Jeems 3:15 - EBƆRƐ BE KAWƆL

¹⁵ Mannɛ ebɔrɛso nɛ loŋ be kanyiasheŋ shi, durnya ere to nɛ k shi a la basa be nfɛra lubiana be asheŋ nɛ a shi ayoyu lubi kutɔ.

Jeems 3:15 ပူးပေါင်းရင်းမြစ်များ

2 Samuɛl 13:3

Deevid mo sipo Shamma pibinyɛn nɛ baa tre Jonadab na e daa la mo teri. Jonadab malɛ daa la enyiashempo nna nsaa kɔ kananɛ baa wora asheŋ manaŋ manaŋ be nfɛra ga.

2 Samuɛl 15:31

B ka kaŋɛ Deevid fanɛ Ahitofɛl gba ti Absalɔm so nna, nɛ e kule Ebɔrɛ le: “Enyɛnpe Ebɔrɛ, jande shin nɛ Ahitofɛl be nfɛra nɛ e beeŋ sa Absalɔm na e ki nfɛra fuloŋ!”

2 Samuɛl 16:23

Ŋkpal Deevid nɛ Absalɔm kikɛ ka daa fɛ fanɛ kusɔ kama nɛ Ahitofɛl daŋ baŋ kaŋɛ shi Ebɔrɛ kutɔ na so, kasotoji kama nɛ e daŋ baŋ sa bumo baa nu nna a sa mo.

Jɛremaya 4:22

Ndoŋ nna nɛ Enyɛnpe Ebɔrɛ na kaŋɛ le: “Ma basa maŋ kɔ nfɛra, bumo alɛ maŋ naa nyi ma. B du fanɛ mbia wulpo nɛ b maa pin asheŋ to nna. Asheŋ lubi be kebaawora nɛ b nyi ga, ama asheŋ lela bre b maŋ nyi amo be kewora.”

Luuk 16:8

Damawura na daŋ kpaŋ mbe esibɛpo kebirkɔnshiwura na ga ŋkpal kashennyi nɛ e daŋ ŋini na so. Ŋkpal manɛ so, durnya ere to ebi kɔ kebirkɔnshi be kashennyi nna a wora bumo be asheŋ a chɔ basa nɛ b wɔ kefulto to.”

Baru lela nɛ Jɔn kute na 3:17

Ŋkpal manɛ so, Ebɔrɛ maŋ shin nɛ mo Pibinyɛn na ba durnya to nna fanɛ e ba ji kumo demu. Ebɔrɛ shin nna nɛ e ba ki durnya be emɔlgapo.

Baru lela nɛ Jɔn kute na 8:44

Men tuto e la alubipo na nɛ menyee sha kebaawora mbe aparsheŋ. Emɔpo e la mo sososo kikɛ, mo alɛ be shɛŋ maa ji kashenteŋ to, ŋkpal kashenteŋ ka maŋ wɔ mo to so. E baa ku efɛ, kananɛ mbe kapɔr du nɛ e bee ŋini, ŋkpal manɛ so, e la efɛpo nna nseŋ naa la efɛ kikɛ amo tuto.

Ashuŋ Shunso 13:10

“Setani pibi ere. Fo la kelela be yiri kikɛ be edompo nna. Kafule be kulubi be yiri kikɛ e baŋ bɔlɔ fo to nɛ saŋkama fee kɔ a fin keta Enyɛnpe be nshenteŋ ŋ ki efɛ.

Romebi 1:22

B yɛ b nyi asheŋ, ama bumo alɛ ki bewulpo nna.

1 Kɔrintebi 1:27

Ama Ebɔrɛ lara durnya ere to be asɔ wuliso nna nɛ e ta anishinyɔr m pɛ benyiashempo. E lara durnya ere to be asɔ pɔso nna nɛ anishinyɔr e pɛ belempo.

1 Kɔrintebi 2:14

Durnya ere to be esa bre maaŋ tiŋ n nya asɔ nɛ a bee shi Ebɔrɛ be Kiyoyu na kutɔ. Kashenteŋto, a la kawulisheŋ nna n sa mo nɛ e maaŋ tiŋ m pin amo to kikɛ, ŋkpal manɛ so, Kiyoyu na nawule e naaŋ tiŋ ŋ ŋini mo amo be asheŋ.

1 Kɔrintebi 3:19

Ŋkpal manɛ so, durnya ere to be kanyiasheŋ la kawulisheŋ nna ashi Ebɔrɛ be anishito. Loŋ nɛ abɔrɛsibɛ na malɛ bee kaŋɛ na fanɛ: “Ebɔrɛ bee kaa ta benyiashempo gbagba be kanyiasheŋ be aworbiana nna a pɛ bumo.”

1 Kɔrintebi 3:3

Ŋkpal manɛ so, men kraa wɔtɔ nna fanɛ eyur to be basa a wora abar kayurbesa be asheŋ nsaa bile. To, men maŋ nyi fanɛ nɛ men baa wɔtɔ a wora loŋ men kraa du fanɛ eyur ere to be basa nna nsaa wɔtɔ a wora asheŋ fanɛ basa fuloŋ a?

2 Kɔrintebi 1:12

Naniere le be kesheŋ ere so nɛ anyee puchi fanɛ: Anyi be ŋgbene bee kaŋɛ anyi fanɛ an tiŋ ŋ keta anyi be amu nɛnɛ ashi durnya ere to, fɔnfɔŋ anyi nɛ menyi be kebaawɔtɔ be kaplɛa so. Ŋgbene mo nɛ a shi Ebɔrɛ kutɔ a maŋ kɔ kulubi nseŋ niŋi na nɛ an ta n wora asheŋ. Amoso, mannɛ durnya ere be kanyiasheŋ so nɛ an ta n wora loŋ. Ebɔrɛ be kuwɔr be kakɛ so nɛ loŋ be asheŋ tiŋ n wora.

2 Kɔrintebi 11:3

Ama men be asheŋ bee keta ma kufu fanɛ nɛ men maŋ de so, kananɛ kusɔkpaŋ na daŋ ta mbe nambara n fule Hawa na, loŋ koŋwule na nɛ e beeŋ lara men be nfɛra ashi kagbene koŋwule be Kristo be kasha cheembi to.

Filipaiebi 3:19

Bumo be ekar la kemur nna, ŋkpal manɛ so, bumo be epunana e la bumo be Ebɔrɛ nɛ bumo be kemaŋkura malɛ la anishinyɔr be asɔ. Kashenteŋto, bumo be ŋgbene kikɛ wɔ durnya ere to be asɔ to nna.

2 Tɛsalɔnikaebi 2:9

Alubipo na beeŋ bɔla Setani be eleŋ to n wora efɛ be edaŋga nɛ emamachisheŋ damta.

1 Timoti 4:1

Kiyoyu Cheeŋ na baŋ kaŋɛ geeŋ fanɛ lalaloge be nchɛ ere to basa ko beeŋ lar kashenteŋ be keŋini ere to nsaa nu a sa efɛ be mbuibi lubi a wɔtɔ a koya amo be keŋini.

Jeems 1:17

Kelela be yiri kikɛ nɛ kakɛ lela kikɛ bee shi ebɔrɛso nna a ba. Ebɔrɛ nɛ e to kefulto na kutɔ nɛ asɔ na kikɛ bee shi a ba. Ebɔrɛso be kefulto bee kaa chɛrga a bar tentembiri, ama Ebɔrɛ bre maa chɛrga kikɛ.

Jeems 1:5

Ama menyi to be ekama nɛ e maŋ kɔ kanyiasheŋ nsaa pin kusɔ nɛ e beeŋ wora a gben, amodoŋwura e kule Ebɔrɛ nɛ e chɛ mo to, ŋkpal manɛ so, Ebɔrɛ e naa bugi kagbene a sa basa asɔ nsaa maa bishi bumo nnɔ. Amoso, fo kama nɛ fo kule mo kanyiasheŋ, fo maaŋ paŋ kumo.

Jeems 3:17

Kanyiasheŋ nɛ k shi ebɔrɛso na bre maŋ kɔ kulubi kikɛ kumo to. Kumo e naa bar kagbenewushi nsaa shin nɛ basa du boeŋ nsaa shuli a nu asheŋ nɛ basa pɔtɛ bee kaŋɛ. Kuwɔr nɛ alelasheŋ e bɔlɔ kumo to. Esa nɛ e kɔ loŋ be kanyiasheŋ maŋ la nfɛranyɔnyɔwura, mo alɛ maŋ kɔ kebirkɔnshi.

Juud 1:19

Le be basa ere e naa bar kebarga to basa to na, durnya to be basa nɛ b maŋ kɔ Ebɔrɛ be Kiyoyu na.

Kelaraŋŋini 12:9

B daŋ ta kusɔ gbeyeso gboŋgboŋi na nna n lɛ kasawule so. Mo e la kusɔkpaŋ dra nɛ baa tre alubipo ŋko Setani mo nɛ e bee fule durnya kikɛ na. B daŋ ta mo nɛ mbe kaman to ebi kikɛ nna n lɛ kasawule.

Kelaraŋŋini 2:24

Ama menyi Tayatairaebi nɛ men ka ŋkaa maa bɛ loŋ be keŋini na so nseŋ maŋ naŋ bii asɔ nɛ beko bee tre Setani be wulo be keŋini chiŋgeliŋana na so na bre, m maaŋ naŋ ta kegben kama n ti menyi so.

Kelaraŋŋini 9:11

Bumo be ewura mo nɛ e daa ji kuwura bumo so daa la kemaŋ nɛ k maŋ kɔ ekar nɛ baa tre kumo Abis na to be malaika nna nɛ Hibruwebi bee tre mo Abadɔn nɛ Griikebi malɛ bee tre mo Apɔliɔn.