Jeems 2:20 - EBƆRƐ BE KAWƆL

²⁰ Ewulpo e la fo nɛ fo maŋ nyi fanɛ esa baŋ kaŋɛ fanɛ e yirda Ebɔrɛ nsaa maa wora yirda be ashuŋ shunso, mbe yirda na la yirda fuloŋ nna a!

Jeems 2:20 ပူးပေါင်းရင်းမြစ်များ

Aŋasa 12:11

Bedɔpo nɛ b pere kenishi a shuŋ maaŋ paŋ kusɔ jiso kikɛ, ewulpo e naa jija saŋɛ a bɛ asheŋ fuloŋ so.

Jɛremaya 2:5

E yɛ: “Men nananyɛnana daa maŋ wu ma kulubi kikɛ, ama b daŋ lar ma kaman nseŋ shuŋ agbir nɛ e maŋ kɔ tɔnɔ nseŋ ki basa nɛ b maŋ kɔ tɔnɔ n sa ma.

Romebi 1:21

B nyi Ebɔrɛ be asheŋ, ama bumo alɛ maa ta mo fanɛ Ebɔrɛ a bunyaŋ mo ŋko a chɔrɔ mo. Ama b shin nɛ bumo be nfɛra ki nfɛra fuloŋ nna nɛ bumo be kawuliso be ŋgbene malɛ ki m biri to.

Romebi 3:28

Ŋkpal manɛ so, kusɔ nɛ an baa kɔ to e la fanɛ yirda e naa shin nɛ esa bee ji a lar Ebɔrɛ be anishito, mannɛ kebaabɛ mbra na be asheŋ woraso so.

Romebi 9:20

Ama fo alɛ dimɛdi e la wanɛ nɛ fo tiŋ m malga n ji Ebɔrɛ emɔrɔ le? Kusɔ pɔrso beeŋ tiŋ ŋ kaŋɛ kumo be epɔrpo le: “Manɛ e ba nɛ fo pɔr ma le” a?

Galeeshaebi 5:6

Ŋkpal manɛ so, nɛ an baa wɔ Kristo to, emo nɛ e ku kututu nɛ emo nɛ e maŋ ku kututu maŋ kɔr abar to. Kusɔ koŋwule nɛ k baa tir e la yirda nɛ k bee bɔla kasha so a shuŋ.

Galeeshaebi 6:3

Nɛ ekama nɛ e bee fɛ fanɛ e la esagboŋ ko nna, mo alɛ ŋkaa maa la shɛŋ, bee fule mo gbagba be kumu nna na.

Kɔlɔsiebi 2:8

Men baa da so nɛ ekama e sa maŋ kaŋ ta efɛ nɛ kanyiasheŋ fuloŋ n fule menyi m bɛ mbe kumu so, kumo e la fanɛ nyiŋgbasa be edaŋkaresheŋ nɛ a maŋ kɔ shɛŋ nsaa la sososo be asɔ ŋiniso na nɛ a maŋ shi Yesu Kristo na kutɔ na,

1 Timoti 1:6

Basa ko bre lar le be asheŋ ere to n foe a wɔ emɔrɔ fuloŋana to.

Taites 1:10

Ŋkpal manɛ so, amuleŋwuraana damta nɛ bumo be efɛ nɛ mmalga fuloŋ shi ndoŋ ga, fɔnfɔŋ bebɛsopo nɛ b shi Juwebi be kanaŋ to na.

Jeems 1:26

Esa kama nɛ e yɛ e bee bɛ Ebɔrɛ so nsaa maa de mmalga nɛ a bee lar mbe kɔnɔ to so bee fule mbe kumu nna, nɛ mbe kebɛso na malɛ la kebɛso fuloŋ.

Jeems 2:17

To, loŋ gbagba chap nɛ keyirda Ebɔrɛ du fanɛ nɛ esa baŋ kaŋɛ fanɛ e yirda Ebɔrɛ nsaa maa kɔ yirda be ashuŋ shunso, amodoŋwura be yirda na la yirda wuso nna.

Jeems 2:26

To, ade kikɛ e naa ŋini fanɛ yirda nɛ k maŋ kɔ ashuŋ shunso du jiga nna fanɛ esa be kiyoyu ka lar mo to nɛ e ki ebuni a dese na nna.