Jeems 2:21 - EBƆRƐ BE KAWƆL

²¹ An ta fanɛ an nananyɛn Eebraham ŋ keni kusɔ nɛ k ba nɛ Ebɔrɛ daŋ yili kumo fanɛ mo ere Eebraham maŋ kɔ kulubi mo to na. E ka daŋ shuli n ta mo pibi Aizek nɛ e ya lara sarga n sa Ebɔrɛ na so so nɛ Ebɔrɛ daŋ yili kumo fanɛ e maŋ kɔ kulubi mo to na.

Jeems 2:21 ပူးပေါင်းရင်းမြစ်များ

Nshɛ 143:2

Sa maŋ ji ma, fo kayɛrbi demu; ŋkpal manɛ so, esa kikɛ be kebaawɔtɔ maŋ niŋi ashi fo anishito.

Aizaaya 51:2

Ma, Ebɔrɛ e lara Eebraham nɛ mbe eche Sɛɛra, nɛ men baa la bumo be kaman to ebi. Jemanɛ nɛ n daŋ tre Eebraham na, nɛ e daa maŋ kɔ ebi, kumo be kaman nɛ n nɛfa mo nseŋ sa mo kaman to ebi damta.

Matiu 12:37

Ŋkpal manɛ so, esa be mmalga so nɛ baaŋ ba yili n ji amodoŋwura demu. Mmalga na e naaŋ ba shin nɛ fo ji n lar ŋko n tɔr ntaŋ.”

Matiu 3:9

nsaa maa fɛ fanɛ, nɛ men kaŋɛ men be amu le: ‘An nana e la Eebraham’, menyeeŋ ji n lar. Ma e kaŋɛ menyi na fanɛ Ebɔrɛ beeŋ tiŋ n ta ajembu ere m pɔr kaman to ebi n sa Eebraham.

Luuk 1:73

E nase kɔnɔ n sa an nana Eebraham

Luuk 16:24

Ndoŋ nna nɛ e lara ebɔl n tre Eebraham ŋ kaŋɛ mo le: ‘Etuto Eebraham, wu ma kuwɔr nseŋ shuŋi Lazɔrɔs nɛ e ta mbe keshilbi n wɔtɔ nchu to m ba do ma kudonduloŋ so nɛ k wushi ma, ŋkpal manɛ so, ebesa gbagba e naa tɔrɔ ma edɛ wuloŋwuloŋ ere to na.’

Luuk 16:30

Nɛ kanyɛn na naŋ kaŋɛ: ‘Ayai, etuto Eebraham, mannɛ aloŋ nna, ŋkpal manɛ so, nɛ esa baŋ shi luwu to n ya malga n sa bumo, baaŋ lar bumo be alubi to.’

Baru lela nɛ Jɔn kute na 8:39

Ndoŋ nna nɛ b kaŋɛ Yesu: “Eebraham e la an tuto.” Nɛ Yesu kaŋɛ bumo: “Nɛ men daa la Eebraham be mbia nna, men daa beeŋ baa wora asɔ nɛ Eebraham daŋ wora.

Baru lela nɛ Jɔn kute na 8:53

Fo chɔ an tuto Eebraham nna a? Mo nɛ anebiana na kikɛ wu. To, nɛ wanɛ nɛ fee tama fanɛ fo ere la?”

Ashuŋ Shunso 7:2

Nɛ Stiven kaŋɛ: “N daana nɛ n tutoana, men nu nfe. Ebɔrɛ nɛ e daga kemaŋkura na e daŋ ba an nananyɛn Eebraham kutɔ, saŋɛ nɛ e daa wɔ Mɛsopoteemia pɔɛŋ m ba kaa n yɔ Haran be kade to na

Romebi 3:20

Ŋkpal manɛ so, mannɛ esa nɛ e bee wora mbra be ashuŋ shunso e la esa nɛ Ebɔrɛ nase kumo fanɛ e la elelapo. Kusɔ nɛ mbra na baa ŋini e la kebaashin nɛ basa e baa pin kulubi be asheŋ.

Romebi 4:1

To, nɛ an keni an nananyɛn Eebraham malɛ be kebaawɔtɔ to, nuso nɛ anyeeŋ kaŋɛ? Manɛ nɛ e daŋ wu mbe kebaawɔtɔ to?

Romebi 4:12

Mo ere Eebraham koŋwule na e la bumo nɛ b ku atutu na gba bumo tuto, ama mannɛ b ka baŋ ku na so, b ka wɔ yirda be kebaawɔtɔ koŋwule nɛ mo ere Eebraham daa wɔ to pɔɛŋ nseŋ ku kututu na gba so.

Romebi 4:16

Amoso, yirda e la kɔnɔ naseso be kumu, saŋɛ na so, loŋ be kɔnɔ naseso na beeŋ baa la Ebɔrɛ be kakɛ be tɔɔnɛ a sa Eebraham be kaman to ebi kikɛ, mannɛ bumo nɛ baa bɛ mbra na so nawule na, ama bumo nɛ b yirda Ebɔrɛ fanɛ kananɛ Eebraham daŋ yirda na gba ti so. Ŋkpal manɛ so, Eebraham e la anyi kikɛ be etuto ashi abɔrɛsheŋ be kaplɛa so.

Hibruwebi 11:17

Yirda so nɛ Eebraham daŋ ta Aizek a shin nɛ e lara sarga n sa Ebɔrɛ saŋɛ nɛ b daŋ wora mo ŋ keni na. Mo alɛ nɛ Ebɔrɛ daŋ ta mbe nnɔ nasesoana n sa, ama e daŋ shuli fanɛ e beeŋ ta mo pibi koŋwule na m mɔ n lara sarga.

Jeems 2:18

Nɛ menyi to be ekama kaŋɛ ma fanɛ esa ko wɔtɔ a kɔ yirda nɛ eko malɛ wɔtɔ a kɔ yirda be ashuŋ shunso, meeŋ kaŋɛ amodoŋwura fanɛ e ŋini ma kananɛ esa beeŋ wora ŋ kini yirda be ashuŋ shunso be kewora nsaa bɛ Ebɔrɛ so nɛ kashenteŋ. Kumo be kaman nɛ ma alɛ e bɔla ma ashuŋ shunso so ŋ ŋini mo kananɛ kashenteŋ be yirda du.

Jeems 2:24

To, le e naa ŋini fanɛ esa be ashuŋ shunso so nɛ Ebɔrɛ bee yili kumo fanɛ esa na maŋ kɔ kulubi mo to, mannɛ amodoŋwura be yirda nawule so.

Joshuwa 24:3

Ndoŋ nna nɛ n lara men nananyɛn Eebraham ashi Yufreetes be kaba ndoŋ n ya ta mo n nite Keenan be kasawule so kikɛ. N daŋ sa mo ebinyɛn nɛ baa tre mo Aizek nɛ e ki kanaŋ damtawura.