Jeems 2:22 - EBƆRƐ BE KAWƆL

²² To, kede e naa ŋini fanɛ Eebraham be kebaawɔtɔ to yirda nɛ kumo be ashuŋ shunso e naa yɔ. E daŋ yirda Ebɔrɛ nseŋ daŋ naa wora alelasheŋ. Le malɛ be kebaawɔtɔ ere e naa ŋini e ka daŋ yirda Ebɔrɛ kashenteŋto.

Jeems 2:22 ပူးပေါင်းရင်းမြစ်များ

Jɛnesis 22:12

Nɛ malaika na kaŋɛ: “Sa maŋ kaŋ mɔ kebia na. Naniere m pin fo ka bee sha ma Ebɔrɛ, ŋkpal manɛ so, fo maŋ mɔn ma fo pibinyɛn koŋwule nɛ fee sha ga na.”

Baru lela nɛ Jɔn kute na 6:29

Nɛ Yesu kaŋɛ bumo le: “Ebɔrɛ be kushuŋ e la keyirda esa nɛ e shuŋi na.”

Galeeshaebi 5:6

Ŋkpal manɛ so, nɛ an baa wɔ Kristo to, emo nɛ e ku kututu nɛ emo nɛ e maŋ ku kututu maŋ kɔr abar to. Kusɔ koŋwule nɛ k baa tir e la yirda nɛ k bee bɔla kasha so a shuŋ.

1 Tɛsalɔnikaebi 1:3

Ŋkpal manɛ so, an baa kule anyi be Ebɔrɛ Etuto na, anyee nyiŋi kananɛ men ta men be yirda a shuŋ kushuŋ nɛ kananɛ men be kasha shin nɛ men mɔ men be amu a shuŋ. Anyee kaa nyiŋi kananɛ men kɔ tama kpakpaso an Nyɛnpe Yesu Kristo so ashi an be Ebɔrɛ Etuto na be anishito.

Jeems 2:18

Nɛ menyi to be ekama kaŋɛ ma fanɛ esa ko wɔtɔ a kɔ yirda nɛ eko malɛ wɔtɔ a kɔ yirda be ashuŋ shunso, meeŋ kaŋɛ amodoŋwura fanɛ e ŋini ma kananɛ esa beeŋ wora ŋ kini yirda be ashuŋ shunso be kewora nsaa bɛ Ebɔrɛ so nɛ kashenteŋ. Kumo be kaman nɛ ma alɛ e bɔla ma ashuŋ shunso so ŋ ŋini mo kananɛ kashenteŋ be yirda du.

1 Jɔn 2:5

Ama esa kama nɛ e bee bɛ Ebɔrɛ na be mmalga naseso so, amodoŋwura e la esa nɛ Ebɔrɛ be kasha bɔlɔ mo to felɛlɛ kashenteŋto Loŋ malɛ nɛ anyee ta a pin fanɛ an ka wɔ Ebɔrɛ to.