Jeems 2:5 - EBƆRƐ BE KAWƆL

⁵ Ŋ kurgepo shasoana, men baa nyi fanɛ basa nɛ b maŋ kɔ shɛŋ basa be anishito na nɛ Ebɔrɛ lara fanɛ b yirda Yesu Kristo nseŋ ki damawuraana ashi Ebɔrɛ be anishito nseŋ nya n luri mbe kuwura mo nɛ e nase kɔnɔ fanɛ e beeŋ sa basa nɛ baa sha mo na to.

Jeems 2:5 ပူးပေါင်းရင်းမြစ်များ

1 Bewura 22:28

Nɛ anebi Mikaya kaŋɛ le: “Fo baŋ bɛta m ba nɛ alenfia bre, kumo ere mannɛ Enyɛnpe Ebɔrɛ na e malga n sa ma!” Nseŋ kilgi ŋ kaŋɛ jimaŋ na le: “Men sa maŋ kaŋ teŋ kusɔ nɛ ŋ kaŋɛ ere so.”

Job be kawɔl 34:10

Men nu nfe, menyi nɛ menyee pin asheŋ to ere! Enyɛnpetale Ebɔrɛ beeŋ shuli n wora kusɔ nɛ k maŋ daga a?

Job be kawɔl 34:19

Ebɔrɛ e to anyi kikɛ kuraa. Mo alɛ maa keni eko a bɔlɔ kenishi a chɔ eko. Damawura ŋko etirpo, ewura ŋko ebɔlpo, kikɛ la kukoŋwule nna ashi mbe anishito.

Job be kawɔl 38:14

Karechɛ bee shin nɛ abee nɛ ataŋɛ bee lar efuli nna nɛ baa wu amo fanɛ kananɛ kabaa bee shin nɛ kusɔbuuso be kananɛ b baa kumo na bee dese nɛnɛ na, ŋko b ka ta kusɔ n yisi ebɔ wushi so nɛ kumo be nduli deŋi ebɔ wushiso na so na nna.

Ɛksodɔs 20:6

Ama mee ŋini basa nɛ baa sha ma nsaa bɛ ma mmalga nasesoana so na ma kasha nɛ k maa chɛrga na nna.

Aŋasa 13:7

Basa ko bee ta bumo be amu nna fanɛ damawuraana, ama bumo alɛ maŋ kɔ shɛŋ. Beko malɛ bee ta bumo be amu nna fanɛ betirpo, bumo alɛ nsaa la damawuraana kashenteŋto.

Aŋasa 7:24

Amoso, naniere, ma mbinyɛnsobi, men nu nfe. Men kaŋ kusoe n nu kusɔ nɛ mee kaŋɛ ere.

Aŋasa 8:32

Naniere, mbifɔlbi, men kaŋ kusoe n nu, Men wora asɔ nɛ ŋ kaŋɛ ere nɛ a shin nɛ men be ŋgbene e fuli menyi.

Aizaaya 14:32

Nɛ fanɛ kabɔ ko shi Filisti be efuli so m ba menyi kutɔ, a daga fanɛ men kaŋɛ mo le: “Enyɛnpe Ebɔrɛ na e pɔr Zayɔn, nɛ mbe basa to be etirpo gba e nya a wɔ ndoŋ nɛ shɛŋ maaŋ tɔrɔ mo.”

Aizaaya 29:19

Nɛ betirpo nɛ basa nɛ b du boeŋ e nya kagbenefuli nɛ Enyɛnpe, Israɛl be Ebɔrɛ cheembi na bee sa na.

Zefanaiya 3:12

Bekama nɛ b du boeŋ nsaa bar bumo be amu ase kashenteŋto na bre, m maaŋ ju bumo, ŋkpal b ka ta bumo be yirda n deŋi ma so so.

Zakareya 11:11

Amoso kumo be kamɔnchɛ kikɛ nɛ kɔnɔkoŋwule be ŋkre na ku to. Basa nɛ baa tɔ mbolpɔ a fa na daa keni ma nna, nseŋ pin fanɛ Enyɛnpe Ebɔrɛ na bɔla kusɔ nɛ n wora ere so nna a malga a sa bumo.

Zakareya 11:7

Ŋkpal loŋ so nɛ ŋ ki mbolpɔ nɛ b kɔ a yɔ nɛ b ya mɔ na be ekenipo, nseŋ ta akpabi anyɔ ŋ keta a kpa bumo na. N daa tre kuko ‘Kushuso’ nsaa tre kuko malɛ ‘Kɔnɔkoŋwule’ nna.

Matiu 11:5

Mee shin nɛ betanpo bee wu nɛ ebobi bee nite nɛ bebotipo bee nyalɛ so nɛ ekpawu bee nu nɛ bubuni bee tiŋi luwu to nɛ bebɔlpo malɛ bee nya a nu baru lela na be asheŋ.

Matiu 25:34

Kumo be kaman nɛ ma, Ewura na e kaŋɛ basa lela nɛ b wɔ ma jisoso na le: ‘Menyi nɛ n Tuto nɛfa na, men ba luri kuwura nɛ b lɔŋɛ n yili menyi kasɔto be jemanɛ na kikɛ na to.

Matiu 5:3

“Kagbenefuli la bekama nɛ b nyi b ka la bebɔlpo ashi Ebɔrɛ be anishito na peya nna, ŋkpal manɛ so, ebɔrɛso be kuwura na la loŋ be basa peya nna.

Maak 7:14

Nɛ Yesu naŋ tre jimaŋ na m ba mo kutɔ m ba kaŋɛ bumo: “Menyi kikɛ e kaŋ kusoe n nu nfe nseŋ pin to.

Luuk 12:21

Nɛ Yesu kaŋɛ: “To, kusɔ nɛ k beeŋ nya basa nɛ b maŋ kɔ shɛŋ Ebɔrɛ be anishito nsaa wɔtɔ a chala asɔ a sa bumo be amu nna na.”

Luuk 12:32

Ma basa, men maŋ shi, ama men sa maa lɔ kufu. Ŋkpal manɛ so, men Tuto be keparso nna nɛ e yili kumo fanɛ e beeŋ ta mbe kuwura na n sa menyi.

Luuk 16:22

Kachako nɛ etirpo na wu nɛ emalaika ta mbe kiyoyu n yɔ ebɔrɛso n ya chena Eebraham be kekel so.

Luuk 16:25

Nɛ Eebraham kaŋɛ mo le: ‘M pibi baa nyiŋi saŋɛ nɛ fo daa wɔ ŋkpa to a ji fo ebel na nsaa nyiŋi kananɛ Lazɔrɔs malɛ daŋ ji awurfoŋ na. Ama naniere e luri ebel to nɛ fo alɛ luri ebesa to.

Luuk 22:29

Kananɛ n Tuto lara ma nɛ ŋ ki ewura na nɛ ma alɛ gba bee lara menyi nɛ men ki bewura n tu ma

Luuk 6:20

Nɛ Yesu keni mbe bebɛsopo nseŋ kaŋɛ: “Kagbenefuli la menyi betirpo peya nna, ŋkpal manɛ so, Ebɔrɛ be kuwura na to la menyeya nna.

Baru lela nɛ Jɔn kute na 7:48

Kumo be kaman, men daŋ wu Juwebi be ejuŋkparpo kama ŋko Farisi kama ka yirda mo a?

Ashuŋ Shunso 7:2

Nɛ Stiven kaŋɛ: “N daana nɛ n tutoana, men nu nfe. Ebɔrɛ nɛ e daga kemaŋkura na e daŋ ba an nananyɛn Eebraham kutɔ, saŋɛ nɛ e daa wɔ Mɛsopoteemia pɔɛŋ m ba kaa n yɔ Haran be kade to na

Romebi 8:17

To, nɛ anyi alɛ baa la mbia bre, kumo ere anyeeŋ nya enɛfa nɛ e kɔ a jo mbe basa na. Kumo be kaman nɛ anyi nɛ Kristo e naaŋ nya kusɔ nɛ Ebɔrɛ kɔ a sa mo na, ŋkpal manɛ so, nɛ an baa tu Yesu a ji mbe awurfoŋ na fanɛ kananɛ e daŋ ji na, anyi alɛ beeŋ naŋ tu mo n nya mbe kemaŋkura na.

1 Kɔrintebi 2:9

Ama abɔrɛsibɛ na malɛ bee kaŋɛ fanɛ: “Esa kikɛ maŋ naŋ wu ŋko n nu ŋko n fɛ m pin kusɔ nɛ Ebɔrɛ bela ase n yili basa nɛ baa sha mo na.”

2 Kɔrintebi 4:15

Menyi alɛ be kechɛto so nɛ ade malɛ kikɛ du loŋ na, saŋɛ na so Ebɔrɛ malɛ be kuwɔr be kakɛ beeŋ baa salga to a tu basa damta a ti so nɛ b baa kɔ kechɔrɔ be kabɔrɛkule damta a ti so a sa Ebɔrɛ nɛ e nya kemaŋkura.

2 Kɔrintebi 6:10

An wɔ kagbenejija to, ama an be ŋgbene malɛ baa fuli anyi nna saŋkikɛ. Betirpo e la anyi, ama saŋkikɛ anyi alɛ bee wɔtɔ basa dama to nna. Anyi maŋ kɔ shɛŋ, anyi alɛ nsaa kɔ asɔ kikɛ.

2 Kɔrintebi 8:9

Ŋkpal manɛ so, men nyi Kristo, Enyɛnpe Yesu be kuwɔr be kakɛ na be asheŋ, fanɛ e ka la damawura, ama menyi so nɛ e ki etirpo, saŋɛ na so menyeeŋ bɔla mbe ketir so ŋ ki damawuraana.

Ɛfesesebi 1:18

Ma alɛ nseŋ kraŋ naa kule Ebɔrɛ fanɛ e shin nɛ men bugi men be ŋgbene to n tiŋ m pin tama mo nɛ men nya ŋkpal e ka tre menyi na so to, nseŋ naa pin mamachi be enɛfagboŋ nɛ e nase kɔnɔ fanɛ e beeŋ sa mbe basa na to.

Ɛfesesebi 3:8

Kashenteŋto nna fanɛ m maŋ fo Ebɔrɛ be basa to be ekekarso gba kuraa, ama Ebɔrɛ ta le be kuwɔr be kakɛ ere nna n sa ma nɛ m bɔ Kristo be enɛfa damta be baru lela na n sa nnyamase

1 Tɛsalɔnikaebi 2:12

An daa leŋ menyi to a lɔlɔ menyi nseŋ daa kaŋɛ menyi kananɛ menyeeŋ baa wora nɛ menyi be kebaawɔtɔ e baa par Ebɔrɛ nɛ e bee tre menyi a ba mbe kuwura nɛ kemaŋkura na to na.

2 Tɛsalɔnikaebi 1:5

Kede ere e naaŋ ŋini Ebɔrɛ be demu be keji ka du cheembi, ŋkpal manɛ so, ade kikɛ e shin nɛ men daga mbe kuwura nɛ men kpal kumo so a ji awurfoŋ na.

1 Timoti 6:18

Ŋini bumo fanɛ b baa wora kelela nsaa la basa a bugi ŋgbene a sa basa bumo be asɔ na be ako.

2 Timoti 4:18

Enyɛnpe malɛ beeŋ lara ma ashi kulubi kikɛ to nseŋ yɛr ma mbe ebɔrɛso be kuwura to. Kemaŋkura e baa wɔ mo so hale mbaanaayɔ. Amɛn.

2 Timoti 4:8

Naniere bre ma kejinlar be kakɛ e ka a jo ma nɛ n sɔ. Kumo be kamɔnchɛ Enyɛnpe nɛ e maa ji demu a puni na beeŋ ta kumo ŋ kɛ ma. Mannɛ n nawule, ama e beeŋ ta kumo ŋ kɛ bekama nɛ b kɔ kasha a jo mbe kelar m ba na gba n ti so.

Hibruwebi 11:26

E daa sha kekpal Mesaya na so n ji anishinyɔr ga a chɔ keji Ijipt be damaso be asɔ na, ŋkpal manɛ so, mbe anishi daa yuu tɔnɔ mo nɛ e daa beeŋ nya kachako na so nna.

Jeems 1:12

Ekama nɛ e pɔɔ kechɔŋkeni so, kagbenefuli beeŋ baa wɔ mo to, ŋkpal manɛ so, Setani baŋ chɔ mo ŋ keni ŋ gben. Ebɔrɛ beeŋ sa mo mbe ŋkpa nɛ e nase kɔnɔ fanɛ e beeŋ sa bekama nɛ baa sha mo na.

Jeems 1:16

Ŋ kurgepo shasoana, men sa maŋ fule men be amu.

Jeems 1:19

Ŋ kurgepo shasoana, men ta kesheŋ ere n wɔtɔ ŋgbene to a nyi fanɛ ekama e baa nya manaŋ a nu asheŋ, ama e sa maa nya manaŋ a malga asheŋ ŋko a nya agbo manaŋ manaŋ,

Jeems 1:9

Ekurgepo kama nɛ e maŋ la shɛŋ basa kutɔ e shin nɛ mbe kagbene e baa fuli mo fanɛ mbe ketre dii Ebɔrɛ be anishito.

1 Pita 1:4

Kede e shin nɛ an kɔ tama nɛ k maa chɛrga nseŋ naa keni enɛfa damta nɛ Ebɔrɛ kɔ a jo mbe basa na ekpa. Ebɔrɛso nɛ e kɔ amo a jo menyi, kakpa nɛ a maaŋ tiŋ m bɛ ŋko n jija ŋko ŋ kpeŋ kikɛ na.

2 Pita 1:11

Saŋɛ na so baaŋ bugi ekpa pawu n sa menyi nɛ men luri an Nyɛnpe nɛ an be Emɔlgapo Yesu Kristo be kuwura nɛ k maŋ kɔ ekar na to.

Kelaraŋŋini 2:9

N nyi men be etɔrɔ nsaa nyi men be ketir be asheŋ, ama kashenteŋ bre, damawuraana e la menyi. Ma alɛ kraŋ naa nyi mmalga lubi mo nɛ basa nɛ baa tre bumo be amu Juwebi, bumo alɛ ŋkaa maŋ la na bee malga a gbiti menyi, ama bumo alɛ la Setani be katuŋ to be basa nna.

Kelaraŋŋini 21:7

Ekama nɛ e kɔ m pɔɔ so beeŋ nya ade kikɛ, nɛ m baa la amodoŋwura be Ebɔrɛ nɛ mo alɛ e baa la m pibi.

Kelaraŋŋini 3:18

Amoso, mee sa menyi nfɛra nna fanɛ men tɔ shuwa mo nɛ a maŋ kɔ saŋgre kikɛ amo to ŋ kutɔ, saŋɛ na so menyeeŋ dii dama. Men tɔ asɔbuuso fuful gba ashi ŋ kutɔ m buu men be anishinyɔr be eyurkpaŋ na so nseŋ tɔ kudur malɛ gba n fɔr men be anishiana so n tiŋ a wu.

Demujipoana 9:7

Jotam ka nu kumo be asheŋ nɛ e dii n yɔ kebee nɛ baa tre Gɛrizim na be awɔlto nseŋ ponte awɔrso ŋ kaŋɛ le: “Shɛkɛmebi, men nu n sa ma, saŋɛ na so nɛ Ebɔrɛ e nu n sa menyi!”

1 Samuɛl 2:30

Ma, Enyɛnpe, Israɛl be Ebɔrɛ na e daŋ nase kɔnɔ fanɛ fo kanaŋ e naaŋ baa la bɔrɛmatapoana mbaanaayɔ, ama mee kaŋɛ fo nna fanɛ loŋ maaŋ naŋ wora kikɛ. Basa kama nɛ baa bunyaŋ ma na nɛ mee sa bunyaŋ nsaa sho bekama nɛ b kishi ma na kɔnɔ.

1 Samuɛl 2:8

Fo e naa pulgi betirpo ashi shishɛr to nsaa lara betentaŋasepo ashi bumo be awurfoŋ to; Nsaa ta bumo a yili bewurbi be eyilikpa, ashi ewura be laŋ to be bunyaŋ be kakpa na. Fo Enyɛnpe e wora durnya ere be gbaltɔlase, nseŋ pɔr durnya n yili kumo so.