Jeems 2:23 - EBƆRƐ BE KAWƆL

²³ Loŋ malɛ e naa shin nɛ abɔrɛsibɛ na be kɔnɔ bee bɔlɔ fanɛ Eebraham yirda Ebɔrɛ nɛ Ebɔrɛ yili kumo fanɛ e maŋ kɔ kulubi mo to na. Amoso nɛ Ebɔrɛ daŋ tre mo mo teri na.

Jeems 2:23 ပူးပေါင်းရင်းမြစ်များ

Jɛnesis 15:6

Nɛ Eebram yirda Enyɛnpe be kamalga na. Nɛ Enyɛnpe na malɛ kpal loŋ so n nase kumo fanɛ e la esa nɛ e niŋi nna ashi mbe anishi to.

1 Bewura 4:5

Esa nɛ e daa la abane na be abonfu abonfu be bejuŋkparpo be enimu gboŋ e daa la Neetan pibinyɛn Azariya, nɛ bɔrɛmatapo Zabud nɛ mo alɛ gba la Neetan pibinyɛn na malɛ la bewura be asoetojipo.

2 Kronikɛls 20:7

Fo e la anyi be Ebɔrɛ. Fo basa Israɛlebi na ka koso m ba kasawule ere so na, fo e ju basa nɛ b daa wɔ nfe na nseŋ ta kasawule na n sa fo teri Eebraham be kaman to ebi nɛ k baa la bumo peya mbaanaayɔ.

Job be kawɔl 16:21

Kananɛ esa bee kule Ebɔrɛ a sa mo nekpa na nɛ mee fin esa nɛ e beeŋ kule Ebɔrɛ n sa ma.

Ɛksodɔs 33:11

Enyɛnpe Ebɔrɛ na nɛ Mosis daa malga abar kutɔ nna fanɛ esa nɛ mo teri na. Kumo be kaman nɛ Mosis e bɛta m ba keeyi to. Mbe kayɛrbi, nɛ baa tre Joshuwa nɛ e la Nun pibinyɛn na bre daa shir a wɔ nshɛr be wajɛbu na to nna.

Aizaaya 41:8

Israɛlebi, men la ma nyɛrbi nna. Ma e lara menyi. Menyi nɛ men la nteri Eebraham be kaman to ebi na nɛ n lara.

Maak 12:10

Men maŋ naŋ kraŋ abɔrɛsibɛ nɛ a bee kaŋɛ le: ‘Kejembu mo nɛ bepɔrpo kini na e ba ki ebu na be kebonfu be gbaltɔlase lela na.

Maak 15:27

B daŋ gbir beyu anyɔ ko gba m mata ndibi largatoana so n ti mo so, ekoŋwule daa wɔ mbe jisoso nɛ ekoŋwule malɛ daa wɔ mbe bena so.

Luuk 4:21

Nɛ e fara a malga a sa bumo: “Kakraŋ nɛ men nu naniere bɔla kabre.”

Ashuŋ Shunso 1:16

“Ŋ kurgepoana, a daga fanɛ abɔrɛsibɛ na ka bɔla ekpa fanɛ kananɛ Kiyoyu Cheeŋ na shin nɛ Deevid wu ŋ kaŋɛ Judas nɛ e juŋkpar basa nɛ b pɛ Yesu na be asheŋ.

Romebi 11:2

Ebɔrɛ maŋ kini mbe basa nɛ e lara dra dra na kikɛ kuraa. Men nyi kusɔ nɛ abɔrɛsibɛ na bee kaŋɛ ashi kakpa nɛ a bee malga anebi Elaija be asheŋ fanɛ kananɛ e ta kenishipere ŋ kule Ebɔrɛ ŋ gbiti Israɛlebi na ŋko? E yɛ:

Romebi 9:17

Ŋkpal manɛ so, le nɛ abɔrɛsibɛ na bee kaŋɛ fanɛ Ebɔrɛ kaŋɛ ewura Fɛɛro: “M maŋ fo so nna ŋkpal le so nɛ m bɔla fo so ŋ ŋini ma eleŋ nseŋ shin nɛ durnya kikɛ e pin ma asheŋ.”

Galeeshaebi 3:22

Ama abɔrɛsibɛ na bee kaŋɛ fanɛ durnya kikɛ wɔ alubi be enɔ to nna, amoso, basa nɛ b yirda beeŋ nya kakɛ nɛ Ebɔrɛ nase kɔnɔ fanɛ e beeŋ sa na ŋkpal b ka bee yirda Yesu Kristo so.

Galeeshaebi 3:6

Men ta fanɛ Eebraham le, e daŋ yirda Ebɔrɛ nna nɛ Ebɔrɛ kpal loŋ so n nase kumo fanɛ e la elelapo mbe anishito.

2 Timoti 3:16

Ebɔrɛ e wɔ abɔrɛsibɛ ere kikɛ be kaman nɛ amo alɛ walɛ keta ŋ ŋini kashenteŋ na nɛ keta n fiɛ bumo nɛ baa wora a jija so nɛ keta n lara esa kewora n foe to nɛ keta ŋ ŋini esa kebaawɔtɔ lela.

Jeems 2:24

To, le e naa ŋini fanɛ esa be ashuŋ shunso so nɛ Ebɔrɛ bee yili kumo fanɛ esa na maŋ kɔ kulubi mo to, mannɛ amodoŋwura be yirda nawule so.

1 Pita 2:6

Ŋkpal manɛ so, abɔrɛsibɛ na bee kaŋɛ fanɛ Ebɔrɛ bee kaŋɛ le nna: “Men keni, kejembu nɛ n lara nɛ k la ma kenishi nɛ n ta n nase Zayɔn to na, k la kebonfu to be gbaltɔlasejembu nna nɛ esa kama malɛ nɛ e yirda mo maaŋ ji anishinyɔr kikɛ.”