Jeems 3:13 - EBƆRƐ BE KAWƆL

¹³ Menyi to be emo e kɔ kanyiasheŋ nsaa nyi ashuŋ to? Amodoŋwura e ta mbe kebaawɔtɔ lela a du boeŋ nsaa wora asheŋ nɛ a daga.

Jeems 3:13 ပူးပေါင်းရင်းမြစ်များ

Job be kawɔl 28:28

Kumo be kaman nɛ e kaŋɛ edimɛdi le: “Kanyiasheŋ e la keta bunyaŋ gboŋ n sa ma, Enyɛnpe Ebɔrɛ na. Nɛ kelar alubi to malɛ la asheŋ be kepin to.”

Nshɛ 107:43

Ekama nɛ e kɔ kanyiasheŋ, e baa nyiŋi asheŋ ere nsaa fɛ Enyɛnpe Ebɔrɛ na be kasha nɛ k maa loge na be asheŋ.

Nshɛ 122:8

Mee kule kayurwushi nna a sa Jerusalɛm ŋkpal ŋ kurgepoana nɛ nteriana so.

Nshɛ 149:4

Ŋkpal manɛ so, mbe basa be asheŋ bee par mo nna. Mo alɛ bee ta kemaŋkura nna a buu bekama nɛ baa bar bumo be amu kaseto so nsaa mɔlga bumo.

Nshɛ 25:9

Nsaa ŋini basa nɛ b kɔ kamubrase malɛ mbe ekpa niŋiso nɛ kusɔ nɛ k daga na.

Nshɛ 45:4

Nseŋ dii fo kediiso bunyaŋ so ŋ kɔ m pɔɔ so a laŋɛ kashenteŋ nɛ kuwɔrwu nɛ keji asheŋ nɛ amo be ekpa so be kaplɛa so. Ta fo enɔjiso lempo na n wora asheŋ nɛ a bee mɔ kɔnɔ.

Kaŋinichiŋgeliŋ 8:1

Enyiashempo nawule e kɔ nfɛra a pin asheŋ be afito to. Kanyiasheŋ e naa sa mo kagbenefuli nsaa shin nɛ e bee mushe.

Kaŋinichiŋgeliŋ 8:5

Fo baa nu a sa ewura, asheŋ maa pɔɔ fo so. Enyiashempo malɛ kikɛ nyi kananɛ daga fanɛ e nu n sa ewura nɛ saŋɛ nɛ k daga e ka wora loŋ.

Aizaaya 29:19

Nɛ betirpo nɛ basa nɛ b du boeŋ e nya kagbenefuli nɛ Enyɛnpe, Israɛl be Ebɔrɛ cheembi na bee sa na.

Aizaaya 60:6

Enyɔma be ntuŋ damta beeŋ shi efuliana nɛ baa tre Midian nɛ Efa na so n sulɔ asɔ lela m ba sɔ menyi be efuli na kikɛ so. Beko beeŋ shi Shiba be kasawule so n sulɔ shuwa nɛ eduwu m ba kaa lara esarga a sa Enyɛnpe Ebɔrɛ na nsaa malga kusɔ nɛ e wora be asheŋ!

Aizaaya 61:1

Enyɛnpetale Ebɔrɛ na be Kiyoyu wɔ ma so. E lara ma nna n nɛfa ma nɛ m bɔ baru lela na n sa betirpo, nseŋ chɛ bumo nɛ kagbenejija tɔr so na. Mo e shuŋi ma nɛ n ya bɔ kesɔnyige be baru n sa bumo nɛ b ki beko be anya, nseŋ sɔ bumo nɛ b wɔ kabuti to n yige.

Jɛremaya 9:12

Kumo be kaman nɛ m bishi le: “Enyɛnpe Ebɔrɛ, manɛ nna nɛ kasawule na wɔl ŋ ki fanɛ keshishɛrsawule a dese nɛ esa kikɛ maŋ naa bɔla kumo so a choŋ? Wanɛ e nyi asheŋ nɛ e tiŋ m pin kumo to? Wanɛ nɛ fo bugi kumo to n sa nɛ mo alɛ e kaŋɛ beko kumo be asheŋ?”

Jɛremaya 9:23

Kumo be kaman nɛ Enyɛnpe Ebɔrɛ na naŋ kaŋɛ le: “Benyiashempo e sa maa puchi bumo be kanyiasheŋ so, ŋko belempo e sa maa puchi bumo be eleŋ so, ŋko damawuraana e sa maa puchi bumo be kedama so.

Danɛl 2:21

Fo e kɔ eleŋ a shin nɛ saŋɛ nɛ jemanɛ kikɛ bee chɛrga. Fo e naa buu nsaa gboŋi bewura. Fo koŋwule na e naa sa basa kanyiasheŋ nɛ asheŋ be kepinto.

Zefanaiya 2:3

Menyi bekama nɛ men la bebɔlpo ashi kasawule ere so na e baa bar menyi be amu kaseto nsaa nu a sa Enyɛnpe Ebɔrɛ na. Men baa wora kusɔ nɛ k walɛ nsaa bar menyi be amu kaseto a sa mo. Nɛ men wora loŋ, ashere menyeeŋ gelge kasogberge kachɛ nɛ Enyɛnpe Ebɔrɛ na be agbo beeŋ koso na.

Nɔmbɛs 12:3

Mosis daa kɔ kamubrase nna ga, e daa kɔ kamubrase a chɔ esa kikɛ durnya to.

Matiu 11:29

Men be ekama e ta ma kubɔ to be kebarga n dii nɛ ma nɛ mo e baa na, saŋɛ na so e beeŋ koya kebaawɔtɔ ashi ma kutɔ, ŋkpal manɛ so, n du boeŋ nna a bar ma kumu kaseto. Ekama nɛ e baŋ wora loŋ, e beeŋ nya ewushi.

Matiu 21:5

“Kaŋɛ Zayɔn be kade to ebi: ‘Keni men be Ewura ka du boeŋ n dii kurma a ba menyi kutɔ. Kusɔbɔya pibi, kakurmabi nɛ e dii.’ ”

Matiu 5:5

Kagbenefuli la bekama nɛ b maŋ kɔ keŋkenshi na peya nna, ŋkpal manɛ so, durnya ere beeŋ ba kaa la bumo peya.

Matiu 7:24

Amoso, ekama nɛ e nu ma mmalga ere nsaa bɛ amo so du fanɛ enyiashempo nɛ e pɔr mbe ebu n yili kefalta so nna.

1 Kɔrintebi 6:5

Ŋ kaŋɛ menyi kesheŋ ere nna nɛ anishinyɔr e pɛ menyi. Ama esa kikɛ maŋ wɔ menyi to a nyi asheŋ nɛ e tiŋ n shin nɛ kesheŋ nɛ k wɔ bekurgepo anyɔ be nferinto e nya edesekpa a?

2 Kɔrintebi 10:1

Ma, Pɔɔl gbagba nɛ b yɛ: “E baa wɔ men kutɔ e la bawala nna, ama nɛ e baa wɔ kufɔ e bee ŋini mbe kenyɛn nna”, mee kule menyi nna ŋkpal Kristo be kebaala esa nɛ bawala so fanɛ:

2 Kɔrintebi 8:24

Amoso, men ŋini bumo kasha, saŋɛ na so asɔriana na kikɛ beeŋ wu kumo geeŋ nseŋ pin fanɛ mannɛ jiga nna nɛ anyee puchi menyi so.

Galeeshaebi 5:23

nɛ kebaa bar kumu kaseto nɛ kamootiŋ. Mbra na maa pɛ basa nɛ b wɔ le be asheŋ ere to.

Galeeshaebi 6:1

Ŋ kurgepoana, nɛ men be ekama baŋ tɔr kulubi to, menyi nɛ Kiyoyu Cheeŋ na bee juŋkpar na e bar men be amu kaseto n chɛ mo to nɛ e lar alubi na to. Ama nɛ menyee wora loŋ, men baa de men be amu so nɛ menyi alɛ gbagba e sa maŋ luri kechɔŋkeni to n tɔr.

Galeeshaebi 6:4

Ekama e baa keni mo gbagba be asheŋ woraso to a nyi kananɛ a du, nɛ a baa walɛ, e chɔrɔ mbe kumu. Ama e sa maa ta mbe asheŋ woraso a kesar esa pɔtɛ peya so.

Ɛfesesebi 4:2

Saŋkikɛ men baa bar men be amu ase a du boeŋ nsaa kɔ kanyiti a chɛ abar to a ŋini kasha nɛ k wɔ menyi to na.

Filipaiebi 1:27

Amoso, kusɔ kama nɛ k la gba, men baa kɔ men be amu to nɛnɛ a du fanɛ kananɛ Kristo be baru lela na bee ŋini na. Saŋɛ na so, nɛ m ba wu menyi nna ŋko n wɔ kufɔ nna nsaa nu menyi be asheŋ, n nyi men ka yil to nɛnɛ kɔnɔkoŋwuleso a kɔ fanɛ esa koŋwule ŋkpal yirda nɛ k shi baru lela na to na so.

Kɔlɔsiebi 3:12

Amoso, men baa wora le be kelela ŋkpal Ebɔrɛ ka lara menyi ŋ kɔr a sha menyi a shin nɛ men baa du cheeŋ na so. Men baa wu kuwɔr, men baa la basa, men baa kɔ bunyaŋ, men baa kɔ kushuso, men baa kɔ kanyiti.

1 Timoti 4:12

Sa maŋ shin nɛ esa kama e fɛl fo ŋkpal fo ka la kabrantiɛbia so, ama shin nɛ beyirdapo na e keni fo kebaawɔtɔ to ŋ koya asɔ ashi fo mmalga nɛ fo da to nɛ fo kasha nɛ fo yirda nɛ kananɛ fo maŋ kɔ kusɔ jigaya be nfɛra to.

1 Timoti 6:11

Ama fo ere ka la Ebɔrɛ be esa ere, baa gelge le be asɔ ere kikɛ nsaa kɔ a fin alelasheŋ nɛ abɔrɛsheŋ be kebaawɔtɔ nɛ yirda nɛ kasha nɛ awurfoŋ to be kanyiti nsaa du boeŋ.

2 Timoti 2:25

a wɔtɔ a yɔɔ mbe kumu nsaa ŋini basa nɛ baa ji mo emɔrɔ asheŋ amo be ekpa so. Nɛ e bee wora loŋ, shere Ebɔrɛ beeŋ bugi ekpa n sa bumo nɛ b tuba m bɛ kashenteŋ be ekpa na so

Taites 3:2

Kaŋɛ bumo fanɛ b sa maa malga alubi a gbiti esa kikɛ, bumo alɛ e sa maŋ la basa nɛ baa bar kebagato, ama b baa sha basa keteri nsaa ta da nɛ k du boeŋ a ŋini basa kikɛ.

Hibruwebi 13:5

Men lara menyi be ŋgbeneana ashi kemansherbisha to nseŋ shin nɛ asɔ nɛ men kɔ na e baa kukwe menyi, ŋkpal manɛ so, Ebɔrɛ kaŋɛ fanɛ: “M maaŋ yige menyi kikɛ, ma alɛ maaŋ kplaŋ menyi so kikɛ.”

Jeems 1:21

Amoso, men lara kulubi be yiri kikɛ menyi to nsaa gelge asheŋ lubi nɛ a kulti menyi na kikɛ. Men sɔ Ebɔrɛ be kamalga nɛ e ta n wɔtɔ men be ŋgbene to na a du boeŋ, ŋkpal manɛ so, kamalga na e naa tiŋ a mɔlga men be ayoyu ashi luwu to.

Jeems 2:18

Nɛ menyi to be ekama kaŋɛ ma fanɛ esa ko wɔtɔ a kɔ yirda nɛ eko malɛ wɔtɔ a kɔ yirda be ashuŋ shunso, meeŋ kaŋɛ amodoŋwura fanɛ e ŋini ma kananɛ esa beeŋ wora ŋ kini yirda be ashuŋ shunso be kewora nsaa bɛ Ebɔrɛ so nɛ kashenteŋ. Kumo be kaman nɛ ma alɛ e bɔla ma ashuŋ shunso so ŋ ŋini mo kananɛ kashenteŋ be yirda du.

Jeems 3:1

Ŋ kurgepoana, men be bedamta e sa maa kɔ a fin fanɛ men ki beŋinipoana, ŋkpal manɛ so, asheŋ nɛ Ebɔrɛ beeŋ yili so n ji anyi beŋinipo demu shi a chɔ basa pɔtɛ peya.

Jeems 3:17

Kanyiasheŋ nɛ k shi ebɔrɛso na bre maŋ kɔ kulubi kikɛ kumo to. Kumo e naa bar kagbenewushi nsaa shin nɛ basa du boeŋ nsaa shuli a nu asheŋ nɛ basa pɔtɛ bee kaŋɛ. Kuwɔr nɛ alelasheŋ e bɔlɔ kumo to. Esa nɛ e kɔ loŋ be kanyiasheŋ maŋ la nfɛranyɔnyɔwura, mo alɛ maŋ kɔ kebirkɔnshi.

1 Pita 1:15

Ama men baa du cheembi kusɔ kama nɛ menyee wora to fanɛ kananɛ emo nɛ e tre menyi na du na.

1 Pita 2:12

Men baa kɔ da lela a wɔ basa nɛ b maŋ la bebɛsopo na to, saŋɛ na so nɛ b kaa malga a gbiti menyi fanɛ alubiworapoana, baaŋ wu men be alelasheŋ nseŋ ta kemaŋkura n sa Ebɔrɛ kachɛ nɛ e beeŋ ba na.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.

1 Pita 3:4

A daga fanɛ men be kela e baa shi men be ŋgbene to gbagba to, kumo e la fanɛ men baa kɔ ŋgbene nɛ a du boeŋ a maa gbri. Loŋ be kela na e maa terge kikɛ nsaa walɛ ashi Ebɔrɛ be anishito.