fo. Nɛ men wora loŋ, ma alɛ beeŋ chulgi ma nɛfa n wurge menyi so.

Eemɔs 6:12

Egbaŋɛ beeŋ tiŋ n shile afalta so manaŋ manaŋ a? Ŋko anafɛlso beeŋ tiŋ n dɔ teku to a? Ama menyi ere ta keji asheŋ nɛ amo be ekpa so ŋ kilgi kɔrtɔ nseŋ ta ekpa niŋiso malɛ ŋ ki ekpa kɔnto.

Matiu 5:9

Kagbenefuli la bekama nɛ baa bar kagbenewushi basa so na peya nna, ŋkpal manɛ so, Ebɔrɛ beeŋ tre bumo mbe mbia.

Baru lela nɛ Jɔn kute na 4:36

Men keni asɔteŋipo na tea nya mbe kakɔka, mo alɛ bee teŋi asɔ nna a yili ŋkpa nɛ k maŋ kɔ ekar na be jemanɛ, saŋɛ na so, eduupo na nɛ eteŋipo na kikɛ be ŋgbene beeŋ fuli bumo.

Galeeshaebi 6:8

Nɛ e bee duu kapɔr lubi ere be aparsheŋ be asɔ, kapɔr lubi na to nɛ e beeŋ bɔla n nya luwu. Nɛ ekama malɛ nɛ e bee duu Kiyoyu na be aparsheŋ be asɔ, Kiyoyu na to nɛ e beeŋ bɔla n nya ŋkpa nɛ k maŋ kɔ ekar na.

Filipaiebi 1:11

Nɛ menyi alɛ baa wɔ loŋ be kebaawɔtɔ to, kashenteŋ be edalelasheŋ nɛ a shi Yesu Kristo nawule kutɔ e naaŋ bɔlɔ menyi to nɛ basa e ta kemaŋkura nɛ epaŋ be kedi n sa Ebɔrɛ.

Hibruwebi 12:11

Ama kashenteŋ bre, saŋɛ nɛ b baa niŋi esa ekpa, mbe kagbene bee jija mo nna. Ama keniŋi na be kaman ekama nɛ e bii keniŋi na be kifito daŋ nya alelasheŋ be kebaawɔtɔ be kagbenefuli be tɔnɔ nna.

Jeems 1:20

ŋkpal manɛ so, mannɛ kanya agbo so nɛ esa bee bɔla a wora alelasheŋ nɛ a bee par Ebɔrɛ.