Jeems 2:14 - EBƆRƐ BE KAWƆL

¹⁴ Ŋ kurgepoana, esa baŋ kaŋɛ fanɛ e yirda Ebɔrɛ nsaa maa wora yirda be ashuŋ shunso, manɛ be kifi e wɔ mbe yirda na to? Ebɔrɛ beeŋ kpal le be yirda so m mɔlga mo a?

Jeems 2:14 ပူးပေါင်းရင်းမြစ်များ

Jɛremaya 7:8

Ama men kini nseŋ ta menyi be yirda n wɔtɔ kafule be mmalga nɛ e maŋ kɔ tɔnɔ to.

Matiu 5:20

Ŋkpal manɛ so, ma e kaŋɛ menyi na fanɛ, nɛ men be alelasheŋ maŋ shi a chɔ mbraŋinipoana na nɛ Efarisiana na peya, men maaŋ luri Ebɔrɛ be kuwura na to kikɛ.

Luuk 3:11

Nɛ e kaŋɛ bumo: “Ekama nɛ e kɔ nle anyɔ, e lara kuko n sa emo nɛ e maŋ kɔ. Nɛ ekama malɛ nɛ e kɔ ajibi e sa beko.”

Luuk 6:49

Ama esa nɛ e bee nu ma mmalga a maa bɛ amo so du fanɛ esa nɛ e maŋ tɔl mbe ebu be kifi nseŋ pɔr kumo n yili nna. Nchu ka bɔlɔ kakpa m ba ber ebu na nɛ k tɔr epul to. Kumo be ketɔr na daŋ lubi ga.”

Ashuŋ Shunso 15:9

E maŋ ŋini fanɛ an kɔr bumo to. Bumo be yirda so nɛ e ta bumo be alubi m paŋ bumo.

Ashuŋ Shunso 8:13

Saimɔn gba daŋ yirda Filip be kubɔya na nɛ b bɛr mo kabɔrɛbɛr. Kumo be kaman nɛ e ta mbe kumu m mata Filip nseŋ wu Ebɔrɛ be eleŋ be emamachisheŋ ŋiniso nɛ Filip daŋ wora na nɛ mbe kɔnɔ mɔ mo ga.

Ashuŋ Shunso 8:21

Fo maŋ kɔ shɛŋ anyi be kushuŋ ere to, ŋkpal manɛ so, fo kagbene maŋ bɔla ekpa ashi Ebɔrɛ kutɔ.

Romebi 2:25

Nɛ fee bɛ mbra na be kɔnɔ so nseŋ ku kututu, kumo ere fo keku na kɔ kifi, ama nɛ fo maa bɛ mbra na be kɔnɔ so nseŋ ku kututu, kenyanyaŋɛso nɛ fo ku na.

1 Kɔrintebi 15:2

Baru lela na so nɛ menyee nya kumɔlga, nɛ men baa kɔ kumo to kpakpa nna na, ama men daŋ yirda jiga nna.

1 Kɔrintebi 16:22

Ekama nɛ e maa sha Enyɛnpe na, kɔnɔso e baa wɔ amodoŋwura na so. An Nyɛnpe e naaŋ bɛta m ba.

Galeeshaebi 5:13

Ŋ kurgepoana, Ebɔrɛ tre menyi ere nna nɛ men ba kaa wɔ men be amu. Ama men sa maŋ kaŋ shin nɛ le be kamoowɔ ere e sa menyi ekpa nɛ men shin nɛ men be eyur to be ayɛlgasɔ e baa wɔ menyi. Ama men shin nɛ kasha e baa shin nɛ men baa shuŋ abar.

Galeeshaebi 5:6

Ŋkpal manɛ so, nɛ an baa wɔ Kristo to, emo nɛ e ku kututu nɛ emo nɛ e maŋ ku kututu maŋ kɔr abar to. Kusɔ koŋwule nɛ k baa tir e la yirda nɛ k bee bɔla kasha so a shuŋ.

1 Tɛsalɔnikaebi 1:3

Ŋkpal manɛ so, an baa kule anyi be Ebɔrɛ Etuto na, anyee nyiŋi kananɛ men ta men be yirda a shuŋ kushuŋ nɛ kananɛ men be kasha shin nɛ men mɔ men be amu a shuŋ. Anyee kaa nyiŋi kananɛ men kɔ tama kpakpaso an Nyɛnpe Yesu Kristo so ashi an be Ebɔrɛ Etuto na be anishito.

1 Timoti 1:5

Anyi ere be keŋini ere be kumu e la kasha nɛ k shi kagbene cheembi nɛ nfɛra lela nɛ yirda kpakpaso to na nna.

1 Timoti 4:8

Ŋkpal manɛ so, esa be kebaakeni mbe eyur so la kusɔ lela nna, ama esa baa ŋini mbe kumu abɔrɛsheŋ be kebaawɔtɔ, loŋ e bɔ, ŋkpal manɛ so, k beeŋ tiŋ n chɛ mo to durnya ere to nfe nseŋ naŋ chɛ mo to saŋɛ nɛ e beeŋ yɔ ebɔrɛso na.

Taites 1:16

B yɛ b nyi Ebɔrɛ, bumo alɛ nsaa kini mo ashi bumo be kebaawɔtɔ nɛ asheŋ woraso to. Bumo be alubisheŋ nɛ bumo be amuleŋ maŋ kɔ ebarkasa, b maŋ walɛ kelela be kusɔ kama be kewora.

Taites 3:8

Kesheŋ ere la kashenteŋ nna. Mee sha fanɛ fo ta kenishipere nna n wɔtɔ le be asheŋ ere to nɛ bumo nɛ b ba yirda Ebɔrɛ na e baa wɔ ashuŋ lela be kebaawɔtɔ to. Le be mmalga ere la kashenteŋ nna nɛ a beeŋ chɛ basa to.

Hibruwebi 11:17

Yirda so nɛ Eebraham daŋ ta Aizek a shin nɛ e lara sarga n sa Ebɔrɛ saŋɛ nɛ b daŋ wora mo ŋ keni na. Mo alɛ nɛ Ebɔrɛ daŋ ta mbe nnɔ nasesoana n sa, ama e daŋ shuli fanɛ e beeŋ ta mo pibi koŋwule na m mɔ n lara sarga.

Hibruwebi 13:9

Men sa maŋ shin nɛ keŋini be nnaŋ to nɛ a wɔtɔ ere e fule menyi kikɛ nɛ men foe ekpa. Ebɔrɛ be kuwɔr be kakɛ e daga kebaaleŋ menyi be ŋgbeneana to, mannɛ edaŋkaresheŋ be ekpaana be ajibi nɛ a maŋ kɔ tɔnɔ n sa basa nɛ b ji amo na.

Jeems 1:16

Ŋ kurgepo shasoana, men sa maŋ fule men be amu.

Jeems 2:16

nɛ fo wu mo nseŋ kaŋɛ mo le: “Ebɔrɛ e chɛ fo to nseŋ sa fo asɔbuuso lela nɛ ajibi,” fo alɛ maŋ chɛ mo to n sa mo asɔ nɛ a daga, mannɛ asheŋ fuloŋ nɛ fo wora ere a?

Jeems 2:18

Nɛ menyi to be ekama kaŋɛ ma fanɛ esa ko wɔtɔ a kɔ yirda nɛ eko malɛ wɔtɔ a kɔ yirda be ashuŋ shunso, meeŋ kaŋɛ amodoŋwura fanɛ e ŋini ma kananɛ esa beeŋ wora ŋ kini yirda be ashuŋ shunso be kewora nsaa bɛ Ebɔrɛ so nɛ kashenteŋ. Kumo be kaman nɛ ma alɛ e bɔla ma ashuŋ shunso so ŋ ŋini mo kananɛ kashenteŋ be yirda du.

Jeems 2:26

To, ade kikɛ e naa ŋini fanɛ yirda nɛ k maŋ kɔ ashuŋ shunso du jiga nna fanɛ esa be kiyoyu ka lar mo to nɛ e ki ebuni a dese na nna.

2 Pita 1:5

Amoso, ŋkpal le ere so, men wora ania ga n ta kelela n ti men be yirda so. Kelela na malɛ be kaman nɛ men ta kanyiasheŋ m bɛ so.