Jeems 3:14 - EBƆRƐ BE KAWƆL

¹⁴ Ama fo kama nɛ fo la kumukpakpasowura nsaa kɔ yurkishi a fɛ fo nawule be asheŋ so, kumo ere fo sa maa ji njɔŋ a ku efɛ a kaŋɛ fanɛ fo kɔ kanyiasheŋ.

Jeems 3:14 ပူးပေါင်းရင်းမြစ်များ

Jɛnesis 37:11

Ndoŋ nna nɛ mo daana na fara a kɔ mo kukɔrkɔ ŋko a besa mo eyur ashi bumo be ŋgbene to, ama mo tuto bre daa maŋ teŋ kesheŋ na so.

Jɛnesis 38:9

Ndoŋ nna nɛ Onan shuli n ta eche na, ama saŋkama nɛ mo nɛ eche na bee di keche nɛ kenyɛn e daa maa shin nɛ mbe nchu bee luri eche na to. E daa chulgi amo nna a wurge kasawule. Ŋkpal manɛ so, e daa nyi fanɛ mbia kama nɛ mo nɛ eche na kurge maaŋ baa la mo peya.

2 Bewura 10:16

nɛ e kaŋɛ mo le: “Tu ma nɛ an yɔ nɛ fo ya keni kananɛ m pere kenishi a shuŋ Enyɛnpe Ebɔrɛ na. Ndoŋ nna nɛ b dii bumo be egbaŋɛturko m bɛ abar so n yɔ Samɛria.”

2 Bewura 10:31

Ama Jehu daa maŋ ta mbe kagbene kikɛ m bɛ Enyɛnpe nɛ e la Israɛl be Ebɔrɛ na be mbra so. E daa wora alubi nɛ Jeroboam daŋ wora nseŋ shin nɛ Israɛl be efuli tɔr kulubi to na nna.

Job be kawɔl 5:2

Kayurbesa nɛ kukɔrkɔ e naŋ mɔ ewulpo nɛ e maŋ nyi asheŋ.

Aŋasa 14:30

Kagbenewushi bee sa esa ŋkpa nna, ama kayurbesa bre du fanɛ kɔrtɔ lubi nna a ji esa.

Aŋasa 27:4

Esa nɛ e bee nya agbo manaŋ manaŋ lubi a chɔ, esa nɛ e bee kɔ kukɔrkɔ lubi.

Aizaaya 11:13

Israɛl be kuwurji maaŋ naa kɔ Juda be kuwurji kukɔrkɔ. Juda malɛ maaŋ naa la Israɛl mo doŋ.

Habakuk 1:3

Manɛ nna nɛ fo shin nɛ n wu le be tɔrɔ ere? Nuso nɛ feeŋ tiŋ n nya kagbene a keni le be alubi ere? Kemur nɛ keŋkenshi be kebaawɔtɔ e kulti ma n wɔtɔ nɛ kebri nɛ katege malɛ sɔ kaplɛkama.

Matiu 27:18

E daŋ bishi loŋ nna, ŋkpal manɛ so, e daa nyi basa na ka daŋ ta Yesu m bɔɔ mo enɔ ŋkpal kayurbesa so.

Baru lela nɛ Jɔn kute na 16:2

Basa beeŋ ba kaa ju menyi ashi nshɛrbuana na to be keluri to. Saŋko beeŋ ba fo nɛ esa kama nɛ e mɔ menyi beeŋ baa fɛ fanɛ Ebɔrɛ nɛ e bee shuŋ.

Ashuŋ Shunso 13:45

Juwebi na ka wu jimaŋ na nɛ yurkishi luri m bɔlɔ bumo to nɛ b malga ŋ gbiti kusɔ nɛ Pɔɔl daa malga na nseŋ tege mo.

Ashuŋ Shunso 26:9

Ma alɛ gba daŋ yili kumo nna fanɛ meeŋ wora kusɔ kama n tiŋ n jija Nazarɛt be Yesu be ketre na.

Ashuŋ Shunso 5:17

Nɛ bɔrɛmatapo nimuso nɛ mo braana Esadusiana na be ŋgbene kaa kekishiso ŋkpal asɔ nɛ beshuŋipo na daa wora na so nɛ b yili kumo fanɛ beshuŋipo na beeŋ pin.

Ashuŋ Shunso 7:9

Bejuŋkparpo ere daŋ kurge bumo sipo Josɛf yurkishi nna n ta mo n fa n shin nɛ e ki kenya ashi Ijipt be efuli so. Ama Ebɔrɛ daa maŋ yige mo n to.

Romebi 1:29

Ŋkpal b ka kini Ebɔrɛ na so, eda lubi be yiri kikɛ nɛ alubisheŋ nɛ kejimuni nɛ abar be kebaawora alubi e bɔlɔ bumo to. Amo nɛ a bɔlɔ bumo to gba n ti so e la, kayurbesa nɛ kamɔ nɛ nlu nɛ efɛ nɛ kebaafɛ abar asheŋ lubi. Ade malɛ gba be buushi baa kuli bumo braana,

Romebi 13:13

Men shin nɛ an baa bii kebaawɔtɔ lela nɛ k daga basa nɛ b wɔ kapaso be kefulto be kebaawɔtɔ na to. An sa maŋ naa wɔ kasanuu be nshɛr jijigaana to nɛ kusɔjigaya ŋko amɔmɔshiasheŋ be kebaawɔtɔ to nɛ nlu ŋko kayurbesa be kebaawɔtɔ to.

Romebi 2:17

To, mannɛ fo e naa tre fo kumu Juw nsaa ta fo yirda a deŋi Mosis be mbra na so a wɔtɔ a ji njɔŋ a kaŋɛ fanɛ fo nɛ Ebɔrɛ be nferinto wɔ ebel na a?

Romebi 2:8

Ama bumo nɛ b wɔ bumo gbagba be aparsheŋ to a kini kashenteŋ na be kebɛso nsaa bɛ alubi so na, Ebɔrɛ be kagbene beeŋ kaa nɛ mbe agbo e ba bumo so.

1 Kɔrintebi 13:4

Kasha la kanyiti nna nɛ kebaala esa. Kasha maa besa eyur, kumo alɛ maa maŋ kumu so. K maŋ la kumu be ketinto ŋko nfɛlso be kebaawɔtɔ.

1 Kɔrintebi 3:3

Ŋkpal manɛ so, men kraa wɔtɔ nna fanɛ eyur to be basa a wora abar kayurbesa be asheŋ nsaa bile. To, men maŋ nyi fanɛ nɛ men baa wɔtɔ a wora loŋ men kraa du fanɛ eyur ere to be basa nna nsaa wɔtɔ a wora asheŋ fanɛ basa fuloŋ a?

1 Kɔrintebi 5:2

Le be asheŋ ere e baa wora menyi to nɛ menyee wu menyi be amu ere a? Cha, a daŋ daga fanɛ men be ŋgbene ka jija menyi ga nna nɛ men daŋ lara esa nɛ e bee wora loŋ na menyi to.

1 Kɔrintebi 5:6

Kananɛ menyee puchi ere maŋ walɛ kuraa. Men maŋ nyi keŋasa mo nɛ k bee kaŋɛ fanɛ: Yiisi gbrɛbi baŋ luri nyifu to a bee shin nɛ nyifu na kikɛ bee tiŋ fɔŋgrɔŋ nna a?

2 Kɔrintebi 12:20

K bee wora ma nna fanɛ ŋ kaŋ ba men kutɔ meeŋ ba wu fanɛ mannɛ kananɛ mee sha fanɛ men baa du na nɛ men du, nɛ menyi alɛ gba e wu fanɛ mannɛ kananɛ menyee sha fanɛ m baa du na nɛ n du n sa menyi. Mee lɔ kufu nna fanɛ shere meeŋ ba wu nlu nɛ kayurbesaana nɛ agboana ka bee kaa nɛ kejimuniana nɛ kategeana nɛ ŋkuli nɛ kamoowu nɛ kebarga to menyi to.

Galeeshaebi 5:15

Ama nɛ men baa wɔtɔ a bile a wɔtɔ abar ebesa to bre, men baa da so, nɛ mannɛ aloŋ menyeeŋ mur abar cheche.

Galeeshaebi 5:20

nɛ agbirshunsheŋ nɛ kegbaya nɛ kekishi nɛ nlusheŋ nɛ abar be asɔ be kebaayɛlga nɛ kanya agbo nɛ nfɛragboŋ be kebaafɛ nɛ amu be kebarga a wɔ ntuŋ so be kebaawɔtɔ.

Galeeshaebi 5:21

Kayurbesa, kasanuu jijiga nɛ amo be nfɛra lubiana n ta asheŋ lubi damta ko malɛ gba n ti so. N chɛr n fiɛ menyi so, ama men shin nɛ n naŋ lɔŋɛ ŋ kaŋɛ menyi fanɛ bekama nɛ baa wora le be asheŋ ere maaŋ luri Ebɔrɛ be kuwura na to kikɛ.

Galeeshaebi 5:26

Men sa maŋ shin nɛ an baa kɔ kamoowu ŋko a ta abar a wɔtɔ agbo to ŋko a besa abar eyur.

Galeeshaebi 6:13

To, bumo nɛ b ku atutu na gba maa bɛ mbra na so, ama bumo alɛ nsaa sha fanɛ men ku atutu, saŋɛ na so baaŋ nya ekpa n ji njɔŋ ŋ kaŋɛ fanɛ men bɛ loŋ be kesheŋ na so.

Filipaiebi 1:15

Kashenteŋ nna fanɛ basa nɛ baa bɔ kubɔya na be beko bee bɔ kumo nna ŋkpal kayurbesa nɛ kolusha so, ama beko bugi bumo be ŋgbene kikɛ nna a bɔ kumo kelela so.

Filipaiebi 2:3

Sa maŋ ta kejimuni be ketresha n juŋkpar n wora asheŋ, fo alɛ e sa maa kɔ kamoowu fuloŋ. Ama baa bar fo kumu kaseto kusɔ kama to a ta basa fanɛ bumo e bɔ fo.

1 Timoti 2:4

nsaa par Ebɔrɛ nɛ e mɔlga anyi nsaa sha fanɛ basa kikɛ e nya kumɔlga nseŋ pin kashenteŋ be keŋini na.

1 Timoti 6:4

Loŋ be esa bee kaa ta mbe kasha kikɛ nna a wɔtɔ emɔrɔ be keji to nsaa kpal mmalga so a bile. Asheŋ ere kikɛ malɛ e naa bar yurkishi nɛ kolu nɛ basa be kebaatege abar nɛ kebirkɔnshi be kebaawora abar basa to

Taites 3:3

Ŋkpal manɛ so, saŋko anyi alɛ gba daŋ wuli nna a kɔ kumuleŋ nɛ ashuŋ lubi. An daa la anyi be eyurana be ayɛlgasɔ nɛ ebel be yiri kikɛ be anya nna. An daa wɔ kayurbesa be nfɛra lubi to nna a kishi beko nɛ beko malɛ daŋ kishi anyi.

Jeems 1:18

Mo gbagba e yili kumo fanɛ e bɔla mbe kashenteŋ be kamalga na to n shin nɛ an ki mbe kepɔrso kikɛ be basa juŋkparso.

Jeems 3:16

Kaplɛkama nɛ yurkishi wɔ nɛ basa bee fɛ bumo nawule be asheŋ so, kɔnɔkoŋwule maŋ wɔ ndoŋ she kulubi be yiri kikɛ.

Jeems 5:19

Ŋ kurgepoana nɛ menyi to be ekama baŋ foe kashenteŋ be kebɛso be ekpa na so nɛ eko chɛ amodoŋwura to n naŋ ŋini mo ekpa na