Jeems 2:9 - EBƆRƐ BE KAWƆL

⁹ Ama nɛ fo kpal kananɛ basa du so a bunyaŋ bumo nsaa fɛl beko, kulubi nɛ fee wora na, Ebɔrɛ malɛ kutɔ fo tɔr ntaŋ.

Jeems 2:9 ပူးပေါင်းရင်းမြစ်များ

Levitikɔs 19:15

Men baa kɔ kashenteŋji nsaa ji asheŋ nɛ amo be ekpa so ashi men be demuji kikɛ to. Men sa maa kpɛa betirpo to ŋko a ŋana damawuraana.

Baru lela nɛ Jɔn kute na 16:8

Mo alɛ kaŋ ba, e beeŋ ŋini durnyaebi kananɛ baa fɛ alubi be asheŋ nɛ Ebɔrɛ be anishito be alelasheŋ be asheŋ nɛ mbe kasogberge be asheŋ. E beeŋ ŋini bumo fanɛ b foe amo be kenyi be ekpa.

Baru lela nɛ Jɔn kute na 8:46

Men be emo e naaŋ tiŋ ŋ ŋini kulubi kama nɛ n daŋ wora? To, nɛ kashenteŋ nɛ m baa ji, manɛ e ba nɛ men maa yirda ma?

Baru lela nɛ Jɔn kute na 8:9

Yesu ka kaŋɛ loŋ na nɛ bumo nɛ b nu na fara a yɔ kukoko to. Benimu e daŋ fara loŋ hale nɛ Yesu nawule ya ka nɛ kache na malɛ kraa yil ndoŋ.

Ashuŋ Shunso 10:34

Nɛ Pita fara mbe kamalga ŋ kaŋɛ: “Naniere nɛ m pin kashenteŋto fanɛ Ebɔrɛ maa kpɛa to.

Romebi 3:20

Ŋkpal manɛ so, mannɛ esa nɛ e bee wora mbra be ashuŋ shunso e la esa nɛ Ebɔrɛ nase kumo fanɛ e la elelapo. Kusɔ nɛ mbra na baa ŋini e la kebaashin nɛ basa e baa pin kulubi be asheŋ.

1 Kɔrintebi 14:24

Ama nɛ fanɛ asɔri na to ebi kikɛ bee wu abɔrɛsheŋ na to a kaŋɛ nɛ emo nɛ e maŋ la eyirdapo ŋko esa pɔtɛ ba luri nshɛr na to, asheŋ nɛ e bee nu na kikɛ beeŋ shin nɛ e keni mbe asheŋ to n shin nɛ e wu mbe alubi.

Galeeshaebi 2:19

Ŋkpal manɛ so, mbra na be kaplɛa so, n wu nna, mbra na mɔ ma, saŋɛ na so nɛ m baa wɔ ŋkpa to a sa Ebɔrɛ.

Ditɛronɔmi 1:17

Men sa maa kpɛa to ashi menyi be demuji to. Ekpa koŋwule so a daga fanɛ men baa ji bepɔshipo nɛ belempo kikɛ demu. Men sa maa ŋana esa kikɛ, ŋkpal manɛ so, Ebɔrɛ beeŋ chɛ menyi to nɛ men ji asheŋ nɛnɛ. Nɛ fanɛ demu ko du kpakpa n sa menyi, men ta kumo m bar ma nɛ n ji kumo.

1 Jɔn 3:4

Esa kama nɛ e bee wora alubi bee wora nna a da Ebɔrɛ malɛ gba so na, ŋkpal manɛ so, kewora kulubi la ketɔr Ebɔrɛ be ntaŋ nna.

Juud 1:15

nɛ e ba ji basa kikɛ demu. E beeŋ ji m bri bɔrɛkinipoana kikɛ ŋkpal alubi mo nɛ b wora ŋ gbiti Ebɔrɛ ashi le be kabɔrɛkini be ekpa so kikɛ so nɛ mmalga lubiana nɛ bɔrɛkinipo lubipo ere malga ŋ gbiti mo Ebɔrɛ na kikɛ so so.”