Jeems 1:6 - EBƆRƐ BE KAWƆL

⁶ Ama fo kama nɛ fo kule mo kusɔ kama, fo yirda fanɛ e beeŋ sa fo kumo nsaa maa wora shikashika, ŋkpal manɛ so, esa kama nɛ e bee kule Ebɔrɛ asɔ nsaa wora shikashika, du fanɛ afugboŋ ka bee kaa ketili nchu so a yɔ a ba na nna.

Jeems 1:6 ပူးပေါင်းရင်းမြစ်များ

Jɛnesis 49:4

Fo daa du fanɛ ketiligboŋ nna, ama fo maaŋ naa la esagboŋ ŋkpal fo ka di ma kowurche keche nɛ kenyɛn n wora ma, fo tuto be edesekpa eyurpi na so so.

Matiu 14:28

Ndoŋ nna nɛ Pita kaŋɛ le: “Enyɛnpe, nɛ fo gbagba e baa la, fo shin nɛ n nite nchu ere so m ba fo kutɔ.”

Ashuŋ Shunso 10:20

Amoso, koso m bela ase ŋ gbelge n ya shuli n tu bumo n yɔ, ŋkpal manɛ so, ma e shuŋi bumo.”

Ɛfesesebi 4:14

Saŋɛ na so an maaŋ naa du fanɛ mbia nɛ basa e baa ta efɛ be keŋini be yiri kikɛ a kɔ a kpata anyi a lɛ a yɔ a ba fanɛ afu ka shin nɛ nchu koso a baga to na. Basa nɛ baa wora loŋ na wɔtɔ nna a kɔ bumo gbagba be efɛ be kanyiasheŋ a shin nɛ basa bee foe ekpa.

1 Timoti 2:8

Mee sha nna fanɛ kaplɛkama benyɛn nɛ b maa ta bumo be enɔana a shuŋ alubi e baa maŋ amo so kabɔrɛkule to nsaa maa keta kanya agbo ŋko a kini keyirda fanɛ Ebɔrɛ bee nu kabɔrɛkule.

Hibruwebi 10:23

Men shin nɛ an baa kɔ anyi be shɛda na to kpakpa nsaa maa gbuŋgbuŋ to, ŋkpal manɛ so, esa nɛ e nase kɔnɔ n sa anyi na maa yɛ asheŋ a chɛrga kɔnɔ kikɛ.

Hibruwebi 11:6

Nɛ esa malɛ baa maa kɔ yirda, e maaŋ tiŋ n wora Ebɔrɛ be aparsheŋ kikɛ, ŋkpal manɛ so, esa kama nɛ e ba Ebɔrɛ kutɔ, a daga fanɛ e fara n yirda fanɛ Ebɔrɛ wɔ ŋkpa to nsaa nɛfa bekama nɛ baa fin mo kenishipereso.

Hibruwebi 13:9

Men sa maŋ shin nɛ keŋini be nnaŋ to nɛ a wɔtɔ ere e fule menyi kikɛ nɛ men foe ekpa. Ebɔrɛ be kuwɔr be kakɛ e daga kebaaleŋ menyi be ŋgbeneana to, mannɛ edaŋkaresheŋ be ekpaana be ajibi nɛ a maŋ kɔ tɔnɔ n sa basa nɛ b ji amo na.

Jeems 1:7

Loŋ be esa e sa maa fɛ kenya shɛŋ Ebɔrɛ kutɔ,

Jeems 5:15

Nɛ b baŋ kule Ebɔrɛ yirdaso, elɔpo na beeŋ nya eleŋ. Enyɛnpe beeŋ chɛ mo nɛ e niŋi to nɛ alubi kama malɛ nɛ e wora, Ebɔrɛ beeŋ ta m paŋ mo.

2 Pita 2:17

Le be basa ere du fanɛ abombi nɛ a maŋ kɔ nchu nna ŋko kenyɔlɔ nna nɛ afugboŋ bee kpata a yɔ. Ebɔrɛ kɔ tentembiri nna le mina a jo bumo.