Jeems 2:6 - EBƆRƐ BE KAWƆL

⁶ Ama le be basa ere nɛ menyi ere bee fɛl ŋkeshin nɛ mannɛ damawuraana e naa kaa tɔrɔ menyi nsaa nyaŋ menyi a yɔ edemujikpaana na a?

Jeems 2:6 ပူးပေါင်းရင်းမြစ်များ

Nshɛ 10:10

Baa nyaŋ basa nɛ baa pɛ na nna nɛ bumo be eleŋ kikɛ nɛ b suge ŋ gben.

Nshɛ 10:14

Ama fo Ebɔrɛ na bee wu tɔrɔ nɛ awurfoŋ ere kikɛ, nseŋ wora shiriya nɛ fo chɛ to. Basa nɛ baa wu awurfoŋ na bɔɔ fo enɔ nna. Fo e naa chɛ amunibi to na.

Nshɛ 10:2

Ŋkpensheŋ e luri m bɔlɔ basa lubi to nɛ baa fin bebɔlpo nɛ b baa tɔrɔ saŋkama. Shin nɛ b tɔr ajigbelɛ nɛ bumo gbagba sho na to.

Nshɛ 10:8

Baa ŋana ndekarso be ekpa to nna a jo, a fin esa nɛ e maŋ wora alubi nɛ b mɔ kenyanyaŋɛso. Baa dara nna a fin loŋ be esa.

Nshɛ 12:5

Ndoŋ nna nɛ Enyɛnpe Ebɔrɛ kaŋɛ le: “Meeŋ koso, ŋkpal bepɔshipo be kamɛaŋ, nɛ basa nɛ asheŋ bee tɔrɔ be kushuto so. Meeŋ sɔ bumo n yige.”

Nshɛ 14:6

Menyi, alubiworapoana e naa jija betirpo be ŋkre. Ama Enyɛnpe Ebɔrɛ e naa kuŋ bumo.

Aŋasa 14:31

Esa nɛ e bee mɛaŋ betirpo maa sa Ebɔrɛ nɛ e to bumo na bunyaŋ nna na, ama esa nɛ e bee wu betirpo kuwɔr bre bee bunyaŋ Ebɔrɛ nna.

Aŋasa 17:5

Fo baa wora betirpo eyurto, Ebɔrɛ nɛ E to bumo na nɛ fee wora eyurto na. Ebɔrɛ malɛ beeŋ gberge bekama nɛ bumo braana be awurfoŋ bee wora bumo ebel na kusoe.

Aŋasa 18:23

Etirpo bee kule nna pɔɛŋ nsaa nya kechɛto; ama damawura bre bee malga kanaŋkama nna.

Aŋasa 22:16

Basa nɛ baa puni betirpo a dii dama na, nɛ bumo nɛ baa kɛ damawuraana asɔ na, beeŋ ki betirpo.

Aŋasa 22:7

Damawuraana e naa ji betirpo so kuwura, nɛ basa nɛ baa paŋ asɔ bee ki bumo nɛ b paŋ bumo kutɔ na be anya.

Kaŋinichiŋgeliŋ 5:8

Fo baŋ wu abane be ekrachi ka bee tɔrɔ mbe efuli so be betirpo nsaa ji bumo durmu, sa maŋ shin nɛ k baa chinchiŋ fo, ŋkpal manɛ so ekrachi wurbi na bee wora a bɛ bumo be benimu be nnɔ so nna.

Aizaaya 53:3

Ekama daŋ keni mo jiga nna nseŋ kini mo n lɛ. Kagbenejija nɛ ebesa damta e daŋ bɔlɔ mo to, nɛ mo alɛ ji kanyiti nseŋ sɔ amo kikɛ n deŋi mbe kumu so. Ekama daa maa sha kewu mo kenishiso gba. B daŋ wu mo nna fanɛ esa jiga.

Eemɔs 4:1

Men nu nfe, menyi Samɛria be beche nɛ men danto durfɛ durfɛ fanɛ Bashan be efuli so be ana nɛ baa ji a moɛ ga na. Menyi e naa mɛaŋ betirpo nɛ betentaŋasepo nsaa nyaŋ menyi kulana fanɛ b baa sa menyi nsa na!

Eemɔs 5:11

Ŋkpal men ka mɛaŋ betirpo nseŋ suge bumo be adɔjibi so, menyi alɛ gba maaŋ nya elaŋ lela nɛ men ta ajembu m pɔr na n luri to, ŋko n nya men be asɔrso nɛ baa tre greep na be yabra belbelso n nuu.

Habakuk 3:14

Mbe benapo daŋ yarase fanɛ bɔrɛfugboŋ nna m ba, a tama fanɛ baaŋ pesaŋ anyi to nseŋ mur anyi nɛ bumo be ŋgbene e fuli bumo. Bumo ere kutɔ an la basa jiga nɛ baa shile a ŋana bumo so nna. Ama bumo gbagba be akɔsɔ nɛ fo ta m bure bumo be amu to.

Zakareya 7:10

Men sa maa kɔrfɛ bekulpoche nɛ amunibi nɛ befɔ nɛ b chena menyi to nɛ betentaŋasepo. Menyi alɛ e sa maa fɛ nfɛra lubi a laŋɛ men braana be kaplɛa so ashi menyi be ŋgbene to.’ ”

Baru lela nɛ Jɔn kute na 8:49

Nɛ Yesu kaŋɛ bumo: “Kiyoyu lubi kama maŋ wɔ ma to. N Tuto nɛ mee bunyaŋ nɛ menyi alɛ maa bunyaŋ ma.

Ashuŋ Shunso 13:50

Nɛ Juwebi na we n wɔtɔ kadegboŋ na to be benimu nɛ bebunyampocheana nɛ baa bunyaŋ Ebɔrɛ na nɛ b fara a tɔrɔ Pɔɔl nɛ Baanabas n ju bumo bumo be kasawule so.

Ashuŋ Shunso 17:6

B ka fin Pɔɔl nɛ Sailas ŋ gben nɛ b gberge Jeesɔn nɛ bekurgepo ko n ya sa kade na to be benimuana m ponte ŋ kaŋɛ: “Basa ere na nde kama to nna a baga amo to nseŋ ba anyi alɛ be kade ere to.

Ashuŋ Shunso 18:12

Galio ka ba ki Romebi be gomena ashi Griis nɛ Juwebi na wora kɔnɔkoŋwule n nyaŋ Pɔɔl n ta mo n yɔ demujikpa n ya kaŋɛ gomena na:

Ashuŋ Shunso 8:3

Ama Sɔɔl malɛ daa kɔ a fin kemur beyirdapoana na kikɛ nna nyam. E daa nite basa peana nna a nyaŋ beyirdapoana na, benyɛn nɛ beche kikɛ a lar n ya kaa ti ebu.

1 Kɔrintebi 11:22

Men maŋ kɔ epeana nna nɛ men baa ji nsaa nuu ndoŋana a? Ŋko menyee fɛl Ebɔrɛ be asɔri nna nsaa ŋaba bumo nɛ b maŋ kɔ shɛŋ na nna a? To, nɛ le ere, nuso nɛ mee kaŋɛ menyi? N chɔrɔ menyi ŋkpal le ere so a? Loŋ maaŋ wora kikɛ kuraa.

Jeems 2:3

nɛ men sa damawura na bunyaŋ ga nseŋ kaŋɛ mo le: “Ba chena kabɛ lela ere so nfe,” kumo be kaman nɛ men kilgi ŋ kaŋɛ etirpo na malɛ le: “Choŋ n yili ndoŋ ere,” ŋko “Ya chena ekarso ndoŋ ere.”

Jeems 5:4

Basa nɛ men shin nɛ b dɔ menyi, men kini keka bumo nɛ baa shu a ŋini basa kikɛ, bumo nɛ men ber paa nɛ b teŋi men be asɔ na gba be eyur nyaŋ bumo nɛ baa shu, bumo be kushu na malɛ luri Ebɔrɛ be asoe to.

Jeems 5:6

Men wu basa cheembi kulubi nseŋ mɔ bumo. Bumo alɛ maŋ nya kɔnɔ m bugi.